الموضوع بسيط : بيكون وش الفانوس الخارجى اتكسر أو اتشرخ أو فك السيليكون الاصق له .. و لما العربية بتتغسل خصوصا لو فى محطة غسيل بمسدس الضغط بيدخل مياه جوه الفانوس اللى الشاسيه بتاعه سليم و بتتجمع جوه و بتقعد كام يوم على ما تتبخر..
و الفانوس بيكون شغال عادى جدا لأن اللمض اللى بتركب فى فوانيس العربيات بيكون لها جوان جلد من اخرها بيقفل مكان الفتحة اللى اللمبة بتركب فيها بالفانوس و بالتالى المياه لا تلامس اى سلوك مجرد زجاج اللمبة ,,, انا كان حصلت معايا فى فانوس عربيتى قبل ما اغيره .. لأن مع الوقت طبقة النيكل بتتأكل من المياه و الفانوس اضائته بتتأثر.. الحل فى الحالة دى يا اما تغير وش الفانوس بوش اخر بس عند حد مضمون علشان يلزق السيليكون صح , أو تغيير الفانوس بواحد جديد.
المفضلات