الموضوع: حد يعرف طريقه افصل بيها كهربة العربيه عشان السرقه ؟

طب لو العربية مفيهاش ايموبلايزر ينفع اركب فيها جهاز

المشاركة الأصلية كتبت بواسطة karim ibiza

والله عيب يارجالة
ياجدعان انتم معاكم عربيات محترمة بتنزل من موديل 98 ب ايموبلايزر وده الحرامي لو عمل قرد مش هيعرف يشغل العربية من غير مفتاحها
الحل الوحيد انه يشيل العربية كلها بالونش

كريم باشا ,, انت عارف انا بعزك جدا انت وبشمهندس سيد ,,,
لازم تعمل وسيلة حماية تانية بجانب الايموبلايزر برده لان المفتاح مش دايما فى ايدك ومحدش عارف الظروف وممكن يضيع منك لا قدر الله ,,
انا واحد صاحبى مفتاح العربية اتسرق منه فى اولاد رجب من غير ما يحس ولما خرج ملقاش العربية فأنت لازم تعمل حساب اسوأ الظروف لان ظروف البلد بقت وحشة جدا فأنت امن نفسك بانك مثلا تشيل فيوز او تعمل مفتاح فصل طلمبة البنزين بجانب الايموبلايزر وربنا هوا الحافظ

المشاركة الأصلية كتبت بواسطة karim ibiza

طبعا ينفع
http://www.nilemotors.net/nile/30901...post3874528678

تعقيبا على كلام كريم من تعاملى مع الايموبليزر وتركيبه فى القطمه وتشغيله مع المفتاح اقدر اقولك انه لعنه على اللى مفتاحه يضيع هيتقلب قرد وهيفرج الشارع كله عليه عشان يعرف يدورها وفى الاخر هتبطل منه
لانه ببساطه الايموبليزر ده وظيفته انه يقطع كهربا الموبينه والاسبراتير عن المكنه بعد ثانيتين من الدواره يعنى انا فكيت فيشه الكونتكت وعملت سلكه وقفلت بيها الدايره عشان الكونتاكت ينور وبعدين وصلت المارش العربيه دارت لمده ثانيتين وبعدين بطلت جربت ادور تانى فضلت تدى مارش ومفيش دواره البنزين موجود لكن مفيش كهربا لازم تقفل الكونتاكت وتفتحه تانى عشان يديك ثانيتين تانين
المهم اتشقلبت عليها وحاولت اشغلها بكل الطرق مفيش فايده هو بس لاحظت ان المفتاح لو اتشال من العربيه وهى دايره العربيه مبتبطلشى وده عرفته لانى كنت موصل زورارين للدواره والكونتاكت والمفتاح كان زينه كده عشان افك اللوك وده معناه ان السيجنال بتاع الايومبلايزر فى اول ثانيتين من الدواره بس وكده كده لو الدنيا مظبوطه المفتاح هيتشال والعربيه هتبطل يعنى مفيش قلق
تقدر تقول انى حاولت اتحايل على الايموبلايزر ده بانى الغى الارضى بتاعه او اى طريقه يروح قافش عليا وميرضاش يشغل العربيه
فى فكره جميله شويتين معموله فى عربيه اخويا وهى ان فيها زرارين واحد فصل يفصل كهربه الموبينه والتانى مربوط بالكلاكس او سرينه لو باب العربيه اتفتح العربيه تقعد تزمر لحد ما تعمله فضيحه بس للاسف بتسكت اول ما الباب يتقفل
بس عايز اقولك اطمن الايموبلايزر ده حيوان واللى هيسرقها هيشبلها بونش فقط او يقلب كل حاجه فيها لكن انها تدور معاه انسى

بس ياكريم باشا انا تهت منك كدة عربيتى مفيهاش اساسا ايموبلايزر وانا عايز اركب فيها جهاز من الاول
هل ينفع ولو ينفع اسعارة اية و جديد ولا مستعمل ؟
معلش انا عارف متقل عليك