سعر السيتروين اكسارا2 موديل 2005

**t_aboskera** · 13-01-2009 02:21 PM

السلام عليكم يا باشوات السيتروين
انا بشترى سيارة وبدور
محتار بين فخامة وتكنولوجيا الفرنساوى(كليو-اكسارا)
وبين العربيات المتشرة فى السوق المصرى
انا امكنياتى حوالى 55 الف
طبعا كل ما اسال حد من اصحابى يقوللى ابعد عن الرينو والسيتروين
وحضراتكم طبعا عارفين السبب!!!!!!!:k30:
بس انا حابب التكنولوجيا الفرنساوى بكل تفاصيلها وبالاسعار الجميلة فى المستعمل طبعا
يا ريت اسمع نصيحتكم وخصوصا اللى مجربين العربية الاكسارا2
فى واحدة 2005 كاملة اوتماتيك معروضة عليه وممكن تخلص على 55 الف
يا ترىده سعر كويس ولا غالى ولا ايه الاخبار؟؟؟؟؟
يا ترى العربية دى اعطالها كتير؟؟؟فيها مشاكل؟؟
انا طبيب وماعنديش وقت كتير
ياترى اليابانى احسن والكورى ولا اتوكل على الله فى الاكسارا؟؟؟؟

منتظر نصائحكم فى اسرع وقت
وممنون جدا لكم مقدما.....

**civic2009** · 17-01-2009 02:07 PM

بص يا باشا الستروين اكسارا دى عربية تحفة سحب و ثبات فوق الممتاز عيبها الوحيد قطع غيرها غالية ( بس معمرة) و سعر اعادة البيع و حش جدا

انا انصحك لو عايز ستروين اكسارا هات الشكل القديم ( ستروين 1 ) علشان اعطلها اقل خصوصا فى الفتيس الاوتوماتيك و قطع الغيار اصبحت ارخص بكتير و منتشرة جدا