الموضوع: سؤالين مهمين اولا صني الشكل القديم ام الجديد ثانيا الثبات و الميزان

المشاركة الأصلية كتبت بواسطة miceg

رأيك يفتقد الحيادية يادكتور محمد
وتتحدث عن السيارة من خلال وجهة نظرك فقط
والأولوية هو أعطاء السلبيات وةالايجابيات لكلا السيارتين والعضو المحترم يختار حسب استخدامه ووجهة نظره هو فقط

يا عزيزي .. هل اللي أنا قلته بخصوص إن الشكل القديم بينزل منه ال Ex saloon وانه بينزل من غير ال Abs صح ولا خطأ ؟؟؟

ثم إن عمود الاتزان موجود فعلا في النيو صني أمامي وخلفي .. وخد بالك أنا مقلتش إنه مش موجود في الشكل القديم يعني مقارنتش أصلا بينهم

غير كده أنا متكلمتش عن الشكل القديم خالص أنا قلت إن النيو صني السوبر صالون شكلها أحلى من ال ex saloon عشان الاسبويلر بيخلي شكلها من ورا أحلى وكمان شكل التابلوه في السوبر صالون أحلى من ال Ex saloon .. يعني أنا كل كلامي كان على النيو صني

ثم فعلا مشاكل الدفعات الأولى تم حلها سواء صاجة التيل الخلفي أو التزييق أو تيل الفرامل السيء

يعني خلاصة الموضوع أنا مقلتش أي عيوب في الشكل القديم ولا حتى في الشكل الجديد ولا شكرت في الشكل القديم ومجرد إني قلت العربية ممتازة جدا بقى رأيي غير حيادي ووجهة نظر متحيزة ؟؟؟؟؟؟

واضح ان انت اللي متحيز لعربيتك وحساس قوي لأي كلام كويس عن النيو صني أو أي عربية تانية

عموما أنا بفترض ان أخونا محمد أيمن هيدور في مواضيع القسم عن مشاكل النيو صني ف حبيت اطمنه ان معظم المشاكل دي اتحلت

ويا ريت حد يحضرنا يقول أنا المشاركة بتاعتي أصلا كان فيها أي تحيز ولا مجرد بقول رأيي في عربية جربتها وركبتها ومجرد إني قلت معلومة عن عربية تانية ..

ملحوظة أخيرة : لا يمكن لأحد أن يدعي الحياد المطلق .. الفرد هو ابن انحيازاته ولو ادعى عكس ذلك

تحياتي

المشاركة الأصلية كتبت بواسطة miceg

[size=5][color=darkred]


((((بص ياريس
االشكل القديم معايا وهقلك ميزاته وهقولك عيوبه
مميزاته الموتور قوي جدااا والاستايل الكلاسيك مميز جدااا والاتزان والثبات روعة
والله بسوق على سرعات 160 و 170 و 180 ولو نزلت اخري 160
والثبات روعة في الغورز والمنحنيات العادية وليست الصعبة ومقاومة الهواء حاجة تشرف
العربية ماسكة نفسها
كمان ميزة تانية وهي قوة الصاج بتاع العربية وتوافر قطع الغيار .
العيوب من وجهة نظري هو ضيق الكنبة ومعدل إلاستهلاك عالي نسبيا والعفشة ناشفة شويتين
والعيوب تتحول الى إيجابيات في الشكل الجديد والمميزات تتحول أيضا الى سلبيات
يعني شوف انت محتاج إيه من العربية وقرر
انا لو مكانك هشتري الشكل الجديد وهضمن على ألاقل ان السيارة ليست منتشرة في الصعيد مثل القاهرة
والى ان تنتشر معاك 3 سنين على الاقل
ولو هتشتري يفضل تشتري السوبر صالون
بصراحة شكل الاسويلر والجنوط الاسبور تحفة
وربنا يوفقك))

على فكرة انت منحاز زيي بالظبط .. لأني موافق على رأيك ده مليون في ال مية

يا جدعان بقول اللي هيشتري الصني زيو يشتري السوبر صالون ( والله كنت اقصد النيو صني ) ..

وباقي كلامي بعد جملة "ان الشكل القديم بينزل ex saloon ومن غير abs " .. بعد الجملة دي كان كل كلامي عن النيو صني .. أنا بجد مركبتش الصني القديمة ومسوقتهاش ولا جريت بيها .. آه ركبتها مع بعض اصدقائي ومعجبنيش ان الواحد بيبقى قاعد غطسان شوية وقريب من أرضية العربية بس مقدرش احكم عليها .. أنا مجرد قلت معلومة عنها وبعد كدة لكيت عن النيو صني .. أنا عمري ما كنت هشتري نيو صني لو مكانش نزل منها سوبر صالون .. لأني مش طايق شكل ال ex saloon في النيو صني من ورا .. من قدام العربية شكلها مش بطال لكن من ورا وحش بس الاسبويلر عدل شكلها شوية ف عشان كده كان كل هدفي إن الراجل لو هيقرر يجيب النيو صني يشتري السوبر صالون ..

ملحوظة : يا جماعة أنا مكنتش بقارن أصلا بين العربيتين عشان تقولوا اني منحاز ومفيش حيادية في كلامي ..

المشاركة الأصلية كتبت بواسطة flavio_egypt

كل التقدير والتحية لحضرتك رغم اختلافى معك فى إن حضرتك كلامك فعلا بينحاز للنيو صنى بصفة عامة
بس ده شىء طبيعى وحضرتك اكدت كده فى مشاركتك التانية ان اللانسان منا وليد انحيازته وذه طبيعة النفس البشرية
وبسبب كده احب اقول ... انا مش طايق شكل الصنى الجديده :i_angr1[1]: واللى هينقطنى ان التصميم ده جه بعد موديل انتشر انتشار كاسح
معلش انا فعلا منحاز للشكل القديم وده الخلاف الوحيد مع حضرتك
وكل الاحترام والتقدير لحضرتك وجزاك الله خيرا على اسلوبك المحترم فى النقاش

والله يا باشا دي آراء ووجهات نظر وأذواق ..

وفي النهاية الموضوع ده أقل من إننا نختلف عشانه

تحياتي