الموضوع: مضايق من وحدات تراخيص المرور

السلام عليكم ورحمه الله وبركاته
من الواضح ان مفيش شىء اتغير
بالامس ذهبت لتجديد سيارتى بمرور بين السيارات لان له الفحص فاضل له سنه
المهم اشتريت ورق التجديد ودفعت تأمين لمده سنه واستخرجت شهاده مخالفات وبيانات من بين السيارات وذهب لشباك التقديم
اخبرنى الموظف انه على التوجه الى وحده مرور الوراق لكونى من امبابه وبائت كل محاولاتى بالفشل من اجل تجديد السنه
وذهبت بكل الاوراق الى مرور وحده الوراق واخبرونى يجب ان افحص السيارة المهم كان ابن اختى رخص عندهم الفيسبه الخاصه به طلعوله كل القطط الفطسه المهم صب وتحمل وراح مجدد الفسبه بالكامل
المهم ذهبت اليهم فى اليوم التالى واشتريت ورق الفحص وتقدمت بسيارتى
المهندس قالى عندك شويه مرمات روح اعملهم ورشه دوكو وتعالى
ياعم المهندس ده فى اخر مره رشيت السيارة وكان لسه الدهان منشفش اترب بس يعنى العمليه عمليه تلميع فقط
والله لو كان قالى الحوض وسخ كنت ماشى لو قالى العادم وحش ماشى لو قالى كهربه سيارته مش تمام ماشى
اخبرته ان ده لا يؤثر على كفاءه السيارة ولا خطورتها على ولا على الاخرين من الاخر ركب راسه قلت لنفسى نظف ورش الاماكن اللى قالك عليها علشان لا يكون عنده حجه
المهم قلت لحالى مش مشكله كان لى صديق قابلته فى وحده مرور الوراق اخبرنى ان كل شىء بيان عليه بالفلوس
واخبرنى ان حصلت مع اليوم وهو بيستلم الرخصه ان الموظفه اخبرته انها عازة الحلاوة
دور فى جيبه لم يجد 5 جنهيات قالها معيش غير 50 جنيه صحيحة
اخذتها منه واعطيته 40 جنيه
كان معه صديق له بس ابن حنك لما اخذوا الرخصه اخبرها بأى حق انتى اخذتى منه 10 جنيه
اتبرجلت قالته لا ده اكراميه وود منه ولو عايزها خذها
وبالفعل خذها
انا كنت شاكك فى امورهم واتأكت لما صديقى اخبرنى
والان انا الشيطان راكب رأسى اعمل لهم مشكله فى حاله ان المهندس او أى حد سواء فنى الطفايه او غيره يعرقل لى الترخيص او ماشابه ذلك
هأخذ ابن اخى معى وفى حاله عرقله الترخيص عمل لهم بلوكة وافضحهم ويتم تصويره كل ماسوف يحدث ثم انشرها على اليوتيوب ومن ثم كل مواقع السيارات
لانى والله اتخنقت بجد

المشاركة الأصلية كتبت بواسطة amro1965

تم الفحص والترخيص والحمد لله ولكن
انا حاسس انى اتنصب عليا
اتنقلت من مرور الدقى الى مرور الوراق وبسبب النقل فحصت السيارة من اول وجديد
وبعد قرف النقل والفحص ومشاكله الحمد لله فحصت امبارح
المهم سؤالى هو الضريبه زادت ولا ايه وتفاصيلها كالاتى
طبعا سيارتى نصر ريجاتا نوفا موديل 90 وطبعا انا رخصت سنه واحده
تامين اجبارى 108
ضريبه 30
رسم تنمية 175
رسم استعمال لوحات 0.40
رسوم تحسين خدمات المرور 20 جنيه
قيمة ملصق مرور 2
قيمة رخصه ونموذج 8
يوجد مصاريف تانى مش فاكرها 33
اجمالى السنه = 376 جنيه
طبعا كتير وده احساسى انهم نصبوا عليا
انهم حملونى قيمه لوحات رغم ان الرخصه طلعت برقم السيارة القديم
هذا للعلم وافاده للجميع __________________

أنا مش شايف في المفرادات المذكوره أي حاجه تخص اللوحات الا 40 قرش. أنا لما حولت من اللوحات القديمه للجديده دفعت 150 جنيه تأمين لوحات وفعلا اجمالي الرسوم للسنه بيبقى في حدود ال 400 جنيه للعربيات تحت 1600 سي سي.