السلام عليكم

لو حبيت تغير مساعد عربيتك أو بطاحة مساعد عربيتك بتحتاج تضغط السوستة عشان تفك البطاحة والسوستة متنظرش وتعورك ولو نطرت ومعورتكش مش هتعرف تركبها تانى لأنها هتتفرد جامد

فلازم يكون معاك قطعتين زرجينة تضم بيهم السوستة زى اللى فى الصورة دى
Uploaded with ImageShack.us
تمام قوى... هتروح لأى حداد هيعملك القطعتين الحديد دول ممكن تقصرهم شوية لو حابب أنا طولتهم شوية لأنى مش هحتاج أضغط السوستة أكتر من كدا وهخلى الشناكل يمسكوا فى السوستة من فوق ومن تحت

والحداد بيعمل خرم فيها فى الحديدة دى أناعملته مقاس مسمار 14 كفاية قوى مع عربياتنا الملاكى
تكلفة المسمار ( مسمار +وردتين +صامولة ) جنيه واحد
أنا عملت 2 قطعة من اللى انتوا شايفينا فى الصورة بتكلفة 15 جنيه

مش مكلفة وضرورية جدا وهتساعد الناس اللى بيعملوا شغل بنفسهم فى العربية