الموضوع: شكرا لأعضاء نايل موتورز على تصليح مكيفي

السلام عليكم
هذه أول مشاركة لي في المنتدى
الصيف الي فات اشتريت دايو نوبيرا وكان المكيف مسرب فريون
رحت لناس قريبين من سكني
اشتغلوني لحد ما الكمبروسر في الأخر فوت وطلع زيت
اشتريت كمبروسر جديد 1800 جنيه
وشحنت وبرضه الفريون سرب
المهم زهقت من الصنايعة الي عندي
الصيف ده سألت عن أحسن مركز صيانة
أول كلمة سمعتها المراكبي
وبعدين دخلت على النت لقيت فيه ناس بتزم فيه ومش عاجبها شغله
ولقيت فيه ناس جايبه سيرت الأسطى أحمد في أرض اللواء
أنا بيني وبينكم قلت المنتديات دي شكلها اشتغاله وبيسوقوا لناس معينه
بست قولت أجرب ومش هاخسر
بصراحة لقيت كل كلمة قلوها عن الراجل صحيحة
أول حاجة ياخدك على الهادي ويفهمك واحده واحده ايه مشكلتك
مش بيكبر الموضوع
مؤدب ومساعدين مؤدبين
بعد ما صلح ( كان عندي تسريب في أبرة الشحن ) وشحن وغير فلتر الهواء وغسل ردياتير المكيف ( المكثف )
وفهمني بعد الأشياء البسيطة بس الي بتأثر على كفاءة المكيف زي
عدم زيادة سرعة التبريد عن واحد أو اثنين داخل المدينة
غسل المكثف كل 25 يوم لإزالة الأتربة وتحسين كفاءة دايرة التكييف
في مفتاح الهواية لم أكن أعرف فايدته فهمني فايدته ايه
لذا حبيت أشكر أعضاء المنتدى على مجهودهم ( ألف شكر )

والله انا مش عارف اقول ايه غير ان احمد بتاع ارض اللواء مش فاهم قوي او فيه صنيعيه بتفهم اكتر منو وذلك عن تجربه في عربيتي الفكترا عملتو عندو من فتره كده بتاع سنتين وخد مني حوالي 130 جنيه عشان شحن ومشترك بلاستك معفن والتبريد كان زي الزفت رحتلو بعدها بيومين زودلي شويه فريون وقلي فيه تسريب قلتلو انتا مش كاشف بالصابون وقولت تمام قالي لا ده تنفيس ضعيف جدا واحتمال تكون التلاجه والتبلوه لازم يتفك وشغلانه وحلوانه وفيلم هندي واصلا كمبروسر الاوبل ضعيف اصلا ومتستناش منو حاجه وهو اخره كده وشرك العربيه .وفي الاخر طلع بلف الضغط العالي هو الي بينفس وحسبي الله ونعم الوكيل في الفلوس الي خدها مش مسامح فيها . لان التكيف انا شغلتو بالظبط بتاع تلت مرات مش اكتر وبعد كده كلو رااااااااااااااااح مبقاش فيه غير سخونيه بس المهم كل واحد ربنا يديلو علي قد ضميره حبيت انقل تجربتي مع احمد بتاع ارض اللواء الي ناس كتير بتشكر فيه هو ممكن يكون شاطر في الكوري والياباني وكده الحاجات السهله الي مش محتاجه صنعه اشحن واقلب .................اشكركم