و الله ساعات كتير اوى بغيب عن المنتدى عشان ظروف شغلى لكن بحاول اجتهد شويه:biggrin2:
و الله ساعات كتير اوى بغيب عن المنتدى عشان ظروف شغلى لكن بحاول اجتهد شويه:biggrin2:
استاذ حورس 3000 هو ليه كعربيه ال ds5 تتفوق على ال508 فى وجهة نظرك. انا بالنسبالى مش فارقه معايا موضوع الانتشار ده لكن يفرق معايا التوكيل طبعا.
على العموم انا بشكرك على ردك و فى انتظار اراء باقى الاعضاء الكرام.
بص يا استاذ محمد البيجو ال508 عربيه فخمه جدا وشيك جدا وكبيرة بمعنى انها عائليه اكتر من شبابيه وهى عربيه ممتازة
اما السيتروين فهى تحفه بس وشبابيه وبتنزل فى مصر بنفس المواصفات الخارجيه بس مليانه تكنولوجيا اكتر من البيجو وده انا بعتبره عيب فى بلادنا علشان محدش بيعرف يعملها صيانه زى الناس
فانت شوف عايز عربيه عائليه شبابيه ولا عربيه شبابيه صرف وشوف ايه احتياجاتك من التكنولوجيا وده كده هيحدد اختيارك
والله الموفق ان شاء الله
انا متشكر جدا على الرد يا استاذ eleanor بس فى ناس كتير جدا بيشتكوا من توكيل بيجو و انا بصراحه هيبقى تعاملى كله مع التوكيل سواء صيانه او قطع غيار. فاكيد انت اتعاملت معاهم فى الصيانه. يا ترى اخبارهم ايه؟؟؟
بالنسبه للتوكيل اتحسن كتير عن الاول بعد الشراكه مع شركه cdmc وببالمناسبه بيجو مراهنه جامد على العربيه دى لانها معموله على فئه ال 504 وال 505 اللى هما بلا شك اسطوره والعربيه دى غير كل البيجو اللى فات فى التكنولوجيا والمواتير والفتيس
وعلى فكره موتورها موتور مينى كوبر بس فيه تيربو يعنى من صناعة الصانع الالمانى بى ام دابليو وموتورها بسم الله ماشاء الله عليه وثباتها حلو جدا والتوكيل زى ماقلت لحضرتك اتظبط كتير عن الاول
فحضرتك شوف ايه احتياجاتك من العربيه وان شاء الله نقدر نساعدك
انا شايف انك لو مش معاك عائله كبيره يبقى السيتروين ولو معاك عائله وبتسافر بالعربيه يبقى البيجو علشان مايبقاش فيه تحيز ولا حاجه
انا لسه شباب على فكره (34 سنه):verygood: الشباب شباب القلب:floating:هههههه. معايا 3 اطفال صغيرين اكبرهم 7 سنين و موضوع السفر ده قليل يعنى مره او اتنين فى السنه لكن انا يهمنى ان تكون قطع الغيار متوفره عند الوكيل و تكون صيانتهم كويسهو معاملتهم محترمه بس كده.
كده يبقي خليك مع ال 508
ممكن تزود في المقارنه دي ال s60 وال v40 cross country