الموضوع: اجتهادي لتأمين الإلنترا md

المشاركة الأصلية كتبت بواسطة ibnmoaz

السلام عليكم يا شباب . طبعا موضوع الساعه هنا في المنتدي سرقة السيارات وبالأخص هنا في قسم هيونداي سرقة الإلنتر md . وبما اني من ملاك الجميله دي من (8-2011) فقد شغل بالي جدا الموضوع ده . الي ان كنت مع واحد صاحبي معاه نفس العربيه و لقيته عامل مفتاح فصل يدوي لطلمبة البنزين وحاطه في الشنطه . وكل مايجي يركب العربيه او ينزل منها يفتح الشنطه ويفصل او يوصل طلمبة البنزين . موضوع متعب و شكله وحش وممكن اي حد يلقطه وياخد باله بسهوله .
بس اوحالي بحل لطيف ممكن يساعد في تأمين العربيه بإختصار برضه مفتاح فصل لطلمة البنزين بس بريموت كونترول ويكون :* صغير الحجم عشان نعرف نخبيه
* مداه طويل المدي وهقولوكو ليه
*بيدي سيجنال كهربا متصله عشان اشغل منه طلمبة البنزين
لحد ما لقيت ضالتي و انا قاعد عند ميكانيكي معرفه بنضف فلتر الهوا بعت صنايعي عنده يجيبله حاجه وايداله مفتاح الموتسيكل الصيني راح الواد مدور المارش بتاع الموتسيكل من بيعد وراح راكب وماشي بس كده .
لقيت اللي بدور عليه (جهاز انزار صيني بتاع الموتسيكل)جهاز صغير الحجم قد علبه الكبريت الكبيره دي له انتينا سلك . مدى طويل يصل بالتجربه الي 70 متر . بيدي سيجنال متصل عشان بيدور المارش.
مكدبتش خبر ونزلت جبت واحد من بتوع قطع غيار الموتسيكل انضف نوع اسمه حلاوه (ههههه) والله اسمه كده. ده عامل 60 جنيه . ورحت عند كهربائي شاطر انا اعرفه وقلتله على اللي انا بفكر فيه ومخمخ لها دقيقتين كده وبعد كده عملنا الاتي:
....شيلنا الكنبه الخلفيه وغطاء طلمبه البنزين(الفلتر) وشفنا الفيشه بتاعت طلمبة البنزين وحددنا لون سلك الكهرباء الي في الفيشه ديه .وقفلنا تاني كل حاجه مكانها .
....في اي مكان تختاره ماشيه فيه ضفيرة الكهرباء في الصالون تحت الفيبر طبعا بتكشف عليها وتحدد لون السلك اللي عرفناه في الخطوه السابقه بتاع الطلمبه وبنشتغل عليه .
.... في المكان اللي انت بتختاره الكهربائي بيقسم اسلاك الكهربا بتاعت حهاز الانزار ده بنركب 1 كتاوت للتوصيل فقط الخطوة دي يعرفها الصنايعي اكتر متشغلوش بالكو بيها .
اهم حاجه بس ملكوش دعوة باي فيشه في العربيه لا تشيل فيشه ولا تزود فيشه عشان جهاز كشف الاعطال اللي في التوكيلات ميقراش غلطه .
التكلفه 60 جنيه جهاز النزار ب2 ريموت
25 كتاوت الماني
60 مصنعيه قد تصل 100 على حسب الصنايعي
مدة الشغل حوالي 45 دقيقة الموضوع سهل في تنفيزه جدا للجماعه بتوع الانزار .الريموت بيبقي فيه 4 ازرار بيشتغل منه 2 بس فصل و توصيل
ميزه كمان في حالة التثبيت لا قدر الله زي ما شوفنا في الفيديو الشهير على النيل لما ثبتو الراجل ونزلوه و فتشو جيوبه وخدو العربيه انا شخصيا بعلق الريموت الصغير ده في رقابتي من تحت الملابس لو حصل لا قدر الله واتثبت علي بعد 50 متر ولاحاجه بتفصل العربيه وتجري ولا تعمل اي حاجه . وفي النهايه كله بامر الله و الله الحافظ بس اهي محاوله غير مكلفه و فعاله . وانا الان بدور علي طريقه ازود بيها المدي بتاع الريموت ده لتصل الي 120 متر علي الاقل و ان شاء الله قربت اوصل ...قد يكون احد الاخوه هنا في المنتدي عملوها قبل كده بس انا قلت اشارككم بالتجربه . والله الحافظ

اولا شكرا على الموضوع و نقلك للتجربة بس هو ده حضرتك قطعت فى الضفيرة او السلك اللى واصل لفلتر و طلمبة البنزين صح ده طيب ده مش يخرج من الضمان و كمان لو لا قدررررر الله واحد اتثبت و بعد ال 50 متر وقف العربية بالريموت ما هى الاحتمالات بالنسبة للحرامية يعنى مش ممكن يرجعو تانى لصاحب العربية مثلا و يشوفو عمل ايه و لا يجرو و لا ايه بالظبط و شكرا

المشاركة الأصلية كتبت بواسطة aymanshebl

اولا شكرا على الموضوع و نقلك للتجربة بس هو ده حضرتك قطعت فى الضفيرة او السلك اللى واصل لفلتر و طلمبة البنزين صح ده طيب ده مش يخرج من الضمان و كمان لو لا قدررررر الله واحد اتثبت و بعد ال 50 متر وقف العربية بالريموت ما هى الاحتمالات بالنسبة للحرامية يعنى مش ممكن يرجعو تانى لصاحب العربية مثلا و يشوفو عمل ايه و لا يجرو و لا ايه بالظبط و شكرا

والله يا سيدي بيخرج من الضمان و لا لا . دا مافيهوش قول فصل انا روحت التوكيل وكشفت علي العربيه بالجهاز و الحمد لله ما فيش اي حاجه . و انا كمان مركب وحدتين رفع زجاج من حوالي 21 شهر و ما فيش اي حاجه و لا حد خد باله اصلا . الموضوع زي تركيب اي جهاز انزار او اي حاجه من الحاجات دي... بعدين تعبير (قطعت قي الضفيره) ده كبير قوي و يخض هو سلك واحد بس .
اما موضوع لا قدر الله الحراميه هيعملو ايه !!!! دا موضوع تقديري ليك انت و موقفك . انا شخصيا هوقف العربيه و هجري مثلا او هرمي الريموت بعيد معرفش بصراحه . بس اكيد مش هقف اتفرج كده و انا في ايدي حاجه اعملها ......
عشان كده انا بحاول اشوف طريقه لزياده ارسال الريموت حسسايه استقبال الريسيفر و لو حد من عباقرة الالكترونيات و الالاسلكي يقدر يفيدنا يا ريت

المشاركة الأصلية كتبت بواسطة ibnmoaz

والله يا سيدي بيخرج من الضمان و لا لا . دا مافيهوش قول فصل انا روحت التوكيل وكشفت علي العربيه بالجهاز و الحمد لله ما فيش اي حاجه . و انا كمان مركب وحدتين رفع زجاج من حوالي 21 شهر و ما فيش اي حاجه و لا حد خد باله اصلا . الموضوع زي تركيب اي جهاز انزار او اي حاجه من الحاجات دي... بعدين تعبير (قطعت قي الضفيره) ده كبير قوي و يخض هو سلك واحد بس .
اما موضوع لا قدر الله الحراميه هيعملو ايه !!!! دا موضوع تقديري ليك انت و موقفك . انا شخصيا هوقف العربيه و هجري مثلا او هرمي الريموت بعيد معرفش بصراحه . بس اكيد مش هقف اتفرج كده و انا في ايدي حاجه اعملها ......
عشان كده انا بحاول اشوف طريقه لزياده ارسال الريموت حسسايه استقبال الريسيفر و لو حد من عباقرة الالكترونيات و الالاسلكي يقدر يفيدنا يا ريت

بس يا باشا بعد أذنك بالنسبة لوحدتين الرفع تمنهم كان كام ولما اتركبوا اتوصلوا على ايه بالظبط

المشاركة الأصلية كتبت بواسطة khaabas

بس يا باشا بعد أذنك بالنسبة لوحدتين الرفع تمنهم كان كام ولما اتركبوا اتوصلوا على ايه بالظبط

علي ما افتكر كانو الحدتين عاملين 100 جنيه وبيركبو في باب السواقعلي كهربه السنترال لوك (قفل)

المشاركة الأصلية كتبت بواسطة ibnmoaz

انا بحاول اشوف طريقه لزياده ارسال الريموت حسسايه استقبال الريسيفر و لو حد من عباقرة الالكترونيات و الالاسلكي يقدر يفيدنا يا ريت

شوف كده الفيديوهات دى يمكن تفيدك

[youtube]http://www.youtube.com/watch?v=7wcvAUlhh4U[/youtube]


[youtube]http://www.youtube.com/watch?v=bE1rxBiyl5Q[/youtube]

[youtube]http://www.youtube.com/watch?feature=player_embedded&v=8f-g2W4ZoEw[/youtube]

مش عارف اللينكات مش ظاهرة كلها ليه ده لنك تانى


[youtube]http://www.youtube.com/watch?feature=player_embedded&v=8f-g2W4ZoEw[/youtube]

و ده كمان واحد

[youtube]http://www.youtube.com/watch?v=bE1rxBiyl5Q[/youtube]

[youtube]www.youtube.com/watch?v=8f-g2W4ZoEw[/youtube]