كويل الميجى

**mohamed-adel** · 05-05-2013 06:44 PM

يا شباب النهاردة جيت ادور العربية لقيت رجرجة جامدة وتشيك انجكشن والعربية بطة عرفت انها الكويلات وطبعا بما انى فى بنى سويف والصنايعية كلهم عينة بلية ودماغة العالية قررت اغيرها بنفسى
قريت موضوع دة
http://www.nilemotors.net/Nile/79485-a.html
نزلت اجرب افك الفيشة معرفتش فوق تحت قولت بلاش لحسن تتكسر والكويل يطلع سليم فا عايز اعرف افك الفيشة دية ازاى وهل فية حاجة تانية اخد بالى منها وياريت يا شباب تردوا عليا بسرعة لان بكرة شم النسيم وعايز افسح العيال ذهابا وايابا

**dedo_ryo** · 05-05-2013 10:22 PM

الفيشه ضغط و في زي زرار بتدوس عليه علشان يفك و بالراحه و بهدوووووووووووووووووووووء

**shawkylotfy** · 05-05-2013 11:33 PM

فك الكويل نفسة بالببة ال 10 وحاول تفك الفيشة بعقل كدة براحة انت دوس على الكلبس وهزها فوق وتحت براحة مع الطلوع وهى هتطلع معاك وحاول تخلى معاك دايما كويل احتياطى

**MohammedAladel** · 06-05-2013 06:26 PM

أنا أعرف كهربائى فى بنى سويف شفته بيصلح علبة فيوزات ميجان قبل كدا بعد كريب ميزون بس مش فاكر اسم الشارع تقريبا مقبل والراجل اسمه أسامة تقريبا

من الواضح انك معملتش شغل فى العربية سابقا

قبل ما تغير الكويلات .... نوع البوجيهات اللى راكب عندك إيه ؟؟ وبقاله قد إيه متغيرش ؟؟؟

خد بالك البوجيه اللى مش شغال كويس أو الغير موصى بيه من قبل المصنع بيقصر عمر الكويل

وفك الفيشة هى عبارة عن فيشة ضغط

أنا كنت زيك كدا ... جمد قلبك شوية دوس عليها من فوق ومن تحت وشدها لورا بالراحة مع التحريك يمين وشمال بسيط هتطلع بسهولة إن شاء الله

الكويل هيحتاج منك بيبة 10 عشان تفكه

نصيحة ضرورية متحاولش تشغل الكويل برا

مفيش طريقة تعرف بيها الكويل سليم ولا لأ غير أنك تجرب بالكويل الجديد وبس

وأى خدمة أنا تحت أمرك أنا بنزل بنى سويف كتير

**Amr_Moh** · 06-05-2013 07:14 PM

المشاركة الأصلية كتبت بواسطة mohamed-adel

يا شباب النهاردة جيت ادور العربية لقيت رجرجة جامدة وتشيك انجكشن والعربية بطة عرفت انها الكويلات وطبعا بما انى فى بنى سويف والصنايعية كلهم عينة بلية ودماغة العالية قررت اغيرها بنفسى
قريت موضوع دة
http://www.nilemotors.net/Nile/79485-a.html
نزلت اجرب افك الفيشة معرفتش فوق تحت قولت بلاش لحسن تتكسر والكويل يطلع سليم فا عايز اعرف افك الفيشة دية ازاى وهل فية حاجة تانية اخد بالى منها وياريت يا شباب تردوا عليا بسرعة لان بكرة شم النسيم وعايز افسح العيال ذهابا وايابا

أسف جداً .. لسه قاري موضوعك حالا .. أتمنى تكون عرفت تحل المشكلة و العيال اتفساحوا

**mohamed-adel** · 06-05-2013 07:30 PM

الف شكر ليكم كلكم الحمد لله عرفت الطريقة وان شاء الله هبعت اجيب 2 كويل بكرة لانى اكتشفت ان 2 و 3 بايظين
بس ممكن تقلولى احسن نوع اية وبكام هو فى فرنش ب 315 بس مش عارف اية النوع

**MohammedAladel** · 06-05-2013 10:04 PM

عرفت إزاى إن 2 و3 هما اللى بايظين ؟؟

ومقلتليش أخبار البوجيهات عندك إيه نوعها وماشية كام كيلو ؟

**mohamed-adel** · 07-05-2013 06:14 PM

صيانة ال 120 لسة عاملها من 2000 كم ومغير فيها البوجيهات يا استاذ محمد
وبعدين انا عملت الاتى شيلت فيشة اول كويل العربية مادرتش شلت التانى دارت شلت الثالث دارت شلت الرابع مادرتش عشتان كدة شكيت انهم 2 و 3 + دلوقتى اتصلت بفرنش موتورز قالولى ان فية كويل جديد اسود دة معدل ب315 واحسن من البنى والاخضر اتصلت ب عادل زوايا قالى نفس الكلام وقالى ب 225 و علية ضمان سنتين ف ان شاء الله بكرة هجيبة

**MohammedAladel** · 07-05-2013 09:23 PM

لو شلت فيشة كأنك شلت فيشتين مش فيشة واحدة كل كويلين مع بعض على العموم هات 2 مفيش مشاكل لو طلع

يعنى 1 و 4 مع بعض و2 و3 مع بعض ... الكويل اللى رأسه لونها أسود أتأكد الأول صناعة إيه لأنى شفته مرضتش أشتريه لانه كان مجهول المصدر كان ب 180 فى العتبة

**mohamed-adel** · 08-05-2013 11:40 PM

جبت الكويل من عند عادل اسمة bougicord مكتوب علية made in france وعلى كلام فرنش موتورز و محمود عثمان دة احسن من الاخضر والبنى لانة معدل وشكرا ليكم كلكم وخصوصا استاذ محمد العادل