بـــــــــدون زعل!!!

**أبوسيف** · 01-07-2007 07:33 PM

لاحظت فى الفترة الأخيرة ان الناس بدأت تركز قوى على المنتدى الإجتماعى بحجة انه ممكن اضيف فيه اي موضوعات ، والناس نسيت الهدف الأساسى من المنتدى هنا وهو مناقشة كل ما هو خاص بالسيارات ، أعتقد لما اتعمل منتدى إجتماعى كان الهدف منه ان يكون فى تواصل بين الأعضاء وبعضها على المستوى الشخصى مش علشان نحول المنتدى للكلام فى اى حاجة والسلام ، يعنى اسمحولى انا داخل المنتدى هنا علشان أدور على معلومة او ارد على حد بيسأل فى حاجة معينة مش علشان ادور على اخر نكتة ولا علشان اقرا حواديت ملهاش علاقة بالهدف الأساسى من المنتدى ، مفيش حد فيكم لاحظ ان المنتدى وقع اكتر من مرة فى الفترة الأخيرة ودة بسبب ان ال resources المتاحة للموقع من مساحة و band width وبروسيسور محدودة . اللى عاوز اقوله ان النت مليان حاجات حلوة بس مش كل حاجة ينفع ننقلها هنا ، يعنى ما ينفعش مثلا اشوف طريقة جديدة وعجبانى فى عمل الفاصوليا وانقلها هنا فى المنتدى الإجتماعى بحجة ان المنتدى مخصص لأى حاجة ليست لها علاقة بالسيارات ، ياريت نحافظ على التخصص بتاع المنتدى علشان ان شاء الله نكون افضل موقع سيارات فى الوطن العربي ، وياريت كمان محدش يزعل منى لأنى بتكلم من واقع غيرتى وحرصى على الموقع بتاعنا.

**mina_ramsis** · 01-07-2007 07:38 PM

انا معاك فى الفكرة بس فيه حاجات اعتقد انها المفروض تتحط فى المنتدى الاجتماعى زى حكاية العبارة مثلا و اشياء اخرى كتير بس فى حاجات تانية ملهاش لازمة كتير زى النكت و حاجات تانية كتير انا اسف لم اقصد الاهانة لاى شخص بس حبيت اقول وجهه نظرى

**أبوسيف** · 01-07-2007 07:46 PM

أنا مش معترض على فكرة المنتدى الإجتماعى بالعكس دة شئ جميل جدا والمفروض نستغلها علشان يبقى فى روح أخوة بين الأعضاء ، لكن انا إعتراضى على سوء إستخدامها ، يعنى ما ينفعش أدخل المنتدى ألاقى شريط آخر الموضوعات 90% منه مواضيع ملهاش علاقة بالعربيات ، لو الموضوع مجرد نقل كلام وخلاص علشان ابقى عضو نشيط او يبقى عدد مشاركاتى كبير ما كل واحد قادر انه يحط 500 مشاركة كل يوم والنت مليان مواضيع جميلة ونكت تموت من الضحك بس هل هو دة اللى احنا داخلين المنتدى علشانه؟. ياريت الإدارة تكون متفهمة وجهة نظرى وتحاول توصل دة للأعضاء علشان تلتزم.

**Abdallah** · 01-07-2007 07:48 PM

عزيزى ابو سيف, طبعا نشكر ليك خوفك وحرصك على المنتدى لانه اولا واخيرا منتدانا جميعا ...
فى نظرى الموضوع اتطور فعلا ولكن هذه ظاهرة صحية نظرا لانه يعكس صورة من صورة المجتمع بسلبياته وايجابياته...
يعنى انا مثلا عايز اعرف الناس القيمة الغذائية للسلطة, فمعتقدش انى قلت حاجة تافهة وكذلك بالنسبة للاخوة الذين يضيفوا بعض النكات بهدف تلطيف الجو ولكن انا ضد الذيادة بمعنى ان الشىء لما يزيد عن حده ينقلب الى ضده وطبعا ان شاء الله هيحصل تغييرات كتير مع تدشين الموقع الرسمى بمشيئة الله وطبعا دى وجهة نظرى الشخصية ولا علاقة لها بوجهة نظر الادارة لكى لا يلتبس على احد الامر.
بالنسبة لوقوع الموقع , احنا بنعانى من بعض المشاكل الفنية والتقنية وان شاء الله قريبا هتتحل فلا داعى للقلق وان شاء الله هتكونوا فى الصورة لو حصل اى تغييرات.

**mina_ramsis** · 01-07-2007 07:49 PM

فكرتك وصلت و انت معاك حق فعلا

**أبوسيف** · 01-07-2007 08:03 PM

المشاركة الأصلية كتبت بواسطة Abdallah

عزيزى ابو سيف, طبعا نشكر ليك خوفك وحرصك على المنتدى لانه اولا واخيرا منتدانا جميعا ...
فى نظرى الموضوع اتطور فعلا ولكن هذه ظاهرة صحية نظرا لانه يعكس صورة من صورة المجتمع بسلبياته وايجابياته...
يعنى انا مثلا عايز اعرف الناس القيمة الغذائية للسلطة, فمعتقدش انى قلت حاجة تافهة وكذلك بالنسبة للاخوة الذين يضيفوا بعض النكات بهدف تلطيف الجو ولكن انا ضد الذيادة بمعنى ان الشىء لما يزيد عن حده ينقلب الى ضده وطبعا ان شاء الله هيحصل تغييرات كتير مع تدشين الموقع الرسمى بمشيئة الله وطبعا دى وجهة نظرى الشخصية ولا علاقة لها بوجهة نظر الادارة لكى لا يلتبس على احد الامر.
بالنسبة لوقوع الموقع , احنا بنعانى من بعض المشاكل الفنية والتقنية وان شاء الله قريبا هتتحل فلا داعى للقلق وان شاء الله هتكونوا فى الصورة لو حصل اى تغييرات.

صدقنى يا استاذ عبدالله انا مش قصدى على مشاركتك او مشاركة اى حد بالأسم وانا والله مش معترض على المنتدى الإجتماعى بالعكس ، كل اللى انا خايف منه ان الكلام فى الموضوعات الجانبية يبقى هو الأساس وننسى الغرض الأساسى من المنتدى. وانا اللى دفعنى انى افتح الموضوع دة انى بقالى ساعة فاتح المنتدى ومش لاقى غير مواضيع ملهاش علاقة باللى احنا عاملين المنتدى علشانه ، وأحد الأعضاء الزملاء شغال لف على باقى المنتديات يجيب اى مواضيع ويحطها عندنا وخلاص بدون هدف واضح. :?: :?: :!: :!:

**PAYOO** · 01-07-2007 08:33 PM

طبعا وجهة نظرك فعلا وجهة نظر سليمه 100% وتستحق الوقف عندها

ولكن أنا عاوز اقولك حاجه أنت أكيد عارفها
المصريين بطبيعتهم ناس عشريين ويحبوا يتكلموا في كل حاجه وعشان كده عملنا الساحه دي لعدم خلطها مع السيارات

وطبعا الموضوع لو زاد عن حده يبقى أكيد مش في مصلحة حد أطلاقا
وعلى أي حال الناس لو شايفين موضوع يستاهل بيشاركو فيه ولو شايفين موضوع مايستاهلش مابيشركوش

وعلى أي حال موضوعك ده في حد ذاته هايخللي الناس تفكر في الكلام قبل ما يكتبوه

وشكرا ليك على أهتمامك

**Abdallah** · 01-07-2007 08:55 PM

والله يا اخى عارف انك مش بتتكلم عليا بالاسم بس انا حبيت اوضحلك وجهة نظرى...
كل واحد بيبقى من وجهة نظرة بيفيد المنتدى سواء الى بيحط كلام عن الدين او نكت وهنا تيجى فائدة الاشراف الى بيحدد ايه يفضل وايه يتشال وطبعا دة بناء على بنود معينة وانا اتفق معك تماما ان يجب تقنين الموضوع اكثر ولكن زى ما قال هانى المصريين لهم طبيعة خاصة ويجب ان نحترمها.

**ahmed1981** · 01-07-2007 09:05 PM

الحقيقة المنتدى منتدى سيارات
ولكن
لو أصبح تقني بحت هيبقى دمه تقيل
لابد من منتدى إجتماعي يربطنا ببعضنا وبمجتمعنا ويخلى المنتدى فيه بعض الوجدان والمرح والتعارف والقضايا الإجتماعية
حتى لا نمل منه ونحس إنه ورشة سيارات فقط لا غير ما فيهاش روح ولا حتى غرفة إستراحة للشاي مثلا :?: