الموضوع: قلت مفيش غيركم اخد رأيه فى الخطوه اللى هاخدها دى

المشاركة الأصلية كتبت بواسطة sameh_fouad

لازم الاول ياباشا تعملوا دراسة جدوى , وتعرفوا سعر كل حاجة , ومين الصنايعية اللى هيشتغلوا فى العربية , وهياخدوا كام فى اليوم

- موضوع الترخيص والضرائب شوفوا هيتكلف كاااااااام

- شراء الاجهزة لو تقسيط هتتكلف كاااااام لان الاجهزة دية مش رخيصة

- شراء tools اصلية طبعا وطبعا هيتجاب منها مش اقل من 3

- طبعا تكلفة التشطيب , ولازم يكون فية مكنة رفع السيارة بدل ماتحفر فى الارض

- المكان اللى هتشترى منة الادوات اللازمة عشان تكمل بيها شغلك

شوف ياباشا هو مشروع جميل جداااااااا ,بس اللى هيخلى المشروع دة ينجح الفنيين اللى انت هتجيبهم عشان يشتغلوا فى السيارات

وربنا يوفقك ياباشا

المشاركة الأصلية كتبت بواسطة tananybasha

هوندا كله مشرفانى هنا
ايه الجمال ده
والله يا باشا
المشروع مش فكرة انفعالية وليده اللحظه
انا ده حلم عمرى منذ ما يزيد عن 5 سنوات
و انا محاسب
بس مفيش حسابات مع ربنا
الرزق ده بتاع ربنا
بس اسعى يا عبد و انا اسعى معاك
الضرائب و السجل و التراخيص دى لعبتى انا
مفيهاش مشكله و لا حتى تكاليفها حاسبها فى التكاليف بتاعتى

الأجهزه مش هاجيبها من مصر
دول سفاحين يا عم الحاج
انا هاجيبها من بره
يعنى فيه حاجات هتيجى من الصين و حاجات من ايطاليا
عن طريق زباينى فى مكتبى
نوع من انواع المحبة و المساعده منهم

المعدات اليدوية اللى هتيجى كلها عبارة عن دواليب عده كامله من المانيا مباشرة
و تكلفتها هتبقى اقل من الصينى المضروب هنا

هيبقى فيه بيارتين اعلى من الأرض بمطلعين
و هيبقى فيه اوناش هيدروليك كهربا كامله ايطالى

الصنايعية ربنا يخللى معارفى من الصنايعية اللى هيقفوا معايا فى الفترة الأولى على الأقل لغاية ما اقوم على رجلى

و احنا عاملين حسابنا فى مخزن زيوت و فلاتر و مستهلكات زى السيور و البوجيهات و دى ربنا يكرم الحاج جمال و ده صاحب كذا محل قطع غيار هيوفرهالى لخبرته فى المجال
و الزيوت خاصة منتجات موبيل كلها هتيجى من الششركه نفسها عن طريق الأتفاق مع عميل عندى عنده محطة بنزين و موافق انه يعمل مخزن عندى
و اللى ابيعه اوردله فلوسه اخر الأسبوع

كلامكوا دة جميل وكل حاجة
بس انا ليا تعليق من خلال خبرتي المحدودة

مبدئياً مش كل العدة بتتكرر
اشهر المفاتيح فقط هي اللي بتتكرر
زي مثلا البيبة بمعظم مقاساتها - ودراعات التطويل (الوصلات) والمفاتيح البلدي وبعض مقاسات الالانكيه
ودة بيتجاب دولاب كامل فيه كل مقاسات ال لقم والوصلات والمفاتيح
والباقي بيتجاب مفرت

الحاجة التانية
انت ممكن تعمل زي بعض الورش
ومثلا زي الحلاقين
الصنايعي يجي بعدته - بس دي ليها عيب لو الصنايعي مش أمين وانت مش صاحيله - هتلاقيه كل يوم مروح بشنطة عدة بحجة انها شنطته وعدته وهتلاقي فجأة الورشة فاضية مافيهاش ولا صمولة وهو هيطفش ومش بعيد يطلب باقي حسابه كمان.

لكن كونك تكرر كل العدة 3 او 4 مرات
هتبقي تكلفة عالية جداً عليك
المفتاح الأصلي النهاردة بيعدي ال17 جنيه
يعني شوية عدة ممكن يدخلوا في 5 او 6 الاف جنيه

دة مجرد رأيي

تحياتي