الموضوع: دعوة الى التكاتف مع هيونداى ضد حملات الهجوم عليها.... مش حنقبل كل النقد ده

هو الموضوع بقى حرب ومحتاج تكاتف الاخوة ضد الاعداء من ذوى الماركات الأخرى
ياجماعة ارحمونا بقى وكل واحد يفرح بعربيته زى مهى وخلاص مدام مريحاه
اللى يقول يقول وبلاش بقى خناقات على شوية حديد

المشاركة الأصلية كتبت بواسطة alivara

المشكلة كلها ان هيونداى عاملة عربيات لجميع فئات الشعب فطبعا كل ما تقل الفئة السعرية للعربية تقل كفاءتها و كمالياتها و ده اللى بيخللى الناس تكره الكورى
لان معظم اللى بيتكلموا عن هيونداى من ملاكها عندهم عربيات فى فئة قليلة زى اكسنت و فيرنا فلازم تلاقى عيوب , و من الناحية التانية تلاقى الماركات اللى كل الناس بتشكر فيها مالهاش عربيات فى فئات سعرية صغيرة زى تويوتا و مرسيدس و بى ام دبليو كل عربيات الشركات ديه فئات عالية عشان كده فيها كفاءة عالية و كماليات كتيرة
نيجى بقى لهيونداى , فى الفئات العالية ماتلاقيش مشاكل (كل ما يزيد السعر تزيد الكفاءة) زى الانترا و سوناتا و توسان كلها عربيات جميلة
قصدى ان الشكوى كلها بتيجى من الفيرنا و الاكسنت ... و زيهم فى نفس الفئة السعرية
هيونداى افتكرت ان ده حيسهل على كل الناس ركوب العربيات بس الناس فهمت غلط و استخدمت ده ضد هيونداى
بمعنى (مش عايز حد يزعل) واحد دافع 70000 جنيه فى عربية فيرنا و عايز بفلوسه ديه من العربية ايه ؟ ثبات زى اوبل , نعومة زى تويوتا , كماليات رهيبة , تسارع زى فيرارى , راحة زى الليموزين! , شكل زى سيفيك او لانسر
يعنى عايز يسوى عربيته اللى ب 70 الف بعربيات بملايين , ده كلام ؟
يعنى هى غلطة هيونداى انها عملتلك عربية على قد فلوسك بامكانيات متواضعة على قد فلوسك و كمان مش عاجبك ؟

استاذ أليفيرا
الحقيقة مش قادرة اقول لك غير ان دعوتك الكريمة ده في الاتجاه الخاطئ تماما ... انا رأيي تروح توجهها لغبور لأنه هو اللي بيهاجم العربية مش احنا. هو اللي مفضيها من كل حاجة و هو اللي بيسرق في تمنها و بيغلي سعرها كل يومعلى الفاضى و توكيل أقل ما يوصف بيه انه معندوش ضمير.

ثانيا ممكن حضرتك تقول لي ليه اللي دافع 70 الف ما يخدش أمان في العربية على الأقل طالما (حسب كلام حضرتك) لا هي ثابتة و لا مريحة و لا ناعمة و لا متسارعة زي العربيات التانية في فئتها و هي اساسا كوري متقفلة في مصر!
أنا من داخل مصانع النصر للسيارات اللي بتتقفل فيها الفيرنا (اللي ب 70 الف) شركة النصر عملت مشكلة مع غبورعلشان الشاسيهات اللي بيستوردها سيادته مش مضبوطة و فيها ميل و ساعات بيبقى فيها جزء بارومة و الأستاذ غبور بيقولهم على الميل ان المكن مش مضبوط (رغم انه نفس المكن اللي كان بيتقفل عليه الفيات و نصر)... و مفيش عربية بتخرج سليمة في الزوايا!!!

و بعدين لو ال 70 الف مش كتير عند حضرتك أو عند الأستاذ غبور فهم بالتأكيد كتير عند المستهلك الغلبان اللي اكيد دول بيبقوا شقى عمره و محوش عشان يجيب عربية لعائلته فتيجي حضرتك تقول هو فاكر هياخد بيهم ايه ، اعتقد انه المفروض ياخد على قد شقى عمره ده.

معلش ممكن يكون كلامي حاد و أنا بصراحة ما كنتش ناوية أرد بس جملة حضرتكده استفزتني جدا . و يا ريت حضرتك تتكلم باسمالمستهلك الغلبان و عم غبور او حتى هيونداي مش قليلة الحيلة علشان تستنى أي حد يدافع عنها او يرد هجوم عنها ده لو كانوا فارق معاهم الشعب ده كله من الأساس.

و ربنا يكون في عوننا

يعنى يا جماعة عربيات هيونداى الخليجى بيبقى فيها كل حاجة و لا فاضية برده ؟

بصراحة يا اليفيرا إنت غريب التصرفات لما كنت مقتنع بالياريس كنت أشد المهاجمين على الهيونداى و خاصة الإلنترا و بعد ما فيه واحد أقنعك بالسمع إن الياريس مش حلوة بقت الهيونداى زى الفل و الإلنترا يابانى !!!!!

ربنا يستر و بكره ما تجيش تقول إن الصينى مافيش أحلى منه لمجرد كرهك للهيونداى و حبك لسيارة صينى بالسمع

يا أستاذ لن تستطيع أن تجعل كل الأعضاء مثلك هوائين و متقلبين فى الأراء و كل واحد حر فى رأيه و لن تستطيع إقناع كل الأعضاء بالهيونداى لمجرد إعجباك الحالى بالإلنترا

والله من غير ماتابع ياشاركى
بس فعلا ناس كتير وواضح من كلام الاخ اليفيرا انه بيدافع عن الماركه لمجرد انه اشتراها

ياخى حرام العصبيه والقبيله والتعصب الاعمى