استفسار عن السيتروين Ax

**hero84** · 18-08-2008 02:24 AM

السلام عليكم ورحمة الله

انا ناوى ان شاء الله اشترى عربية Ax وكنت عايز اعرف العربية دى عاملة اية مع الناس اللى ركباها هل اعطالها كتيير؟ هل قكع غيارها متوفرة وبسعر معقول؟ انا بردة سمعت انها تقيلة اوى فى بيعها ومفيش طلب عليها يعنى فى اكيد بيعها حيبقا بخسارة وبالمناسبة اية اسعار المستعمل فيها اليومين دول؟

**ROllY** · 19-08-2008 07:47 PM

العربية دي ممتازه وحمالة أسية ودليل على كده انك تلاقيها ديما تاكسي ، لأنها بتستحمل وبتعيش كويس
انا كنت لسه مسافر بيها ما شاء الله ثابته على الطريق في السرعات العالية ، احسن بكتير من الفيات توكل على الله

**kokyn** · 01-10-2008 04:40 PM

ياحبيبي اسمع الكلام وسيبك منها خليك في المضمون

**elghrory** · 06-10-2008 04:36 AM

على فكرة السيارة ممتازة جدا وعلى فكرة مجحركها هو محرك البيجو 306 بالظبط مفيش اختلاف فى حاجة فيه
وقطع الغيار اسعارها كويسة جدا وهتلاقى الجديد عند واحد اسمة نافع فى شارع دمشق
والميكانيكى وبتاع الإستيراد هتلاقية فى الموقع ده

http://www.sol.net.eg/citroen.htm

**mo7ammad** · 30-11-2008 12:22 AM

بص ياسيدي
أنا معرفش إنت إشتريت وللا لسه...
بس هقولك برضه..

الستروين AX عربية محترمه ونظيفه في ركوبها ومحركها جبار بالنسبه للبودي الخفيف بتاعها وحجمها الصغير...
ومهما هنقول أكتر من كده كفايه إنها عربيه فرنسيه..

أما بالنسبه لقطع الغيار فهي نادره وغاليه، ولكن فيه بعض الحاجات المتوفره (بس مش كتير) زي الفوانيس مثلا...

ولو إنت هتشتريها لإستعمالك الشخصي، يعني هتحافظ عليها، وهتلاقيها حلوه معاك، ومش هتعوز تبيعها، ولكن بالنسبه للكلام إن سوقها واقف ده فعلا نظرا لقطع غيارها الغير متوفره مش أكتر.

وبالتوفيق..