شوف أسعار العربيات المستعملة ف السعودية and u will feel like إحنا كفرة ولا إيه!!!

**mhopa2440** · 30-04-2013 11:47 AM

حوار الجمارك دا من ايام حسني

واوعى تفكر ان ايام مرسي ممكن يعمل حاجة

الجمارك من الاخر كلها لصالح اصحاب توكيلات السيارات لان اي عبء جمركي بيشيله المشتري (وكله على قفة الزبون)

**ahmedabutaleb** · 30-04-2013 12:58 PM

والله ربنا يكون فى عوننا

**Ahmed Nasser** · 30-04-2013 03:22 PM

ربنا يرحمنا برحمتة
عمى فى قطر كان معاه عيون وباعها بـ 17500 ريال قطرى

**abo-berry** · 30-04-2013 03:29 PM

ههههههههههههههههههههههههه هههه لنا الله

**p r i n c e** · 30-04-2013 05:11 PM

يا جدعان احنا مش عايشين والله
أنا عشت فترة ف الرياض
كان أي حاجة بتقدم عندهم ف البيت شوية بيرموها جنب صناديق الزبالة :-d
تلاجات و بوتاجازات و صالونات و شفت موبايل قبل كدا أه والله موبايل بس قديم شوية :-d
واحد مصري هناك كان صاحب والدي، قال ل والدي الله يرحمه إنه فرش شقته من الزبالة :-d

**benmatar** · 30-04-2013 06:09 PM

عادي خالص بيغيرو العربيات زي الشرابات، وهي دي عيشة؟؟ إنك تركب عربية محترمة وتمشي في شوارع نظيفة وتشرب مياه معقمة؟؟؟؟ لا لا لا، الحكومة الرشيدة عارفة مصلحتنا برضه إنك تشتري عربية متكملش 10000دولار وتدفع قدهم جمرك. أكيد هما عارفين مصلحتنا بس إحنا نحط في بطننا بطيخة شتوي

بس برضه الحكومة خايفة علينا عشان زهو الدنيا مايخدناش ربنا ياخد الظالم والمفتري، ونفضل راكبين عربيات طالع عينها ونمشي في شوارع طالع عينها ونحط بنزين هيشيلو عنه الدعم وتطلع عيننا عشان طول ماحنا ماشين في الطرق ومسافرين نحسبن ونستغفر وربنا يرحمنا برحمته، وبرضه الحكومة مهتمة إننا نفضل على الذكر والاستغفار في كل المراحل عشان الحسنات تزيد فاللي بيفكر ميركبش عربيته يسافر بالقطر يركب درجة تالتة يحس بنفس إحساس المجاهدين، واللي يركب الدرجة الأولى المكيفة والتكيف عطلان ويحس بالنار يفتكر عذاب الآخرة، شوفتو بقى ؟؟؟؟ وفي الآخر تظلموا الحكومة؟؟؟؟ يا قلبكو الإسود.