الموضوع: إلحق يا قبطان المركب بتغرق؟؟؟؟؟؟!!!!!!

المشاركة الأصلية كتبت بواسطة ASKAFRAWY

اللهم امين يارب العالمين
لا يافندم توضيح بس عاوز اقوله الخطأ على قبطان السفينة لانه تعامل مع الموقف بثقة زائدة..كان ممكن من اول ما المركب مالت 10 درجات يصدر قراره بمغادرة السفينة و يتم تجهيز رماثات و فلايك النجاة
وكان قدر ينقذ جميع الركاب بالطاقم

لكن الطاقم لا يجرؤ ان ينفذ اى قرار الى من تعليمات مباشرة من ربان السفينة.وواضح من صوت التسجيل ان القبطان كان واثق ان المركب مش هتتقلب لدرجة انه بيطلب من الطاقم: استنونا بس ياجماعة
للاسف الطاقم ضحية زيه زى الركاب لانه عاش الرعب فى محاولة اطفاء الحرائق المتكررة التى اندلعت بالجراج...انا اقدر اقول لحضرتك ان المركب ممكن تكون غرقت والطاقم لسة بيحاول يحب المياه و يحاول استعدال السفينى عن طريق ملو الصابورة
و فى النهاية هو فيه فعلا اهمال...لكن من الجهات العليا بدأ من الادارة و حتى القيادة على متن السفينة
وانا لله و انا اليه راجعون

انا مع حضرتك مقلتش حاجة و دة اللي كنت أقصده فعلا

بس التصور اللي وصلني ان حريقة اندلعت في الجراج الله اعلم كانت في ايه او بسبب ايه ؟
المهم الطاقم فتحوا خط الحريق اللي بيسحب من البحر علشان يطفوا الحريقة
بس لسبب من الاأسباب فتحات ال drain اللي في أرضية الجراج اتسدت بسبب مخلفات الحريق
ساعتها أنا المفروض اقفل البشبوري على ما اسلك الفتحات دي و اتعامل مع الحريق بطفايات الحريق اللي المفروض تكون منتشرة في السفينة كلها
لأن كمية المياه اللي بتضخ دي مش هزار و مش بتتصرف و داخل جراج الله أعلم ظروفه ايه بس أعتقد ان معظمه كان فاضي .. يعني معاك free surface للصبح

و نقطة تانية المفروض سترات النجاة بيكون فيه في كل كابينة عدد الركاب الموجودين فيها بالإضافة إلى ان قوارب النجاة المفروض انها تستوعب عدد الركاب
طالما أنا عندي عدد معين من أدوات السلامة يبقى ألتزم بعدد الركاب مش اقلبها علبة سردين ( طمع )

و أنا بس مش عايز اجيب الغلط على حد بالذات سواء متوفي او ناجي من طاقم المركب
بس أنا بقول أن الأزمة كان المفروض يتم التعامل معها بشكل أحسن

المشاركة الأصلية كتبت بواسطة ASKAFRAWY

دة االقصدته لما قولت ان الفساد من الجهات العليا..لانك بتدفع فلوس نظير الركاب الزيادة دول...الحصل بالظبط ان مش حريق واحد الحصل..اندلع اكثر من حريق بالجراج و نتيجة لانسداد البوانى تجمعت المياه لكن فيه حاجة غايبة عن حضرتك ان دة مش بشبورى دة نظام sprinkler system و دة بيفتح اوتوماتيكيا عند الاحساس بالحريق يعنى لايمكن التحكم به لانه بيعتمد ان الجراج من الاماكن المافيهاش وردية على المركب..حضرتك لو موجود على المركب و حصلت حريقة لاقدر الله انت كل همك انك تطفيها لان فيه تنكات وقود وخطوط زيت وووقود وسيارات ممونة بنزين بالاضافة لمتعلقا الركاب من شنط و اثاثت كل دة بيكون فى الجراج
موضوع تسبيك البوانى دة صدقنى عمره ما هييجى فى بالك وقتها انا جربت الموضوع دة للاسف مرتين على وادى النيل وكانت شغالة على نفس الخط السويس جدة...حاجة كمان انت ناسيها تخيل لو معاك 1400 راكب و حسوا بالخطر هتقدر تتحرك و تروح وتيجى على المركب بسهولة دول ما هيصدقوا يلاقوا حد من الطاقم يتحاموا فيه

تمام
بس انا مكنتش اعرف انها sprinkler

و حضرتك انا عارف كل دة لأن انا بدرس هندسة بحرية و طلعت على مركب الغلطة فيها بفورة على طول ( غاز )