موضوع رائع يا ابو روقه احييك عليه
عرض للطباعة
موضوع رائع يا ابو روقه احييك عليه
عندك حق
المشكله انه تم زراعه ان العيب فينا
اضطرتنى ظروف العمل لاتعامل مع ناس هنود و فلبينيين فتره و مش عاوز اقولك على المعاناه و خاصه لو الهندى استخدم اشارات جسمه مع الكلام
فاكر مره طلب منى احدهم ان اشرح له شئ و كان هذا الموضوع ممكن يتم شرحه بطريقه مبسطه او علميه متخصصه
و لعلمى انه ليس اكادميا فاستئذنه انى ساشرح له بطريقه مبسطه و لكنه لم يجيب و لكنه حرك رأسه يمين و شمال فظننته يرفض
و اعدت عليه السؤال و هو على نفس الحركه و انا فاهم انه مش فاهم سؤالى لحدت ما زهقت و قولت اللى انا عاوزه و خلاص
الفلبينيين بقى طلعوا سيئاتى فى دبى
المشكله ان الواحد كان بيؤنب نفسه انه مش عارف يتكلم
و صادفت ان كان عندى زياره من امريكانى و كلمته و كلمنى و فاهمين بعض زى الفل و افتكرت انى يا ما هنا و يا ما هناك
لحد ما كلم زميله قدامى و لقيت نفسى مش فاهم اى حاجه , و اكتشفت انه نزل لمستواى علشان افهمه :)
انا مقتنع تماما زيك ان مش عيب نطق الانجليزي باللكنه المصري, لان شفت اجانب كتير بينطقوه بلكنه بلادهم عادي ومن غير كسوف, اللي بيضايقني بقى لما الاقي واحد مصري مش عارف يتقن اللكنه الامريكيه مثلا, ودي مهاره البعض بيتقنها كويس, لكن تلاقي واحد مش عارف يتقنها وبرضه مصمم على النطق بيها ساعتها بحس انه عايز يتنطط وخلاص
أنا متفق معاك في كل اللي قلته ...
بس أنا من الناحية التانية شايف إني دي ميزة في المصريين إنهم بيقدروا يتكلموا بأي لغة بلكنتها هي ولكنة أهلها وبيحرصوا على كدة .. ويتريقوا على بعض لو حد منهم بينطق غلط
يعني انت نفسك بتقول إن الراجل الأسباني بقاله في مصر 35 سنة وبرضه مش عارف ينطق عربي ... وبرغم كدة انتوا من شهرين بس كنتوا بتنطقو أسباني زي الفل حتى لو مش فاهمينه
وكمان بحب أصحح النطق جدا لبنتي لما بتيجي تنطق غلط وساعات كمان لما بكون عارف الفرق بين النطق الإنجليزي والأمريكاني بوضحلها النطق ده والنطق ده .. مع إنها ولا بتحط في دماغها أساسا الفرق
شعب نصفه مريض نفسي ان لم يكن اغلبه
لازم ستايل لبسك يكون فى حد مشهور ارتداه قبلك علشان يكون طبيعى
مظهرك هو شخصيتك بنسبة 90 % ولذلك اغلبية الناس بينصب عليها بسهولة
حاجات كتير والله بتدل على جهل الشخص حتى لو متعلم فى احسن جامعة .
السلام عليكم
تحياتي لصاحب الموضوع و لجميع من سبقني من المشاركين
للأسف داخل ذات القطر المصري يسخر أهل الشمال من لكنة اهل الجنوب, و يسخر أهل الحضر من لكنة أهل الأرياف و هذا انما يدل على النقص و الفراغ و الجهل.
في مصر يسخر من يعتقد نفسه ذو علم ممن يظنه أقل منه علم.......فهل ساعده على التعلم هل شارك في جمعيات اهلية لنشر العلم كما يفعل المتعلمون الحقيقيون في الدول المتحضرة...هل نشر علمه ام حاول بكل ما اوتي من قوة ان يحجب علمه...
هل يوجد في اي دولة في العالم صورة الاستاذ الجامعي البعبع!!!! الاستاذ الجامعي التغطرس!!!
اشكرك على منشورك و ان كنت ارى ان اتقان اللغة بقواعدها الصحيحة بما فيها طريقة النطق هو امر مفضل و ليجتهد في هذا الامر من يريد اتقان اللغة
المصريين لازم يتريقوا على أي حاجة و خلاص و لازم نعمل فلاحيص .
بس أحنا عندنا مشكلة أساسية و موجودة في الكلمات العربية التي تحمل هذا الحرف المسكين (اللي المصريين ميعرفوش ينطقوه )
حرف الثاء ..............
كل الكلمات العربية التي بها ثاء
ينطقها غالبية المصريين و كأنها سين
يا عم كبر دماغك
ده مره واحد خطيب عايز يقول ثلاثة قام اصله غلبه برضو وقال ثلاسه!!!
أثناء شغلي في احد المستشفيات كان فيها من كل الجنسيات أشكال الوان والمستشفى قانونها انه ممنوع الكلام الا بالإنجليزي
وطلعت وقتها بمعلومه...
متدققش لان المهم انهم فاهمين وانت فاهم وهتسمع للكلمه الواحدة كذا نطق وكذا لكنه....
تحياتي
Sent from my LT18i using Forum Runner