نويت أشتري الـ C-Elysee بس قلقان من شوية حاجات

**megop6m** · 12-05-2013 04:17 PM

المشاركة الأصلية كتبت بواسطة Mohab.Nabil

عز العرب عنده قسم كامل للمستعمل و بيبيع انواع كتيرة جدا مستعمل مرسيدس و بى ام دابليو و فولفو و دودج و ستروين و ... .. و تقدر تتأكد من كلامى من الاهرام للسيارات كل جمعة بينزلوا اعلانات فى ماركات مختلفة عن العربيات اللى عندهم

هو يا باشا بياخد منك العربية مقابل انك تكمل الثمن و تجيب عربية تانية من عندهم trade in و بعدين لو فيها مشكلة ولا حاجة يظبطها و يبيعها مستعمل عادى خالص و الناس تشتريها على انها مستعملة يعنى مفيش اى غش او خداع حضرتك بس بتروح تشترى من عنده لأنه توكيل كبير يعنى مش هينصب عليك فى عربية او ورق مضروب او الكلام ده

الكلام ده موجود فعلا فى عز العرب و ناس هنا اشترت عربيات مستعملة من هناك و العربيات زى الفل مفيش مشاكل ..

بس معرفش هل السياسة ديه مطبقة على السى اليزيه ولا لا

فعلا موضوع trade in ده حقيقي وأنا كنت هناك النهاردة وسألتهم عليه وإتأكدت انو حقيقي بس لازم تشتري عربية تانية من عندهم.
الحمد لله حجزت C-Elysee Exclusive اللون السيلفر ومقدم الحجز 500 جنيه.

**hamaka** · 12-05-2013 06:56 PM

عز العرب فعلاً عنده قسم للمستعمل و ساعات كمان بينزلوا اعلانات على كونتاكت كارز (أنا شوفت واحد قبل كده و كلمتهم كمان ساعتها) و بيبقوا كاتبين تحتيه مجموعة عز العرب و بتتفرج هناك...

**ahmed.ammar** · 12-05-2013 07:05 PM

طيب من فضلكم يا جماعه قولولي عنوان فرع العجوزه بتاعهم ده عنوانه ايه ؟؟ او فين فى العجوزه بالظبط عشان عايز اروح النهارده

**megop6m** · 12-05-2013 07:15 PM

لو جاي من الجيزة هتوصل لحد كوبري الدقي تطلع وتنزل هيقابلك مطلع كوبري اكتوبر على اليمين متطلعوش ، هتنزل من تحتو يمين في شارع اسمه شارع شاهين هتلاقي عز العرب على اليمين.

**mhkorayem** · 13-05-2013 01:16 AM

المشاركة الأصلية كتبت بواسطة megop6m

مين اللي قالك كدة ، أعتقد ان الكلام ده غلط لأن الكلام ده لو صح يسيء لسمعة الشركة ، يعني الشركة هتشتريها مستعملة تعمل بيها ايه هتظبطها وترشها وتبيعها تاني مثلا :)
بس لو متأكد ياريت تقولنا جبت الكلام ده منين ؟

مش بيسئ لسمعة الشركه ولا حاجه
النظام ده متبع في الخليج من زمان
وموجود في مصر في توكيل رينو وواحد صاحبي جايب الميجان بتاعته مستعمله من الوكيل نفسه
وكمان موجود في توكيل بي أم دبليو و ميني كوبر
بس مش عارف موجود في توكيلات تانيه في مصر ولا لأ
ولو دخلت قسم هيونداي هتلاقي اني سالت على الموضوع ده هل غبور بيعمله ولا لأ
وده لينك للموضوع لو حابب تشوفه

http://www.nilemotors.net/Nile/355279-a.html

بس اللي انا متاكد منه ان التوكيل لما ييجي يشتري العربيه برضوا هيشتريها رخيصه لانها بتخسر كتير في سوق المستعمل وملهاش سوق والتوكيل مش هياخدها يشربها ده لسه عاوز يحط عليها مكسبه ويبيعها ولما يبيعها مش هتتباع لو رفع سعرها اوي عشان هي اصلا مش عليها طلب فأكيد العربيه هتخسر كتير
بس بصراحه العربيه حلوه لو اي حد عاوز يشتريها ومش فارق معاه اوي سعر اعاده البيع يبقى بالنسبه له العربيه دي لقطه بجد

**megop6m** · 16-05-2013 04:50 PM

المشاركة الأصلية كتبت بواسطة megop6m

لو جاي من الجيزة هتوصل لحد كوبري الدقي تطلع وتنزل هيقابلك مطلع كوبري اكتوبر على اليمين متطلعوش ، هتنزل من تحتو يمين في شارع اسمه شارع شاهين هتلاقي عز العرب على اليمين.

هتلاقي عز العرب على الشمال آسف وهتلاقيه مكتوب عليه ستروين بالانجليزي بشكل واضح.