الموضوع: يعنى مفيش كهربائى شاطر يلغى البطارية من الاساس !!

https://www.youtube.com/watch?v=z3x_kYq3mHM

المشاركة الأصلية كتبت بواسطة samaty

لو عايز تعملها سهلة
بس خد بالك
أولا السيارة دي ديزل ( يعني مروحة التبريد شغالة على سير مش البطارية)
ثانيا لو جبت 9 بطاريات نيكل مقاس d ووصلتهم توالي هيكون معاك بطارية 13.5 فولت بسعة 60 أمبير أو أكتر وأكبر تيار تحصل عليه هيكون من 30 إلى 120 أمبير حسب جودة البطاريات
أنا ليا تجربة سابقة ( كنت راكب فيكترا 2000 cc أتوماتيك والبطارية باظت وأنا مسافر والعربية بطلت قدام بلد أرياف وكنا بعد العشاء - طبعا مفيش كهربائي ولا حد بتاع بطاريات
اشتريت بطاريتين كشاف شحن وصلتهم توالي والعربية دارت --- بس دي كانت بتدور من أول تكة)
لو عايز تجرب انا معاك
المشكلة أني معنديش عربية حاليا أجرب بيها ( أنا ماشي بموتوسيكل - وجربت اشغله بالتونجر مباشر اشتغل من غير بطارية)

واضح ان حضرتك بتحب تجرب وتتعلم

المشكلة اللى بتقابلنا هى القلق ودة اللى بيخلينا نخاف حاجة تتعمل غلط تضر العربية

بالنسبة لتجربتى انا واللى بعانى منها لغاية دلوقتى

البطارية نامت من حوالى سنة وواحد صاحبى قالى موش هتتشحن الجافة موش بتتشحن

وكان الحل - شلتها من العربية وحطيت بطارية عربيتة ولما العربية دارت رجعت البطارية بتاعتى مكانها وروحت مشوار حوالى نص ساعة والحمد لله الموضوع استقر ومحصلش تانى الموقف دة

ودلوقتى انا حصلى نفس الموقف وكان صاحبى مسافر

روحت للكهربائى قولتلة البطارية نامت عاوزة تتشحن وجافة قالى اشحنهالك وحطها على التونجر ساعتين واخدتها وموشر التونجر عندة مكنش بيزيد قالى عادى موش شرط فهمت انها اشتغالة

لكن لما دورتها دارت قولت يمكن كانها شحنت وصلة مثلا ركنتها علشان كان يوم الخميس روحت يوم الحد مدارتش العربية ولما رجعتلة قالى يبقى باظت وبتهرب شحن

روحت لكهربائى غيرة بس المرة دى بقى قولتلة عندك شاحن لبطارية جافة قالى هو تونجر واحد بيشحن الاثنين طبعا انا موش فاهم وهو مصمم ان كدة صح

وحصل نفس الموضوع بالظبط فى المرتين لكن فى المرة التانية لما حكيتلة على المرة الاولى قالى هات العربية اقيسلك الدنمو بيشحن والا لا ووصل جهاز على البطارية فيه عداد لقيت الارقام بتزيد قالى الدنمو شغال تمام والجهاز كان مكتوب فيه رقم 9 والناحية التانية رقم بيزيد اقوله هى كدة فيها 9%
يقولى شحنتها والله هو كدة

المشكلة انى لما ركنتها رجعت لقيتها نامت تانى الانوار بتنور والكاسيت بيشتغل لكن موش بتدور

اللى فهمتة من الناس طبعا

ان البطارية الجافة موش بتتشحن غير من دنمو العربية بس

وانها لو بايظة موش هتدور حتى لو بوصلة سيارة

ودلوقتى الحل انى اعمل وصلة اخليها معاية لان العربية اتوماتيك وموش هتدور الا بالبطارية

ناوى اشترى سلك 16 ملم ومشابك واعمل وصلة اخليها معاية