تقرير تفصيلي عن الـ c4 new shape 2013

**esam123** · 28-05-2013 06:24 AM

تسلم ايديك على التقرير وياريت شوية صور ونتكلم اكثر على الاداء والثبات بالتفصيل والاعتمادية

**eleanor** · 28-05-2013 07:13 AM

الف مبروك وربنا يكرمك وذوقك رائع فعلا فى الاختيار

**Honda_lover** · 28-05-2013 09:29 PM

المشاركة الأصلية كتبت بواسطة Rotab3D

معلش انا عارف ان انا قربت ازهقكم من من كتر الاسئلة ... انا خلاص استقريت على عربيتين ... يا السى 4 او الامبريزا ... الاتنين نفس السعر تقريبا .. 168 - 170 ... انا ميال اكتر للسى 4 عشان كماليات و وسائل امان و خامات اعلى من الامبريزا بس الحاجة اللوحيد اللى مخوفانى و خليتنى اضيف الامبريزا هو اداء التكييف ... انا عايز اعرف التكييف بتاع السى 4 الـ 2013 عامل ازاى فى عز الظهر و حر الصيف ؟؟؟ و تأثيره لحد ركاب الكنبة الخلفية عشان عندى ولدين صغيرين هيبقوا معايا علطول ...
انا فاكر من كام سنة كان عند والدى نيسان صنى 2004 كان من كتر برودة التكييف لما انزل من العربية النضارة اللى لابسها تعمل شبورة على العدسات :)
و بعدين انا بجد مش فاهم ليه صناع السيارات الاوروبية مش مهتمين بالتكييف ؟!! حتى لو الجو عندهم مش حر شديد زينا بس هما عارفين انهم بيصدروا للدول الحارة .... اكيد يعنى اضافة تكييف قوى للسيارة مش محتاجة اختراع و انه مش سر حربى حكر على السيارات اليابانى .. دة انا اعتقد حتى ان التكييف دة اقل اجزاء السيارات تعقيد !
شكرا و اسف على الاطالة .

بالنسبة للتكييف فهو ممتاز واوقات بهديه عشان بسقع من البروده واحساس الراكبين في الكنبة الخلفية جيد جدا وسر ان التكييف الاوروبي اضعف من التكييف اليباني لانه بيحافظلك علي اداء المحركك وده لاحظته في كل الاوروبي انه مبياثرش علي سحب العربية خالص بعكس اليباني كله بيخنق العربية وبالتالي بياثر علي السحب وعلي عمر الموتور الافتراضي يعني من الاخر كده هما قاصدين يخلوه بالقوة دي مش عشان في اوروبا الجو عندهم برد

ولو الغرض منه عشان الجو عندهم برد مكنش نزل العربية بتكييف بارد اساسا كان خلاه ساخن بس

**zemanovaxxx** · 28-05-2013 11:52 PM

المشاركة الأصلية كتبت بواسطة Honda_lover

الاوبل افضل لو هتجيب الاسترا التيربو غير كده هي هي ماعدا الكماليات لصالح الستروين اكتر شوية

التيربو ب 235000 يا باشا, طبعا هتبقي أحسن كأداء محرك وتسارع (دي فئة تانية خالص)
أنا باتكلم ع الإنجوي اللي هي ف نفس الفئة السعرية 170000 جنيه (ف الحالة دي السيتروين تكسب من ناحية الكماليات أكيد)
ولو برضه معايا فلوس الكوزمو تيربو يبقي أزودلي حاجة بسيطة وأشتري DS5 أحسنلي

ده غير إن الأسترا تقفيل بولندي مش ألماني 100%, ودي نقطة تانية ف صالح السيتروين
يارب عز العرب م يتغاباش ويزود السعر لحد م اشتري

**Ahmed_bokhary** · 29-11-2013 06:47 AM

لو سمحت يا Honda_lover أنا ان شاء الله ناوي اشتري العربيه الجميله دي و تقريرك و كلامك فادوني جدا بجد ربنا يباركلك , ياتري أداء العربيه معاك ايه دلوقتي بعد سنه معاك و هل ظهر مشاكل لا قدر الله كتير او غير متوقعه ؟ و هل في أي مشاكل في الفيتيس بتاعها ؟

**DR_SALMAN** · 02-07-2014 07:57 AM

ياجماعة الخير، انا معجب جدا بالعربيات الفرنسى وبالأخص حابب اجيب ال C4 grand picasco
fبس عندى مشكله فى قصة البنزين 95 ومحدش عارف ايه اللى هيجرى بعدين لو الدعم اترفع عن البنزين
لما سالت فى التوكيل اكدوا لى انه لازم استخدم البنزين 95 لاما هخرج من ضمان العربية وكده كده مش هخلص من المشاكل بسبب البنزين 92؟
ياترى حد عنده معلومه اكيده عن استخدام بنزين 92 مع العربية ده بالزات؟!