كده فعلا خليك فى البيجو ال 508 علشان تبقى جمعت اللى انت محتاجه
كده فعلا خليك فى البيجو ال 508 علشان تبقى جمعت اللى انت محتاجه
بصيت عليهم و الله و اللى معجبنيش فى ال S60 ان الفرده الاستبن محطوطه فى الشنطه (ملهاش مكان) فطبعا واكله كتير اوى من الشنطه. الv40 بقى ضيقه اوى من ورا (الكنبه) فمش هتنفعنى خالص لكن البيجو طبعا كبيره و على فكره بردوا ال ds5 واسعه من ورا يعنى كنت قاعد فيها من ورا مستريح بالرغم انى مش قصير (180 سم).
بص يا باشا انا كان معايا ٣٠٨ بانوراما ٢٠١٠ واتعاملت مع توكيل بيجو وكان أداؤه الى حد كبير جيد جداً
وبعتها واشتريت المعجزة ds5 لون ابيض
اولا ما فيش مقارنة نهائيا بين ٥٠٨ والوحش ds5
واطمنك معاملة التوكيل ممتازة جداً وقطع الغيار متوفرة والعربية وحش وتقفيلها وهمي وماله أش حاجة شبهها خالص
موتورها راكب معاه تربو ١٦٧ حصان
من الاخر انت راكب طيارة
وبالنسبة للمتانة ربنا يسترها معاك بس انا عملت حادثة بسيطة بها عايز اقولك ان العربية اللانسر اللى خطبتها الاكصدام والفوانيس وحتى من الشنطة اتبهدلت وعربيات ما شاء الله كان آخرها تطبيقة بسيطة في وش الكبوت ولما فكرتها لقيت بار حديد بعرض العربية خلف الاكصدام الأمامي وهو ده اللى كسر العربية التانية وحمي العربية عندي
الفخامة والمتانة والقوة والتسارع والشكل لصالح ds5
وده رأيي المتواضع لا مقارنة
ياااااااااااااااااااااااا اااااااه:hlopaet_prv:. اخيرا لقيت حد جابها:w6266d. يا راجل انت فين من زمااااااااااان:8941[1]:. اكون شاكر ليك جدا لو كلمتنى بالتفصيل عنها شويه. اخبار التكييف ايه؟ كويس و لا ضعيف و هل بيأثر بشكل كبير على السحب لو شغال؟ اخبار العفشه ايه؟ انا سمعت انها ناشفه شويه مع انى لما عملتلها تست درايف كانت ناعمه بس مسحبتش بيها اوى يعنى. هو انت معاك انهى فئه و لو معاك السبورت هل فعلا ال navigation شغال كويس على خرائط مصر و هل بيبقى فيها خرائط مصر و لا انت اللى بتحملها؟ و اخبار ارتفاعها عن الارض ايه؟ بتحك فى المطبات و لا ايه اخبارها؟ معلش بجد انا اسف ان الاسئله كتير بس فعلا كنت محتاج اسأل حد و الاقى اجابه من حد مجرب قبل ما اجيبها. و عموما متشكر جدا على اهتمامك:S_thum1[1]:.
التكييف زي الفل و السحب زي الفل حتى وانته على max option
الفئة الى معايا هي اخر فئة بجنوط سبور قبل ما العربية سعرها يزيد ويشيلوا الجنود الاسبور منها
السحب خرافي
ارتفاعها عن الارض اعلى من ٣٠٨ البانوراما يعني زي الفل بس ميبقاش محمل فيها اكتر من ٤ وكمان حاطط حاجات في الشنطة كتير اكيد طبعا حيتعلم عليها في مطبات المحروسة
العفشة ناعمة تعليق ماكفيرسون والعزل الصوتي رائع
كل الفرق بين الفئة الاعلى والفئة اللى كنت شاريها
حساسات ركن امامي
كرسي السائق كهرباء وفيه مساج وسخانات وخلافه
شاشة شفافة فوق الدريكسيون يظهر عليها السرعة
الآي درايف
كاميرا خلفية للركن
وطبعا الان هما سحبوا الجنوط الأسبور وحط في الجديد جنط ١٦ عادي
شاشة ملاحة لا تعمل في مصر
ده تقريبا الفرق باختصار
الموتور واحد والشكل كان واحد والإمكانيات الاساسية واحدة بفرق الكماليات عاليه
المشكلة الوحيدة ان العربية عليها طلب كتير وممكن تستنى فترة بالاضافة الى ان بعض الألوان صعبه جداً تلاقيها موجودة
والعربية البيضاء اللى معايا دي اخر واحدة باللون ده
ان معايا العربية من شهرين واشتريتها من أوتو ماك
فيه واحد محترم جداً في المبيعات اسمه احمد حاتم فرع ابو رواش ممكن تكلمه وتستفسر عن كل شيء
أنصحك لو حتشتريها اتعامل مع احمد لان في ناس نص كم كتير في المبيعات ممكن يوعدوا بلون او ميعاد مش مظبوط
كفاية انك راكب عربية مختلفة تماماً عن اي عربية في فئتها وبتتقارن بالباسات سي سي في قوة موتورها ومع كده موتورها اقوي منها
هل الصالون بنفس الفخامه اللي بتبان في الصور؟ أنا بسأل عشان أحيانا الصور بتدي شكل مختلف عن الحقيقه.
والكراسي ضهرها مضلع ولا عادي؟ أصل لما رحت أشوفها من كام شهر في أبو رواش مكنتش موجوده فمعرفتش اشوفها.
وشكرا على التقرير المختصر بس كان نفسنا نسمع رأي من حد اشتراها والحمد لله حصل.
بصراحة احلي لون في ال ds5 الابيض مبين شغل البانوراما اللي في العربية كلة خسارة انة مبقاش ينزل حضرتك كونت جايبها بكام؟ انا كونت محتار بينها وبين الاوبل استرا ال gtc بس في الاخر جبت ال gtc نظرا لزيادة سعر ال ds5 وان الابيض مبقاش يننزل فصرفت نظر عنها
انا فعلا كنت بتعامل مع احمد حاتم و هو فعلا شخصيه محترمه جدا و هو اللى اقنعنى بيها الحقيقه بس بصراحه كنت متردد عشان ناس كتير بتشتكى من توكيل عز العرب و برده كنت عايز حد يكون اشتراها عشان يحكم عليها كويس و عموما الف شكر على ردك و انا بصراحه بأيد الشباب انك تعمل تقرير بسيط عنها بالصور عشان تقريبا انت اول مالك ليها فى المنتدى و تقولنا اخبار صيانتها ايه و اسعار قطع غيرها و بصراحه قلبى معاك فى موضوع الخبطه دى بس معلش اهى خدت العين و ربنا يحفظهالك باذن الله.