من فضلكم افيدوني بخصوص شراء سيارة

**Michael malak** · 03-05-2013 03:59 PM

مساء الخير عليكم

انا لسة جديد في السواقة .. و معايا من 40 الف الي 45 الف و نفسي اشتري عربية كيا بيكانتوا اتوماتيك عشان شوارع مصر الزحمة و طريق شغلي من المعادي للمطار و الطرق بيكون اغلبها زحمة .. و العربية عجبني شكلها و صغرها و اسمع انها اقتصادية .. فما نصائحكم بخصوص البيكانتوا و هل اشتريها مستعملة ولا احط المبلغ مقدم لبيكانتو زيرو او كسر زيرو ؟؟

**dadapharma** · 03-05-2013 05:24 PM

البيكانتو الأتوماتيك ممتازة جدا و بالرغم أنها 1100 سى سى بس لكن وزنها الخفيف بيخلى سحبها كويس جدا و ما بتحسش أنها تقيلة ألا لو حملتها جامد .. ساعتها لازم تسايسها لحد ما تجمع سرعتها
أبعادها جميلة جدا و سواقتها سهلة أوى و الرِؤية من الزجاج الخلفى و المرايات ممتازة..
بس أعتقد سعرها أعلى من كده (أنا بتكلم عن الموديل 2009 الى فوانيسه مدورة ) .. الموديل الى قبلها الى فوانيسها مربعة كنت سألت عليها مستعملة لأت واحد صاحبى كانت 50 55 ألف و عاملة 60 ألف كيلو.. يا ريت الأخوة يفيدوك السعر حاليا كام و لو السعر عاى ممكن دايو 2 أتوماتيك هيه نادرة شوية بس برده ممتازة شرط الحالة الجيدة و بالتوفيق أن شاء الله ..

**Michael malak** · 03-05-2013 08:07 PM

المشاركة الأصلية كتبت بواسطة dadapharma

البيكانتو الأتوماتيك ممتازة جدا و بالرغم أنها 1100 سى سى بس لكن وزنها الخفيف بيخلى سحبها كويس جدا و ما بتحسش أنها تقيلة ألا لو حملتها جامد .. ساعتها لازم تسايسها لحد ما تجمع سرعتها
أبعادها جميلة جدا و سواقتها سهلة أوى و الرِؤية من الزجاج الخلفى و المرايات ممتازة..
بس أعتقد سعرها أعلى من كده (أنا بتكلم عن الموديل 2009 الى فوانيسه مدورة ) .. الموديل الى قبلها الى فوانيسها مربعة كنت سألت عليها مستعملة لأت واحد صاحبى كانت 50 55 ألف و عاملة 60 ألف كيلو.. يا ريت الأخوة يفيدوك السعر حاليا كام و لو السعر عاى ممكن دايو 2 أتوماتيك هيه نادرة شوية بس برده ممتازة شرط الحالة الجيدة و بالتوفيق أن شاء الله ..

شكرا ليك كتير ..

بس مفيش اي ضرر للبيكانتوا الاتوماتيك خصوصا لو انا من حديثي السواقة ؟