الموضوع: بـــــــــدون زعل!!!

المشاركة الأصلية كتبت بواسطة mada121977

الاستاذ الفاضل hoko_mosha من الواضح ان الاستاذ المذكور صاحب الموضوع زعلان قوى من المواضيع الموجوده فى المنتدى ده على اختلافها و كان نفسى يكون فييه شجاعه ادبيه و يواجهنى بس هوا فضل الاستظراف و تلقيح الكلام زى مابيقولوا و انا ما بحبش كده

أولا: أنا مش هارد عليك بالأسلوب اللى انت بتتكلم بيه ، والحمد لله انا عندى الشجاعة الكافية انى أرد على اى حد ، أنا بس ليا عندك سؤال صغير وأرجو انك تجاوبنى عليه بصراحة ، ليه انت بالذات دونا عن ال 1300 مشترك اللى فى المنتدى اللى خد الكلام على نفسه :?: :!: . وأرجوك لو سمحت نحاول ننقى ألفاظنا علشان احنا ناس كبار مش صغيرين والمفروض كلامنا مع بعض يكون أرقى من كدة

ثانيا: والكلام مش موجه ليك المرة دى وانما لباقى أعضاء المنتدى ، للمرة العاشرة بقول ان انا مش ضد المنتدى الإجتماعى انا نفسى ليا مشاركات فى المنتدى الإجتماعى بس وجهة نظرى ان الموضوع نسبة وتناسب ، يعنى لما نكون فى منتدى سيارات يبقى المنطق بيقول 80% مواضيع عن السيارات والباقى مواضيع منوعة ، انما لما يكون اللى حاصل هو العكس ، يبقى كدة فى حاجة غلط ، وأرجو ان الناس تتقبل وجهة نظرى بدون زعل

هو سؤال
مينفعش الشريط ميظهرش الا اللى فى المنتديات التقنية
انا قصدى ينفع ميظهرش مواضيع المنتدى الاجتماعى؟

اعتقد يا اخى كريم منير .... ان الانذار يكون للطرفين افضل وليس لطرف ضد طرف لان الطرف الاخر ومع تقديرى واحترامى له قال انه يقصد شخص معين ! صحيح لم يذكرة بالاسم ، ولكن يجب إلا نشتت اذهان الجميع خاصة من لهم كتابات فى المنتدى الاجتماعى، وعموماً اعتقد ان الامر لايستحق كل هذه الدوشة ، خاصة واننا نعلم بأن المنتدى به اكثر من 1300 عضو ولكل عضو وجهة نظرة الذى يجب ان تحترم وتقدر ، ولكل عضو حرية الكتابة فيما يشاء سواء اجتماعى او سيارات او خلافة طالما ان المنتدى مقسم لعدة اقسام ، فمنا من له خبرة بالسيارات فعندما يكتب بها نستزاد خبرة وعلم بكتاباتة ومنا من له خبرة فى النواحى الاجتماعية وهكذا لكل منا خبرة فى ناحية معينة ، واكبر دليل على ذلك بعض الاخوة الذين طلبوا من معرفة ورشة لاصلاح المكيفات ، ورد عليهم بعض الاخوة من المنتدى وهذا شىء به اكبر تأكيد على التواصل للنفع ، والمنتدى لنفع المجتمع والجميع سواء للسيارات او غيرة وهذا يدل على مدى الترابط بين اعضاءة وحبهم جميعاً لبعض واتمنى من الاخيين الكريمين قبول الاعتذار لكل منهما والسماح وعدم الاصرار على التشبث بالرأى لاى منهما وشكرا للجميع