الموضوع: محتاج حد يفهمنى بخصوص اشتراك النت بتاعى قبل ما اولع فى لينك :(

المشاركة الأصلية كتبت بواسطة damasry

انا مع لينك من اول يوم فتحوا فيه من ايام intouch لو فاكرينها والسرعة كويسة معايا وانا مشترك 2 ميجا والداونلود مظبوط معايا

طب مانا مش فاهم اية المشكلة عندى ؟:(
انا فعلا معنديش مشكلة من اى نوع على الخط ولا السلك ولا الراوتر ولا اى حاجة
يعنى انا مش عايز اقولك انا مسهلها قد اية عليهم علشان مسمعش السلك مهدر والسرعة رايحة والكلام دة كلة
البوكس تحت العمارة
ساحب منة السلك وفى اخر السلك بدل ما ادخلة على فيشة فى الحيطة والكلام دة كلة
قلت لاء
ارجتة ودخلتة فى الروتر على طول
والمقسم دة فى اول الشارع يعنى لا يتعدى ال 50 متر بالكتير (لو تقصدوا البوكس الكبير بتاع التليفونات اللى بيبقى بين كل مجموعة عمارات )

انا متاكد ان السرعة مش واصلالى كاملة لانها فعلا الصبح زى النيلة وبليل هى وظروفها يا تبقى نيلة زى الصبح يا تظبط شوبة ومش قبل الفجر

زى النيلة فى الداونلود طبعا مبتكلمش على البروز لانة اكيد مفيهوش مشكلة

هل ممكن فعلا يظبطوا الحكاية دى ولا ملهاش حل ؟
وهل فعلا ممكن السرعة متبقاش وصلالى كاملة :؟؟؟
ولو فى حد فى ال sharing بياخد سرعة اعلى من الازم مش المفروض يحجموة ؟ علشان الكل توصلة سرعتة ؟
يعنى مثلا مثلا فى برنامج ال idm فى حاجة اسمها transfer rate limit ممكن عن طريقة تتحكم فى سرعة التحميل اللى انت شغال بيها ودى فى برنامج عند كل الناس بيتهيالى اكيد يعنى عند الشركة اللى بتوزع اكيد فى حاجة كدة بردة انها تقفل السرعة او تحدد لكل يوزر سرعتة المفروض يحمل بيها بحيث انه ميتخطاش اللى بعدة ولا انا فاهم غلط ولا اية ؟ :( انا بصراحة ححاول معاهم تانى واقدم شكوى واشوف القصة ماشية ازاى
المشكلة الرئيسية انى بدفع فلوس فى سرعة مش واصلالى كلها
كل الحكاية انى عايز اخد حقى بس :(

سؤال اخير معلش للناس اللى فاهمه فى الحوارات دى بردة
هل الروتر لية علاقة ؟
واية انضف روتر موجود فى السوق حاليا