اللى بيقول مبيعملش و اللى بيعمل مبيقلش

**hossamalsadik** · 01-05-2013 06:46 PM

المشاركة الأصلية كتبت بواسطة mohammedaladel

وفيه ناس متستاهلش المساعدة أوهاهاهاهاهاهاهاهاهاها

مش فاهم وضح اكتر

**peter magdy** · 02-05-2013 02:50 AM

انا معاك فى اللى انت بتقولة
بس ممكن يكون واحد مكسل يكتب الحل اللى وصلة
او انانية
او زى ما الاعضاء قالت بيسجل علشان يعرف السبب و شكرا على كدة
و اكيد فى حاجات تانى
لكن الاعضاءتتحاور و تتواصل دايما
و دول قليلين جدا - فعلشان كدة تلاقى اللى بيتابع او متواصل معاك قليل
فمتزعلش لان دة حال ناس كتير بنتعامل معاهم فى حياتنا اليومية
فمابالك فى النت بقى

**حمدى الفنى** · 04-05-2013 05:48 AM

يا عم احمد عبد الرحمن عليه الصلاة والسلام الاول ردا على صلو عليه عيوب البى واى دى نعجة نايمة ونعجة قايمة كل مشاكل الغلبانة صوت فالفتيس والدبرياج تقيل وفيه عضة فالغيارات فى حاجة تانى فالغلبانة الصوت الى فالفتيس حلو تغير طقم بلى كامل للفتيس تمام والعضة والتقل حلهم تغير استوانة اتخن من الى راكبة اهه عشان ما تقلش فى اسرار ادينى بقلك سر باكل بيه عيش منك له وقفت حالى وخت منى السر ههههه عشان الاستوانة الى نازلة فالعربية 7بعة ونص ملى او 8 ملى وده يعمل عضة فالغيار وتقل فالدبرياج وده بردو الى بيتسبب فبوظان ماستر الدبرياج ايه مشاكل الغلبانة تانى لاهيه بتفصل مراوح وما تقلكش زى الفرنا ولا بلوفاه بتخبط زى الفرنا وغيرها لائنها على تاكيهات عادية تماما بتظبطها بمفتاح عشرة ومفك ولا عفشتها معقدة زى الاسبرنزا ولامتورها بيركبلو كاتينة قطر زى الاسبرنزا وغيرها معاكو عربيه مش هيعملو زيها تانى فالصين زى المثل الراجل راجل لو عضم فقفة والبى واى دى بردو بى واى دى لو عضم ففتيس شكرا وما حدش يشتكى من حد الى عندو معلومة يقلها والى ما عندوش مش مهم والى عندو ما قلش مش مهم هنعرف هنعرف ومش هنقلو بس هو هيعرف من كلامنا عالموقع سيبو يعرف واحنا الاكرم اى خدمة خلتنى ارط كتير الله يسامحك يا عم احمد شكرا ليكو جميعا

**ahmedselaraby** · 04-05-2013 12:56 PM

نحمد الله اننا معانا إنسان جميل و كريم زيك كده يا بشمهندس حمدى ,, هذا من حظنا والله ,, و بالنسبه للرزق فلا تخف ,, الأرزاق بيد الله سبحانه و محدش يقدر يمنع رزقك من الله ,, و كلامك ده بيحبب الناس فيك أكتر و بتزداد إحتراما فوق إحترام و بيرغب الناس انهم يجولك و يبقوا عايزين يشوفوك و يتعرفوا بيك و يتعاملوا معاك ,, و الله انت حتت سكره ,, أو حتت جوهره ,, أو ندمج الصفتين فى بعض و نقول حمدى الجوهره حتت سكره ,,

الفكره كلها انى مابقتش اثق غير فيك و فى شغلك ,, ما شاء الله فاهم و محترف و مبدع و مبتكر و مخترع و كمان عندك بى واى دى بتاعتك ,, يعنى مفيش أحسن من كده ,, الله أكبر

أتوقع لك مستقبلا مشرقا و جميلا ان شاء الله

و توقع انت انك تشوفنى كتير و علطول عندك و تشوف كل حبايبنا هنا فل منتدى ان شاء الله

شكرا قليله عليك بس لازم أقولك شكراااااااااااااااااااااا ااااااااااااااااااااااااا ااااااااااااااا

**حمدى الفنى** · 04-05-2013 09:05 PM

المشاركة الأصلية كتبت بواسطة ابوجنى2112

اوووووووووعى..تعمل كدة...هتبقى خيانة عظمى..أنا بحذرك...
يعنى اية تروح لحمدى من غير ما تقول لى..وتنسق معايا...علشان نروح مع بعض..
ولا هو حبيبك لوحدك...
هادى اخرتها..هادى اخرتها..ياأهل بنغازى.. قصدى ( المنتدى)*...ههههههههه

يا سلام انت هتتخانقو يا اهلى وعشرتى تشرفو وتنور الورشة الرخمة المتواضعة بس انتو تعالو ايامكم طويلة معايا وشكلكو مش هتسبونى غير لما تقلعوووونى الصنعة هههههه وانا الى هاجى اصلح عندكو مش هديكو اسرار تانى هه

**ahmedselaraby** · 05-05-2013 02:44 AM

المشاركة الأصلية كتبت بواسطة حمدى الفنى

مش هديكو اسرار تانى هه

التميز لا يكون بالأسرار فقط , و إنما أيضا بحرفية الصنعه و المهاره الميكانيكيه , يعنى ممكن ميكانيكى تانى يعرف اللى عرفه بشمهندس حمدى و لكن لو حاول يعمله مش حيعمله بدقة و إحترافية و مهارة و جودة و إتقان بشمهندس حمدى , و بالتالى يظل المتميز متميزا حتى لو قلده الكثيرون

بشمهندس حمدى ,,,,,, أنت الأصل

محدش بياخد رزقه و رزق غيره