استفسار عن تركيب فوجات أو day time running lights للكليو

**Amr_Moh** · 01-05-2013 09:57 PM

يا وحوش

بما أني أجلت بيع الكليو لحد معرف حيهببوا آه في موضوع البنزين . فعايز اركب لها فوجات أو داي تايم رننج لايتس زي الصورة

الكليو ٢٠٠٣ بايسك بدون فوجات

السؤال

هل لازم أغير دراع الأنوار عشان يبقي فيه مفتاح أفل و فتح للفوج ولا آه اقتراحاتكم ؟؟؟

**MohammedAladel** · 01-05-2013 11:06 PM

عامة الكليو مش منظر يا هندسة يعنى سيبك من ال day time دى لأنها مش هتزيد ولا هتضيف

بالنسبة للفوجات هتنفع وقت شبورة برضه

**Amr_Moh** · 01-05-2013 11:14 PM

المشاركة الأصلية كتبت بواسطة MohammedAladel

عامة الكليو مش منظر يا هندسة يعنى سيبك من ال day time دى لأنها مش هتزيد ولا هتضيف

بالنسبة للفوجات هتنفع وقت شبورة برضه

يا باشا الكليو ديه أحسن عربيه في المجره.

بس مردتش علي وسؤالي

**MohammedAladel** · 01-05-2013 11:19 PM

فكرتنى لما كنت بشوف ميجان عند تاجر ... كان فيه جنبها كليو راكنة ... وبعدين الراجل صاحب المعرض مش عارف أساميهم ... كان بيقول عليها كلية بكسر الكاف

بس أنا معرفش حاجة عن استفسارك بس حبيت أشارك برأى متواضع برضه

**عمرو عمارة** · 01-05-2013 11:44 PM

المشاركة الأصلية كتبت بواسطة MohammedAladel

عامة الكليو مش منظر يا هندسة يعنى سيبك من ال day time دى لأنها مش هتزيد ولا هتضيف

قصدق إيه يعني يا كابتن إنها مش منظر......

ههههههه......إحنا راكبين توك توك ولا إيه ؟

عامة يا عمرو باشا الليدات شكلها وحش فعلاً عليها.......

الفوجات طبعاً مفيدة.....بس عشان تعملها صح بنظافة لازم تغير دراع الأنوار إلي على الشمال

معرفش إذا كان الدراع ده بيتباع لوحده ولا لازم الجزء كله إلي خلف الدركسيون

**dedo_ryo** · 01-05-2013 11:56 PM

علي حسب التاجر في تجار بيبيعوا الدراع لواحده و في تجار بيديك الدراعين "نور و مساحات" و شريط الايرباج مع بعض
و علي فكره الاضاءه مقبوله بس لو تبقي تحت في اخر الشبكه مش فوق تبقي شبه السيراتو الخليجي و ياريت لو حضرتك تتاكد ان دراع النور عند حضرتك مفيهوش فوجات لان في بعض الاحيان بيبقي الدراع مجهز علشان تركب فوجات

**Amr_Moh** · 02-05-2013 12:14 AM

المشاركة الأصلية كتبت بواسطة عمرو عمارة

قصدق إيه يعني يا كابتن إنها مش منظر......

ههههههه......إحنا راكبين توك توك ولا إيه ؟

عامة يا عمرو باشا الليدات شكلها وحش فعلاً عليها.......

الفوجات طبعاً مفيدة.....بس عشان تعملها صح بنظافة لازم تغير دراع الأنوار إلي على الشمال

معرفش إذا كان الدراع ده بيتباع لوحده ولا لازم الجزء كله إلي خلف الدركسيون

LOL

راحت عليكي يا كليو .. بس أنا شايفهم حلوين.

المشاركة الأصلية كتبت بواسطة dedo_ryo

علي حسب التاجر في تجار بيبيعوا الدراع لواحده و في تجار بيديك الدراعين "نور و مساحات" و شريط الايرباج مع بعض
و علي فكره الاضاءه مقبوله بس لو تبقي تحت في اخر الشبكه مش فوق تبقي شبه السيراتو الخليجي و ياريت لو حضرتك تتاكد ان دراع النور عند حضرتك مفيهوش فوجات لان في بعض الاحيان بيبقي الدراع مجهز علشان تركب فوجات

الدراع عندي في فج خلفي فقط ولازم أنور معاه النور الأساسي ( main beam) عشان ينور

**sammor_28** · 02-05-2013 04:11 AM

مستني الاراء معاك بالنسبه للداي تايم رننج لايتس
عشان لو كده اركبها برضه ان شاء الله ويارت لو السعر كمان ومكان التركيب

وبعدين يعني معلش الكليو عربيه جميله وشكلها لذيذ مش عشان هيا بتاعتي بس ده رأي معظم الناس
وانا عربيتي ماشاء الله شكلها تمام لونها رمادي فول اوبشن ومركب جنط فضي 15
وستاير كبس وشويه بادجات وطقم صوت جامد والعربيه بسم الله ماشاء الله ملفته للنظر في اي مكان وانا بحبها جدا

مستنى اراء الأعضاء مع حضرتك
واعتقد انك تركب الفوج مع الداي تايم الصوره شكلها رائع

معلش سؤال كمان أجيب الكاوتشه الجلد اللي تحت الأكصدام الامامي اللي في الصوره دي منين وبكام

**wael-mohamed** · 02-05-2013 12:36 PM

شوف يا باشا
1- العربية الكليو دي من اجمل العربيات الي ركبتها في حياتي من حيث الشكل والمضمون وعلى فكرة انا معايا دلوقتي فلوانس 2012 e3 ورغم كده برضوا بحن للكليو الجميلة
2- موضوع الفوجات موجودة استيراد وموجودة جديدة في الحرافيين واظن ان هيه ب250 ج الاثنين جداد ديبو بس الاصلي استعمال شكله احلى شوية وتقريبا بنفس السعر او اغلى شوية وموجودين عند عصام بشتر او الاسراء او المصطفى او جمال بتاع رينو وكلهم في الحرفيين ولو هتشتري مستعمل نقي الفوانيس بتاني وركز كويس في القواعد بتاعتها
3- بالنسبة لتوصيلها حضرتك عندك في دراع النور لفة علشان الفوج الي ورة والعربية الفول اوبشن بيبقى في حركة للبكرة قدام علشان الفوجات الي قدام وعلى ما اعتقد ان الدراع مش رخيص فممكن تعمل الاتي يا اما تخلي الكهربائي يوصل الفوجات الي قدام الجديدة مع الي ورا وينوروا مع بعض من الدراع او تركب زرار في الاماكن الموجودة في الطابلو بتاع العربية سواء الي جنب الولاعة او الي في الشمال جنب زرار التحكم في الفوانيس الامامية والكهربائي يوصلك الزرار مباشر مع الفوجات
4- بالنسبة للضوء النهاري فالي انت حطه في الصورة لطيف بس ان مع راي اخونا السابق الي قلك لو اتحطو تحت يكون احلى او فوق الدراع الي بين الفوجات في الشبكة الامامية بجوار الفوجات يبقى احلى واحلى
في النهاية عربيتك ذي الفل وشكلها جميل وبيليق معاها اي حاجة وربنا يباركلك فيها

**Land_Cruiser** · 02-05-2013 01:04 PM

المشاركة الأصلية كتبت بواسطة MohammedAladel

عامة الكليو مش منظر يا هندسة يعنى سيبك من ال day time دى لأنها مش هتزيد ولا هتضيف

بالنسبة للفوجات هتنفع وقت شبورة برضه

+1
الفوجات هتنفع اكتر في حاله الشبوره او حتي لزياده الاضاءه إنما ال day time وجهه نظري المتواضعه انها مش هتفيدك و خاصه ان اللي في الصوره صغيرين و مكان تركيبها ده اللي في الصوره رخم لانه لو اي حد ريح عليك لاقدر الله ممكن يتكسروا بسهوله بعكس الفوجات اللي ليهم تجويف في الاكصدام يحميهم. لو حضرتك عايز حاجه تغير شكل العربيه ممكن مثلا تركب فرش كويس هيغيرلك شكل الصالون

الموضوع: استفسار عن تركيب فوجات أو day time running lights للكليو

LinkBack

أدوات الموضوع

عرض

استفسار عن تركيب فوجات أو day time running lights للكليو - انشر الموضوع فى :

-

-

-

-

-

المواضيع المتشابهه

Disabling daytime running lights(DRL) Astra j ازاى اعمل

بفكر أجيب daytime running lights تفتكروا شكلها هيكون حلو ؟

تركيب فوجات كيا كارينز -صور-

استفسار بخصوص تركيب فوجات

استفسار عن تركيب فوجات وشراء طاسات .

الكلمات الدلالية لهذا الموضوع

المفضلات

المفضلات

ضوابط المشاركة