الموضوع: أوبل وبس

السلام عليكم..
شوف يا باشا.. بيتهي\الي الشباب جابولك المفيد..
المبلغ ده يجيبلك فيكترا بس مانيوال 1600.. او 2000 بس فيكترا A يعني الشكل القديم..
متنساش ان العربيات دي هتبقي موديل 95 وانت طالع لحد 98 اخرك.. يعني عربيات ماشية 10 سنين علي الاقل.. نفس المبلغ يجيبلك كورسا موديل 2003 و انت طالع و انت و شطارتك..
و حسب الفرصة اللي تقع قدامك..
المقارنة مش دايما في مصلحة الفيكترا.. في حاجات و حاجات.. حسب احتياجاتك و اولوياتك.. و مادياتك..
الفيكترا طبعا برستيج.. و حجم و ثبات و قوة و كل حاجة.. بس خلي بالك من ان المبلغ هيجيبلك حاجة اقدم شوية.. و حالتها بقي انت و حظك.. و قطع غيار غالية شوية..
لكن لو الكورسا.. اكيد هتبقي احدث.. حالة افضل ان شاء الله.. قطع غيار ارخص..
موفرة شوية.. لكن ف الحجم و الجري و الثبات مش زي الفيكترا ال2000..(الجري)
يعني هي ف الجري احسن من الفيكترا 1600..

رأيي الشخصي.. لو انت غاوي جري و لعب.. = كورسا..
لو انت غاوي دلع و برستيج.. = فيكترا..
لو انت غاوي شوية شغل ف العربية = فيكترا
لو انت عايز تريح دماغك و متصرفش كتير = كورسا

شوف بقي اولوياتك و استخير طبعا قبل اي شيء..

كىمك تماتم.. بس المشكلة ان العربية فيها عيوب معروفة..
يبقي يخليه اضمن في حاجة معروف ان عيوبها اقل من الاسترا مش اكتر..
و علي فكرة الاسترا اللي كانت معاك ما شاء الله مشاكلها قليلة جدا..
مش زي دي.. دي اوحش شوية..