الحقوني التابلوه اتبقع

**dodohany** · 17-08-2008 11:52 AM

سيارتي تويوتا كورولا - المعطر سيل على التابلوه بقعه ومش راضي يطلع
حد يساعدني - حاولت بمنظف التابلوم والملمع والبنزبن ومافيش نتيجة
اللي يعرف الحل يدلني عليه

**د.أحمد سمير** · 17-08-2008 12:00 PM

يا سيدي ليس هناك أمل في هذه المسألة ..
وكنا حذرنا منها قبل كدة عدة مرات والله ..
الخلاصة المعطر ده مادة زيتية مع الشمس بيتحول لزيت مغلي ، لو نزل على البلاستيك أو الجلد هيبهدله .. وده اللي حصل فعلاً .
وكلنا اصحاب تجارب في هذا الصدد وحصل عندنا زي اللي حصل عندك .
حاول ألا تضع معطراً قدر الإمكان واعتمد في تعطير السيارة على الاسبريهات ، ولا تضعها في السيارة لقابليتها الشديد للانفجار في ظل الحرارة .

ولو عايز تحط معطر التكييف فحاول تقفله بالغطا الأزرق .. يعني تفتح وتلف القلاووظ وتحط السدادة الزرقاء اللي بتيجي معاه أصلاً ، وتقفله والحكاية مبتخدش نصف دقيقة فك وزيها تركيب .
وربنا يعوض عليك .
تقبل خالص مودتي

**doglas** · 17-08-2008 12:08 PM

انا حصل معايا برضه إنى نسيت علبة بيبسى مقفولة على التابلوه ، و نزلت لاقيت العلبة منفجرة و البيبسي مغرق التابلوه ، طلعت منه شويه لكن لسه فيه آثار البيبسي مش عايزة تطلع

هل فيه أمل و لا البيبسي برضه ماده زيتيه :)

**hero** · 17-08-2008 12:35 PM

المشكلة ان مادة التابلوة نفسها مادة عضوية...(نوع من انواع اللدائن البترولية) ودي لما بتتفاعل مع اي شيء حتي لو شوية كحول...خلاص انسي...وصعب ترجعها لوضعها الاصلي....وعلشان كدة بلاش حكاية الزيوت او المعطرات ...او اي مركب غير مخصص للتابلوهات (بعض انواع المنظفات والشموع البترولية مخصصة لتنظيف وتلميع التابلوهات)...

**dodohany** · 19-08-2008 10:05 PM

طيب في ناس قالت لي ان في معجون كان نزل اعلانه من فترة في التليفزيون بيعالج الموضوع ده ما حدش سمع عنه يقدر يقوللي اجيبه منين؟

**OlaOsman** · 19-08-2008 10:29 PM

يا خبر.. دي حاجة ممكن تحصل بمنتهى السهولة لأي حد مننا

طيب هي البتاعة دي بتسيل لوحدها كده من الشمس و هي متعلقة على المرايا و لا بتسيح لو حد حطها على التابلوه وسابها؟

**hazem_khidr** · 19-08-2008 10:41 PM

كنت داخل اقول الكلمتين اللي دكتور احمد قالهم بالضبط.
انســـــي و تعايش مع الوضع

**mazen86** · 21-08-2008 02:11 AM

بصوا يا جماعة انا بعطر عربيتي بطريفة جميلة خالص

بخور عارفين البخور انا يمكن عشان كنت عايش في السعودية كتير بحب ريحته

بجيب المبخرة وبنزل المخدع الي ورا بحط عليه بلاطة وبحط المبخره عليه اقفل العربية كويس واسيبها

ساعتين تلاتة

وخد ريحة حلوه لمدة شهرين او شهرين ونص

وادعيلي وانسي كل فلوسك الي هتصرفها علي المعطرات

**WalidAdel** · 21-08-2008 02:56 AM

هيا بتاعة جليد بتاع البيت دي ابو ريحة الفل و كام بخه كل يومين و شكراً علي كده
انا شايفها حل كويس علي اساس اني بحب ريحة الفل و الفل الايام دي اللي في الاشارت بقي مغشوش و ساعات بيرشوا عليه جليد اصلاً علشان الريحه تطلع منه
شعب غريب والله