محتاج مساعده فى الفوجات للاوبل فكترا 98

**hamdy916** · 06-05-2013 04:33 PM

انا اشتريت فوجات النهارده تيوانى عاملين 300 والصينى عملين 200 انا قولت اكيد التويانى افضل عشان سمعت ان الصينى بسيح بس كنت عاوز اعرف حد فى الحرفين كويس يفتحلى مكانهم فى الاكصدام عشان مش مفتوح مكانهم وايه الى هحتاجه تانى عشان تشتغل يعنى سلك او اى توصيله مثلا وكنت عاوز اعرف تكلفه الحاجه يعنى مثلا الى هيقطع الفبر هياخد كام والكهربائى الى هيوصل هياخد كام وكده يعنى وليه لمض معينه ولا اى لمض عشان انا جبت لمض كده ب 35 جنيه

**mem** · 06-05-2013 06:31 PM

المشاركة الأصلية كتبت بواسطة hamdy916

انا اشتريت فوجات النهارده تيوانى عاملين 300 والصينى عملين 200 انا قولت اكيد التويانى افضل عشان سمعت ان الصينى بسيح بس كنت عاوز اعرف حد فى الحرفين كويس يفتحلى مكانهم فى الاكصدام عشان مش مفتوح مكانهم وايه الى هحتاجه تانى عشان تشتغل يعنى سلك او اى توصيله مثلا وكنت عاوز اعرف تكلفه الحاجه يعنى مثلا الى هيقطع الفبر هياخد كام والكهربائى الى هيوصل هياخد كام وكده يعنى وليه لمض معينه ولا اى لمض عشان انا جبت لمض كده ب 35 جنيه

اولا مبروك الفوجات
ثانيا انا الصراحه معرفش حد بس هو مش هياخد اكتر من 60 او 70 ان ما كنش اقل
وبالنسبه للاسلاك الكهربائى هو اللى هيحدد والفوجات وريها لاى حد بتاع اكسسوار هيعرف اللمض ايه المناسبه
لان فيه انواع كتيير والكهربائى قول بردك 40 الى 50 جنيه مصناعيه
يعنى قول الموضوع كله تقريبا لا يتعدى بالسلك 150

**hamdy916** · 06-05-2013 07:19 PM

طيب يا ريت لو حد يعرف اى حد بتاع فبر عشان اروحله ضرورى ويكون كويس عشان هيفك الاكصدام ويقطع وعلى فكره انا جبت الفوجات تيوانى من عند واحد تانى ب 220 وكنت عاوز اعرف هى الفوجات مين الى هيركبها بتاع الفبر ولا الكهربائى يعنى ينفع بتاع الفبر يقطع ويركب الاكصدام وبعدين اروح انا لكهربائى يركب الفوجات ولا لاء ؟؟؟

**فادى محمد** · 06-05-2013 08:30 PM

هتحتاج تغير زرار النور اللي فوق ركبتك الشمال
هتجيبه استيراد ب120ج فيه زرار الفوجات وطبعا الكتاوت جواه
مش هتحتاج تركب كتاوت خارجي
كهربائي هو اللي هيوصل الفوجات وفيشهم موجوده ورا الاكصدام
اهم حاجه تروح لبتاع فايبر نظيف ومتقن عمله لاني نادر لما بلاقي
فوجات متسقطه في اكصدام وتعجبني ,ربنا يوفقك

**hamdy916** · 07-05-2013 02:10 PM

ياريت لو حد عنده حد ضرورى عشان عاوز اروح النهارده اعمل الاكصدام وكنت عاوز اسئل هو الفول اويل الى بيتحط معا الزيت بيتباع فين عشان مش لاقيه

**hamdy916** · 12-05-2013 03:11 PM

انا الحمد لله روحت عملت موضوع الشبورة ده وقولت اقولك على التكلفه عشان الاستفاده
1- فنوسين شبوره تيوانى ب 300 جنيه بالوش عشان دول الشكل االجديد الى بيبقى بان منهم بس عدسه صغيره مش كل الفانوس
2-تكلفة خرم الاكصدام مكان الفوانيس وتظبيط الاكصدام 100 جنيه
3-الكهربائى الى وصل الفوانيس 30 جنيه
4- 2لميه للفوانيس الواحده ب 15 جنيه

يبقى كده الموضوع كله كلف 460 ولو حد محتاج مساعده انى اقوله على الناس انا فى الخدمه