الموضوع: الافيو ولا البي واي دي اف ثري شاركوني الراي جزاكم الله خيرا

السلام عليكم
بصوا انا قررت اقحمكم في الموضوع اللي قارفني من فتره ده
انا بفكر اقسط وبفكر في عربيتين
العربيه الاولي BYD F3
العربيه التانيه AVEO
طب ايه ايه رايكم يا جماعه ؟
اشتري مين انا هقسط اصلا هدفع 20000 والباقي قسط
مشعارفه
كنت بفضل الاف ثري وخصوصا ان قسطها هيبقى حنين جدا بس مشكلتي ان معنديش اي ضامن
والافيو مش عارفه ليه ريسيل
ويرجع عقلي يقولي اصل العربيه محترمه علي الاف ثري وليه لا والكوري اول مطلع كان عار علي المجتمع زي الصيني
بس اقولكم علي المشكله الحقيقيه اللي بتعوق الاف ثري التوكيل مش حرك كده
اولا مصنعهاش في مصر
ثانيا معيش اي ناحيه تسويقيه ولا ترويجيه فاشلييييييييييييييييييييي ييين طحن في الترويج للمنتج نفسي اغير نظرتهم الاعلاميه
ثالثا سمعتهم سابقاهم في اللادا سمعه منيله بنيله
وقطع الغيار غير متوفره وكل ما اقول لحد عليها يقولي ايه دي قولي الماركه اقولهم يا جماعه اسمها بي واي دي مفيش
طبعا لان الدور الاعلاني والاعلامي مختفي من التوكيل فشل يعني
طب الافيو
بصوا بقه
يعني ليه سمعه في مصر من امتي طبعا اغلي وطبعا هيكهربني في التقسيط بس مش عارفه بصراحه
ارجوكم شاركوني الراي لاني محتاجه اختار صح ده قسط برده لمدة 6 سنين يعني فتره طوييييييييييييييييييييييي يييييله مووووووووووووووووووووت
علي فكره انا همشي في طرق ما يعلم بيها الا ربنا وهستعملها انا وجوزي يعني دوريات حضراتكم يعني مش عاوزه عربيه تتدلع بقه والكلام الفاضي ده لا خدمه شاقه بس جزاكم الله خير ساعدوني واشتركوا معايا في التفكيراه كمان دي اول عربيه لينا