لانسر الخليجى !!

**zacklat** · 18-08-2008 11:59 AM

معلش ياجماعة انا عندى سؤال مكرر انا عارف بس انا دورت ومش عارف اوصل لاجابة ثابته
هو صحيح لانسر الخليجى 1600 اوتوماتيك مفيهوش فرامل abs ,ولا ebd
ولازم له بنزين 95؟
وليه لانسر المصرى مفيهوش هاف سبورت؟

**limo** · 18-08-2008 12:50 PM

لهاف سبورت موجود فى الخليجى بس وفى عربيات فيها abs فى عربيات مفيهاش
اما الكلاسيك الخليجى كله مفهوش فرامل abs الوحيده الى فيها المصرى فقط
التوكيل ليه مبينزلشى هاف سبورت
لان سوق الهاف سبورت ضعيف شويه عن الكلاسيك والسبورت
لان الى عايز عربيه عاديه بيروح للكلاسيك
والى عايز عربيه سبورت بيروح للسبروت الكامله
تقريبا محدش بيفكر فى الهاف سبورت لان ثمنها قريب من السبورت الكامله + ان السبورت الكامله فيها فتحه سقف و كساحات وسى دى وسبيويلر وكل ده ب 5 الاف بس

**zacklat** · 18-08-2008 01:12 PM

طيب اى خليجى اللى فيه abs (كويتى ولا سعودى ولا اماراتى)
انا بشوف فى الاعلانات عربية هاف سبورت (جنوط-كاسيت-عتب-فوج-نياكيل) ب106.500 الف جنية
سئلت عليها قالوا دى خليجى( بس الناس مخوفانى من الخليجى) فسئلت عن السبورت كاملة مصرى لاقيتها ب 120 الف جنية
فطبعا الفرق كبير وانا امكانياتى على قد الهاف سبورت والانسر بيكون شكله حلو لما يكون سبورت

**limo** · 18-08-2008 04:56 PM

انا الهاف سبورت الى شوفتوا فى السوق
1- وده الى معايا 2اير باج - abs - جنوط سبور -عتب جانبى -بدلات نبيكل -فوج لايت -اكر نيكل فوانيس كرستال -دكسيون وعصا فتيس وهاند مكسى بالجلد -كاسيت اصلى
الفرش البيج االبلاسيتك الى شبه الابانوس لونه بنى (ده كويتى )
2-ده مع واحد صاحبى 2007 زى كمايات بتاعتى بس 1 اير باج ومنغير abs فوانيس حمراء -بدون بدالات نيكل - فى الون البيج البلاسيتيك الى شبه الابانوس لونه اسود وتقريبا ادرنى
3-شوفت عربيه البياع قالى انها سعودى وكانت كانت زى السبورت بالضبط بس كانت ناقصه عنها
1 للراكب الامامى - فرامل abs كساحات اماميه وخلفيه -فتحه سقف -الطاره والفتيس مش جلد -سى دى -اكر نيكل -البدالين النيكل

4-فى عربيه كلاسيك بجنوط فقط
دول تقريبا الثلاث فئات الهاف سبورت الى شوفتهم فى السوق
نصحتى ليك جيب نمره 1 الى هيه زى بتاعتى وضيف ليها اسبويلر وهيبقى شكلها زى السبورت

حكايه البنزين ال95 فده صحيحه بس انا بحط 92 وشغال معايا كويس جدا
فى الكتاللوج كاتبين انه يمكن استخدام ال 91 فى حاله عدم تواجد ال 95 بس اداء العربيه هيقل شويه
بينى وبينك انا حاسس ان كل ده كلام دعايا