الموضوع: تقرير شراء بطارية جافة Bosch الألمانية

بسم الله الرحمن الرحيم

السلام عليكم ورحمة الله وبركاته

أخواني الأعزاء في قسم سيات نايل موتورز

يمكن معظمكم عارف اني كنت بشتكي من بطارية عربيتي بقالي فترة - وحاولت معاها كتير ودة لينك للموضوع للي ماكنش يعرف تاريخ البطارية معايا
http://www.nilemotors.net/Nile/34966...post3874935815
وبردو تعرفوا اني مش بغير اي قطعة غيار لما اكون متأكد تماماً انها منتهية ومش نافع معاها تصليح
وبردو عارفين اني مش بحب اركب اي قطعة غيار والسلام في عربيتي
ولأن عربياتنا دي عربيات أصيلة وبنت أصول وبتتعب معانا فكان يجب أجيبلها بطارية لا تقل عنها في المستوي
ولأن الكلام علي عربية أوروبي محترمة يبقي لازم البطارية تكون هي كمان أوروبي محترمة
عشان كدة قررت أجيب بطارية Bosch صناعة أوروبي - صحيح في موديلات منها صناعة ألماني - بس دي بتكون للي أمبيرها 100 بتاعة المرسيدس

الحمد لله بفضل الله أشتريت بطارية جافة 45 أمبير Bosch



البطارية ضمان سنة وسعرها 475 ج بعد أحتساب سعر القديمة وخصمها من ثمن البطارية
أشتريتها من مركز في فيصل
ابن صاحب المركز شاب مهذب وذوق جداً وبيفهم في شغله
وعلي فكرة معاه ابيزا 2000 ومركب البطارية دي عنده في عربيته وعشان كدة رشحهالي
واقنعني بيها لما قالي ان التكنولوجيا المتقدمة المستخدمة في تصنيع بطاريات بوش bosch الجافة جعلت عمر البطارية اطول وبأداء متميز عن باقي البطاريات الموجودة في السوق
وعلي فكرة بوش bosch ماعندهاش بطاريات سائلة.

توكلت علي الله وأشتريت البطارية

وبعد التركيب وقبل ما أدور العربية
جاب جهاز خاص بشركة بوش bosch عشان يـ test بيه البطارية



الجهاز دة بيتست البطارية وبيطبع تقارير

قاس جهد البطارية قبل الدوارة عشان يختبرها

وبعدها قالي دور العربية
واثناء الدوارة عمل تيست علي المارش واجهزة الأدارة في العربية وقاس جهد البطارية اثناء عملية الدوارة

وبعد مادورت العربية
قالي ارفع الأحمال وشغل الأنوار العالية
وعمل تيست ثالث للبطارية بعد زيادة الأحمال عليها

وبعدها طبع التقرير ودبسه في شهادة الضمان



بغض النظر عن شهادة الضمان - أثناء التركيب فني التركيب دق كود المركز (الكود بتاعه كموزع لبطاريات بوش bosch) وكمان دق تاريخ الشراء
عشان حتي لو الضمان ضاع مني او روحت من غيره ، يبقي عارف انها بطاريته وامتي ركبت في العربية
بصراحة ناس محترمين جداً وكمان البطارية محترمة جداً ما شاء الله



وبكدة بعد ما ركبت بطارية بوش bosch في عربيتي، أكتملت الأجزاء الكهربائية في العربية لتصبح Bosch Technology بالكامل.



أتمني يكون التقرير عجبكم
وانتظروني بتجربة جديدة ان شاء الله

تحياتي للجميع

والله المستعان
،
،