محتاج مساعده فى شراء بولونيز

**ahmscu** · 30-04-2013 04:30 PM

انا محتاج اشترى عربية بولونيز بس الصراحه محتار جدا،ناس خوفونى وناس شكرولى فيها،انا محتاج عربيه تستحمل الطرق السيئه ومش مهم الرفاهيات وتكون قطع غيارها متوفره ومعمره وماتزيدش عن 20 الف،ياترى لو ممكن تساعدونى اجيبها ولا لا واى موديل واكشف عليها فين لو لقيت حاجه كويسه وهل فيه صنايعى محترم ممكن يجى معايا يكشف عليها وياخد اجرته او حتى فيه اى مركز متخصص اكشف عليها فيه

**kreka** · 01-05-2013 04:03 AM

مميزات العربيه
-------------------
عربيه ناشفه جدا -- من اكتر العربيات ثباتا فالعربيات القديمه -- صالونها واسع وشكله ممتاز بالنسبه لكل القديم -- قطع غيارها رخيصه اوى ومنتشره اوى

العيوب
-------
العربيه عفشتها ناشفه شويه -- صوت الموتور عالى وخشن -- شكل العربيه مش لذيذ

دى اهم حجات ممكن تهمك فيها .... بس طبعا زيها زى اى عربيه لو صاحبها مش مهتم بيها او مبيعملهاش صيانه اول باول يبقى هتقرفه وتكره فالعربيه

**aboomar22** · 01-05-2013 07:56 PM

طيب هو لازم البولونبز متشوف فيات 131 او 132 نفس رنج الاسعار تقريبا وقطع غيار رخيصة وبياعة اكتر ومواتيرها انعم وهتلاقى منها بارو وزجاج كهرباء ومنها مكيف كمان

**ahmscu** · 02-05-2013 01:12 AM

الف شكر ياجماعه على المساعده بس للاسف ال 131 و132 سالت على قطع غيارها لقيتها غاليه جدا ده غير ان موديلاتهم قديمه جدا

**hugan** · 02-05-2013 01:23 AM

البلونيز
اقوي عربيه مدرعه نزلت مصر
لو نوي عليها
يفضل يفضل
بولونيز الجولف موتور 1600
عربيه متطوره بنسبه كبيره
اسبراتير الكتروني
كربراتير بك السلانسيه كهرباء
موتور اكبر في القوه
كل عيوب ال فيات 25 تم تلافيه في البلونيز
لو مالقتش 1600
يبقي تدور في الموديل اللي بيكون ليه نافذه زجاج ثابته بعد البابين
في الغالب الموديل ده من 87

**ahmscu** · 07-05-2013 04:07 AM

الف شكر يا جماعه على الردود والنصايح بتاعتكم بجد ربنا يخليكم، وانا فعلا الحمد لله اقتنعت بالبلونيز جدا وعمال ادور على حاجه دواخل فابريكه ومش مهم الحاله وهظبطها براحتى، وانا سمعت لو عربيه معدومه بس دواخل سليمه وصرفت عليها حوالى 7 الاف جنيه هتبقى عربيه صح ولا ايه رايكم؟

**kreka** · 07-05-2013 04:28 AM

المشاركة الأصلية كتبت بواسطة ahmscu

الف شكر يا جماعه على الردود والنصايح بتاعتكم بجد ربنا يخليكم، وانا فعلا الحمد لله اقتنعت بالبلونيز جدا وعمال ادور على حاجه دواخل فابريكه ومش مهم الحاله وهظبطها براحتى، وانا سمعت لو عربيه معدومه بس دواخل سليمه وصرفت عليها حوالى 7 الاف جنيه هتبقى عربيه صح ولا ايه رايكم؟

انا اللى قايلك الكلام دا ....... بس هتاخد فاعتبارك انك هتتمرمط صح عشان تعمل الموضوع دا

يعنى من الآخر واحد غاوى يركب عربيه بمواصفات معينه

**a_pharaon** · 01-06-2013 08:34 AM

لو لسه مشترتش .. أخي عارض عربيته البولونيز للبيع موديل 1987 دواخل فبريقة فرش جلد * قطيفة + أرضية جلد حديث و تم تغيير العفشة بالكامل خلال 2013 وتم عمل عمرة ممتازه للماتور في منتصف 2012

ت: 01005341053