أرجو الإفادة يا شباب

**eng_abosalma** · 06-05-2013 10:58 AM

السلام عليكم:
أنا عملت 38000 كيلو باللوجان و العربية بقالها 3 سنين وخارج الضمان....
عايز أعرف ايه المفروض يتغير فى العربية دلوقتى مع العلم أنى غيرت طقم بوجيهات عند 30000 و بغير زيت بره التوكيل....
و جزاكم الله خيرا

**gebreel** · 06-05-2013 09:39 PM

لما العربية تتم 4 سنين تعمل صيانة ال60000 اللي هي تغيير سيور و تتعمل في التوكيل ... اه هي غالية بس الغلطة فيها بنص عمره

كل 5000 مثلا تطلع على اي بنزينة ثقة تربط عفشة و تشيك على المياه بتاعة التبريد و الزيوت و كل 10000 كيلو تغير زيت بفلتر بزيت لزوجته 5w40 عندك الشيل الالترا ممتاز و التوتال كوارتز 9000 و الموبيل 1 و يفضل لو تجيب الفلتر الاصلي من التوكيل

كل 20000 كيلو هتشتري فلتر هواء اصلي و فلتر زيت اصلي و بوجيهات اصليه من التوكيل و تروح عند اي ميكانيكي ثقة يركبهملك ده لو مش عاوز تعمل الصيانة في التوكيل و بكدة تبقى ماشي على جدول الصيانات بتاع العربية بس بمصنعية اقل

**gabrel** · 08-05-2013 02:05 PM

المشاركة الأصلية كتبت بواسطة gebreel

لما العربية تتم 4 سنين تعمل صيانة ال60000 اللي هي تغيير سيور و تتعمل في التوكيل ... اه هي غالية بس الغلطة فيها بنص عمره

كل 5000 مثلا تطلع على اي بنزينة ثقة تربط عفشة و تشيك على المياه بتاعة التبريد و الزيوت و كل 10000 كيلو تغير زيت بفلتر بزيت لزوجته 5w40 عندك الشيل الالترا ممتاز و التوتال كوارتز 9000 و الموبيل 1 و يفضل لو تجيب الفلتر الاصلي من التوكيل

كل 20000 كيلو هتشتري فلتر هواء اصلي و فلتر زيت اصلي و بوجيهات اصليه من التوكيل و تروح عند اي ميكانيكي ثقة يركبهملك ده لو مش عاوز تعمل الصيانة في التوكيل و بكدة تبقى ماشي على جدول الصيانات بتاع العربية بس بمصنعية اقل

أ/ جبريل .. بعد التحية
تغيير السيور تتعمل بعد 4 سنين ولا 3 سنين انا عملت 35 ألف والعربية هاتخرج من الضمان الشهر ده والتوكيل بيقول انها لازم تتغير بعد 3 سنين حتى وانا في الصيانه الي فاتت كاتبين يافطة ومحظرين انها لازم تتعمل بعد 3 سنين اعملها دلوقتي ولا استنى كمان سنه .
وشكراً لحضرتك .

**gebreel** · 08-05-2013 08:41 PM

المشاركة الأصلية كتبت بواسطة gabrel

أ/ جبريل .. بعد التحية
تغيير السيور تتعمل بعد 4 سنين ولا 3 سنين انا عملت 35 ألف والعربية هاتخرج من الضمان الشهر ده والتوكيل بيقول انها لازم تتغير بعد 3 سنين حتى وانا في الصيانه الي فاتت كاتبين يافطة ومحظرين انها لازم تتعمل بعد 3 سنين اعملها دلوقتي ولا استنى كمان سنه .
وشكراً لحضرتك .

و الله يا باشا في المانيوال بتاع العربية مكتوب 4 سنوات و الاسكندرانية بيقولوا التوكيل في اسكندرية بيغير بعد 4 سنوات