مقابلة اسكندرانى لنجوم seat

**Karim Ibiza** · 03-05-2013 02:08 AM

السلام عليكم ورحمة الله

انا ملاحظ ان عدد الاعضاء الاسكندرانية لملاك SEAT بسم الله ماشاء الله زاد وقرب يبقى اكتر من عدد الاعضاء اللى من القاهرة وباقى المحافظات

طيب ازاى نبقى فى مدينة واحدة ومساحتها مش كبيرة مقارنة بالقاهرة ومنعرفش حتى شكل عربيات بعض!!!!!!

يعنى مثلا من يومين كان فيه عضو من قسم VW شاف عربيتى ومكنش يعرف انها بتاعتى وحصل مكالمة بينى وبينه فى التليفون عشان كان عنده مشكلة فى عربيته وبيقولى هى عربيتك لونها ايه؟؟ قولتلوا اسود!! قاللى فىها جنط سيات 16 وكنت ماشى بيها من اسبوعين ناحية طريق الرأس السوداء؟؟ وفعلا طلع انا

واكيد انا ممكن اكون شوفت عربية حد منكم على البحر ومعرفش انها بتاعت حد معانا وجايز كمان اكون شديت معاه خصوصا انى اليومين دوول بشوف ابيزا كتيييير

انا حابب اننا نتعرف على بعض ونعمل تيم اسكندرانى حلو ونتعرف على مشاكل عربيات بعض عشان يبقى عندنا خبرة فى التشخيص ومين الميكانيكية الكويسين ولو حد لا قدر الله عطل فى حتة ومحتاج حد يساعده

انا حضرت قبل كده مقابلة للقسم فى 6 أكتوبر القاهرة وكانت تجربة جميلة جداااا واستفدت منها كتير واتعرفت على ناس محترمة جدا وده لينك المقابلة تقرير مقابلة قسم سيات مارس 2013

انا بقترح تكون المقابلة فى منطقة واسعة وفيها اضاءة كويسة وكافيه لو حابين اننا نقعد شوية وتكون فى نص البلد عشان تبقى قريبة لكل الناس زى مثلا عند عصير مكة سموحة او عمارات ظباط مصطفى كامل عشان يبقى فيه مكان واسع نركن فيه

ياريت كل واحد يدخل يقولنا على اقتراحه واليوم اللى يناسبه

سلام

**hossamalsadik** · 03-05-2013 02:21 AM

تسلم ياكيمو موضوع رااااااااااااائع بحميع المقاييس
على فكره أنا احتمال أن شاء الله قريبا انزل اسكندريه هيلتون جرين بلازا تبع اخويا تغيير جو
لو صادفت المقابله هاجى او لو ماصدفتش أكيد هاحاول أتصل بيك وأتواصل معاك .

تحياتى

**Karim Ibiza** · 03-05-2013 02:44 AM

المشاركة الأصلية كتبت بواسطة hossamalsadik

تسلم ياكيمو موضوع رااااااااااااائع بحميع المقاييس
على فكره أنا احتمال أن شاء الله قريبا انزل اسكندريه هيلتون جرين بلازا تبع اخويا تغيير جو
لو صادفت المقابله هاجى او لو ماصدفتش أكيد هاحاول أتصل بيك وأتواصل معاك .

تحياتى

اسكندرية هتنور والله يا hoss انت بس قولنا هتنزل امتى واحنا نحاول ننسقها وياريت لو تجيب معاك رجالة القاهرة ويبقى day use حلو

طبعا رجالة vw مش محتاجين عزومة سواء من القاهرة او اسكندرية
seat و vw الاتنين واحد

**SYD** · 03-05-2013 03:42 AM

تسلم يا كريم
فكرة حلوة ومبادرة كويسة منك
ياريت تعمل دعوة مشابهة في قسم فولكس لاعضاء قسم فولكس الاسكندرانية

وعلي فكرة ان شاء الله هيبقي في مقابلة للقسم قريبا
وهيتم الاعلان عنها قريباً جداً

تحياتي

**Karim Ibiza** · 03-05-2013 07:10 PM

المشاركة الأصلية كتبت بواسطة syd

تسلم يا كريم
فكرة حلوة ومبادرة كويسة منك
ياريت تعمل دعوة مشابهة في قسم فولكس لاعضاء قسم فولكس الاسكندرانية

وعلي فكرة ان شاء الله هيبقي في مقابلة للقسم قريبا
وهيتم الاعلان عنها قريباً جداً

تحياتي

اتمني فعلا أن يكون فيه مقابلة قريب في القاهرة عشان الناس الحلوة اللي هناك وحشتني

**Karim Ibiza** · 03-05-2013 07:12 PM

المشاركة الأصلية كتبت بواسطة abo-berry

طب بالنسبه للهونداويه مالهومش نصيب ؟؟؟ ولا يعنى عشان احنا يابانيين وعنينا ضيقه :d:d:d , ده احنا حتى اسكندرانيه زى بعض :d:d:d:d

اكمنكم عينيكم ضيقة وكلكم شبه بعض وده هيخلينا نتلخبط ههههههه
ياباشا تشرف وتأنس ده شئ يشرفنا

**hossamalsadik** · 03-05-2013 09:48 PM

المشاركة الأصلية كتبت بواسطة karim ibiza

اسكندرية هتنور والله يا hoss انت بس قولنا هتنزل امتى واحنا نحاول ننسقها وياريت لو تجيب معاك رجالة القاهرة ويبقى day use حلو

طبعا رجالة vw مش محتاجين عزومة سواء من القاهرة او اسكندرية
seat و vw الاتنين واحد

اسكندريه ماريا منوره باهلها الجدعان ياكريم باشا واول لما أعرف هقولك اصلى مرتبط بمواعيد اخويا زى ماقلت يارب بس مايغير فى حته تانيه
ونا مش ممكن انزل من غير ما اتصل بيك أكيد

الموضوع: مقابلة اسكندرانى لنجوم seat

LinkBack

أدوات الموضوع

عرض

مقابلة اسكندرانى لنجوم seat - انشر الموضوع فى :

-

-

-

-

-

-

المواضيع المتشابهه

مين اسكندرانى

دعوة لنجوم هيونداي لحضور مقابلة قسم نيسان ال 11

مقابلة عاجلة لنجوم هيونداي

شاب اسكندرانى لسة اول مرة عربية و اول مرة لوجان.

اجمد شاهين اسكندرانى

الكلمات الدلالية لهذا الموضوع

المفضلات

المفضلات

ضوابط المشاركة