الموضوع: الحقونى يا رجاله العربيه مبتدورشى مره واحده كدا

المشاركة الأصلية كتبت بواسطة ahmed_gallant

بص يا باشا الموضوع ده حصل معايا مره وكان سببه حاجه تافه جدا
اللى حصل معايا انا العربيه كنت لسه مسقطلها مكنه وجايب بطاريه جديده نوفى خد بالك من جديده دى ونزلت مره الصبح لقيت العربيه مش بتدى مارش وانا كنت معرفشى المشكله منين بس لما كنت برمى للعربيه كانت بتدور المهم عملت مشاوير وجيت راجع الاقى العربيه تروح مبطله من غير سابق انذار ولانى مش معايا مارش كنت بزقهارحت لكهربائى انا وهو بنكره بعض كره العمى وقولتله شوفلى العربيه مالها راح كشف على شحن الدينامو لقيه مفيش قاللى العربيه دى استحاله تدور قولتله ليه قاللى الكنترول معتمد على البطاريه بشكل اساسى قاللى هات البطاريه اشحنهالك عشان تمشى بيها ولانى انا وهو مبنطقشى بعض مخليتهوش يفك الدينامو
اليوم اللى بعده رميت للعربيه دارت حلاوه رحت للراجل اللى مسقط عنده حل الدينامو وبعتنى لكهربائي يجربه قاللى شغال راح مركبه ودور وقاس الشحن لقيه اشتغل بس العربيه مش بتدور مارش رحتله تانى اتارى الكليبس بتاع سلك المارش بايظ وكل واحد يركبه اى هبل فالعربيه تدور معايا وانا قدامه ولما باخد كام مطب ترجع تانى تفصل
الخلاصه
1- البطاريه بتتشحن وقت لا يقل عن 5 ساعات على شاحن محترم
2- لما تكون البطاريه جديده بتجمع شحن لما تسيبها شويه وهى فاضيه فالعربيه تديك سنه مارش وتشغلك الكنترول شويه وبعدين تفضى تروح مبطله
3- عايز تكشف على شحن الدينامو ممكن لو عندك افوميتر ابو 10 جنيه توصله على اطراف البطاريه وتجيبه عن 20 فولت وتزود بنزين والعربيه دايره هتلاقى الرقم بيعلى عن 12 فولت يبقى شغال
لو البطاريه فاضيه خالص العربيه مش هتدور حتى لو زقتها وده عن تجربه ده لو الدينامو فاصل لكن لو الدينامو شغال قشطه هتدور عادى

انت مشكلتك فى الدينامو وخد بالك ممكن يكون مجرد سلك مهرب مش اكتر متخليش حد يشتغلك

تقريبا كدا ياباشا انت عندك حق لان انا كل حاجه عندى فى العربيه معتمده على البطاريه مش الدينمو
يعنى مروحه الرؤيداتير شغاله على البطاريه ( بتفضل شغاله حتى لو فصلت العربيه وكانت العربيه لسه سخنه )
الانذار والسنتر على البطاريه
المساحات و الكاست وخاصه الكاست حط تحت ده مليون خط لان انا بسهر على الكاسست بتاع الربيه من غير ما ادورها وافضل اسمع اغانى والعربيه فاصله علشان كدا الكاست و طقم الصوت شغالين على البطاريه والازاز الكهربا
الكلاسك بطاريه حتى تقريبا كدا اللى اكتشفته لما العربيه بطلت ان تقريبا كدا والله اعلم ان البوجيهات نفسها بتاخد كهربا من البطاريه والعربيه دايره بدليل ان البطاريه اول ما فضيت شحن العربيه فصلت صح كدا ولا غلط