النيتروجين أحسن ولا الهوا - تجربه شخصيه

**karimbow1** · 29-04-2013 10:11 PM

السلام عليكم ورحمة الله

من حوالي اسبوعين ركبت فردتين هانكوك 175/70/13 بدل الجوز الوراني لان اللي قدام كانو جداد برضه بس جي تي. المهم مش هي دي النقطه ، النقطه ان الفني اللي ركب الكوتش قالي يفضي الاربع فرد من الهوا ويحطلي نيتروجين ، انا كنت اسمع عنه لكن مجربتوش قلت مش مشكله اهو كويس عشان اجربه ، ركبت الفردتين ورصصتهم ورصصت فرده قدام مكنتش مترصصه وظبطت النيتروجين على 32 في الاربع فرد (أنا كنت ظابط الهوا برضه نفس الظبطه لأني لاقيتها انسب حاجه عشان الكاوتش والعفشه وخلافه) ومشيت بالعربيه ، بصراحه العربيه فرقت جامد بس مش عارف عشان النتروجين ولا عشان الفرد الجديده والعربيه بقت ناعمه جدا.

كل ده وانا ماشي بالعربيه جوا البلد بس لما سافرت من اسبوع لفايد ورجعت لاقيت ان العربيه مش ثابته وبتعوم مني من سرعة 100 وساعات قبل كده

والسؤال هنا هل النتروجين يخلي العربيه تعمل كده ، المفروض انه احسن من الهوا العادي

معلش انا طولت في سرد القصه بس عشان محدش يقول ان السبب في العربيه وللعلم وعشان الناس تبقى على نور العربيه مربطه عفشه والزوايا مظبوطه والكاوتشات الاربعه مترصصه وكلهم جداد وبقالي سنه تقريبا وانا بظبط الكاوتش على 32 ، الاختلاف الوحيد هنا هو انا النتروجين حل محل الهوا في الكاوتشات

فأرجو اللي عنده تجربه مع النتروجين يقولنا ايه اللي حصل معاه ان كانت العربيه بقت اثبت بيه ولا بالهوا واللي معندوش فكره يشاركنا في النقاش عشان المعلومه توضح للناس لاني برضه مكنش عندي فكره عنه الا لما جربته

**midooo_119** · 29-04-2013 10:20 PM

النيتروجين مالوش اى علاقه بثبات العربية هو يفرق عن الهوا العادى انه مفيهوش خاصية التمدد بالحراره او الانكماش بالبروده عشان كده بينصح بيه لانه مش بيسبب انفجار الاطارات

**S O P H O S** · 29-04-2013 10:44 PM

طب ما ترجع للهواء العادي وتشوف هيحصل ايه
مع ان الي اعرفه ان ملوش علاقة بالثبات
والله اعلم

**besso** · 29-04-2013 10:56 PM

حضرتك بتقول مظبط الضغط على 32 طب ماهو كده كتير ويخللى العربيه تعوم منك

الهواء كان بيعمل كده معاك بردو؟؟؟؟؟؟؟؟؟؟؟؟؟

والنتيروجين فعلا بيتاثر بالحراره بس بدرجه الحراره بس فى درجات حراره اعلى بكتير عن درجه تأثر الهواء

**hossamalsadik** · 29-04-2013 11:11 PM

الى أعرفه ان النيتروجين افضل للاسباب سالف الذكر الى فوق
- ممكن ترجع الهوا تانى وتجرب وانا أكيد ان مافيش فرق
- راجع على العفشه وظبط زوايه عند مركز موثوق فيه

**MohammedAladel** · 29-04-2013 11:26 PM

النيتروجين أفضل بس لما يبقى الجهاز فعلا بيطلع نسبة النيتروجين عالية جدا لأن كدا كدا الهواء فيه نسبة عالية من النيترجين

**engwael** · 29-04-2013 11:40 PM

انا جربت النيتروجين الفرق الوحيد بينه وبين الهوا ان نسبة تاثره بالحرارة او البروده اقل بكتير من الهوا العادي بختصار انك ممكن نضبط الاطارات كل اسبوعين مثلا

**MohammedAladel** · 29-04-2013 11:59 PM

ودى أهم حاجة خاصة فى الصيف

-

الموضوع: النيتروجين أحسن ولا الهوا - تجربه شخصيه

LinkBack

أدوات الموضوع

عرض

-

-

-

-

-

المواضيع المتشابهه

كيا سيراتو الجديده ( تجربه شخصيه )

زيارتى لتوكيل جيلى .... تجربه شخصيه

جيلى mk2 و الـ ck 2 الـ2008 تجربه شخصيه محدوده

كيف تسرق سياره امام الناس كلها *تجربه شخصيه***

لاخواننا اللى ناويين يرخصوا اليومين دول(تجربه شخصيه)

الكلمات الدلالية لهذا الموضوع

المفضلات

المفضلات

ضوابط المشاركة