نصيحه لملاك الاكسنت اربى اللى غيرو المساعدين

**atyam** · 06-05-2013 05:27 AM

السلام عليكم ورحمة الله وبركاته

من فتره كده كنت بشتكى ان العربية ابتدت تهبط كل مايكون حد معايا ورا او فى مطبات الهوا وتقريبا رجعت زى مكانت بالمساعدين اللى نازلة بيها واللى عملت مشاكل للكل وروحنا غيرناها

وطبعا كالعاده لما روحت التوكيل ودخلو العربية وطلعو قالولى الدنيا زى الفل وربطنالك العفشة والارتفاع كده مظبوط

وخدت العربية ولقيت طبعا فيها نفس العيب فكبرت دماغى بقى من التوكيل وروحت لحد بتاع عفشه كشفلى على العربية والعيب طلع ان السوست ورا ضعفت او بمعنى اصح طريت من تنطيط المساعد القديم وعلى مركبت المساعد الجديد اشتغلت معايا فتره وبعدين جابت اخرها وده لانى للاسف مشيت سنة وشهرين بالمساعد القديم اللى كان بيجهد السوست

والمشكله الاكبر بقى انى اتصلت بهيونداى دمشق عشان اسال على السوست قالى دول مش موجودين وتعالى ادفع عربون وهنطلبهم من كوريا وهيجو فى خلال 3 اسابيع وسعر الفرده الواحده 330 جنيه يعنى جوز السوست 660 جنيه

فنصيحه لكل واحد مشى فتره كبيرة بالمساعدين القديمه يتابع الموضوع ده ويبص على السوست اللى ورا وعلما ان مشيت عليهم 25 الف كيلو وركبت المساعدين الجديدة وكانت العربية زى الفل معايا لحد موصلت ل30 الف كيلو ومن هنا ظهر العيب

**haissam24h** · 06-05-2013 07:12 AM

ديه تتغير على حساب التوكيل

**elmo7amed** · 06-05-2013 10:56 AM

مشكور جدا على النصيحه بس انا غيرت المساعدين بعد حوالى 3 شهور من استعمال العربيه

**john55** · 06-05-2013 05:18 PM

ايه المشكله انا واحد قالي في ورشه قليوب ان السوسست بتتغير علي الضمان جرب ومش هتخصر حاجه

**semsem7222** · 06-05-2013 08:21 PM

المشاركة الأصلية كتبت بواسطة john55

ايه المشكله انا واحد قالي في ورشه قليوب ان السوسست بتتغير علي الضمان جرب ومش هتخصر حاجه

ياريت حد ياكد المعلومة دى ولو فى نوع سوست تانى تمشى مع العربية تكون انشف شوية لان السوست دى طرية فعلا

**atyam** · 06-05-2013 09:29 PM

المشاركة الأصلية كتبت بواسطة elmo7amed

مشكور جدا على النصيحه بس انا غيرت المساعدين بعد حوالى 3 شهور من استعمال العربيه

العفو يا باشا وطالما ممشيتش عليها كتير يبقى خير ان شاء الله

المشاركة الأصلية كتبت بواسطة john55

ايه المشكله انا واحد قالي في ورشه قليوب ان السوسست بتتغير علي الضمان جرب ومش هتخصر حاجه

صراحة ياباشا انا كرهت ام التوكيل وهتصرف واركبهم برا وبلاوجع دماغ بقى

المشاركة الأصلية كتبت بواسطة semsem7222

ياريت حد ياكد المعلومة دى ولو فى نوع سوست تانى تمشى مع العربية تكون انشف شوية لان السوست دى طرية فعلا

تم ياباشا وانا اليومين دول بشوف حل للبديل اللى يمشى مع العربية لانى مش ناوى اركب بتوع هيونداى تانى وهاكد اول منفذ ان شاء الله

**semsem7222** · 06-05-2013 09:39 PM

ياريت والله وعرفنا نوعهم وجبتهم منين ومشكور جدا

**Samir Elshahawy** · 06-05-2013 11:12 PM

لو فيه مشكلة في السوست بيتم تغيرهم في التوكيل في الضمان و ده كلام مؤكد لما كنت هناك من يومين و كنت بسأل علي مشكلة الار بي

ياجماعة ياريت تعملوا موضوع موحد و اللي غير مساعدين و لسه عنده مشكلة في العربية يكتب بياناته :
- الاسم
- موديل العربية
- تاريخ الشراء
- رقم الشاسيه
- رقم الموتور

و أن شاء الله سيتم رفع الموضوع الي التوكيل و أن شاء الله يتم حل المشكلة نهائيا

**semsem7222** · 10-05-2013 09:46 PM

طيب انت عملت اية دلوقتى غيرت السوست بنوع تانى ولا عملت اية ياريت تعرفنا علشان انا مخنوق من موضوع الحكة وناقصلى شعرة واعلى العربية بعلايات

**atyam** · 11-05-2013 03:59 AM

لا انا لسه معملتش حاجه عشان كنت مستنى السبت عشان اجازة فاستنانى لبكره هنزل الحرفين وهقولك عملت ايه

الموضوع: نصيحه لملاك الاكسنت اربى اللى غيرو المساعدين

LinkBack

أدوات الموضوع

عرض

-

-

-

-

المواضيع المتشابهه

نصيحة لمالكى الاكسنت rb - مشكلة مابعد المساعدين

عاوز صور مساعدين الاكسنت اربى القديمة والجديدة؟

صور الاكسنت اربى rb بعد تركيب الزينون وليد لايت

نصيحه صغنطوطه خالص لملاك البروتون .

سؤال ضروري لملاك الاكسنت

الكلمات الدلالية لهذا الموضوع

المفضلات

المفضلات

ضوابط المشاركة