افضل قرار .... برجاء المساعدة

**remongamil** · 08-05-2013 01:13 PM

انا بقالي حوالي شهر بظبط نفسي علي شراء عربيه جديدة بالتقسيط وبالتحديد جيلي ايميجراند ( غبور ) , وبصراحه التردد والحيرة هما سبب كل هذا الوقت لاتخاذ القرار بسبب موضوع القسط خاصه هذه الايام ( مع العلم اني حابب الزيرو ) ... وزاد من حيرتي الان قدامي عربيه شيفروليه لانوس 2009 بحاله ممتازة ( تبع واحد قريبي اول يد من الزيرو ) حاله الفابريكه بجد

انا محتار جدا جدا بين رغبتي في امتلاك عربيه زيرو انا اول واحد اركبها وخاصه العربيه ايميجراند بكل فخامتها وكماليتها ( لكن القسط ) وبين لانوس مضمونه وشعبيه وتوفر القسط ..... برجاء المساعدة كل واحد يقولي رائيه لو كان مكاني وفي النهايه رائي الاغلبيه هيساعدني في اتخاذ القرار ه

**moumen_hs** · 08-05-2013 01:46 PM

أنصحك لو بدور على القسط خد عربية تكون بقالها فترة موجودة فى مصر بلاش الى لسة نازل علشان هتتبهدل فى قطع الغيار فى التوكيل وطبعا دة بالاضافة الى القسط أنما الى موجودة بقالها فترة قطع الغيار موجود فى التوكيل وبرة والسعر هيفرق لصالحك ودية نصيحة وربنا يوفقك - الما اللانوس عربية موجودة وعادية جدا عن تجربة 3 سنين وقطع غيار مرمية بالعبيط فى كل حتة بس عبها مش قوية قوى والتكيف مش جامد فى الحر المصرى الحالى أنما سيارة معقولة

**مهند-النجار** · 08-05-2013 02:10 PM

لو انا مكانك واتوفرلي الخيارين

كنت اختار الانوس وبلاش قسط بالاضافه ان الانوس متجربة عن الايمجراند

**المنسي** · 08-05-2013 02:21 PM

اعمل استخارة وربنا يوفقك لما فيه الخير ليك

**mhkorayem** · 08-05-2013 03:09 PM

الجديد افضل طبعاً
لكن مش في الحاله بتاعتك لانك بتفكر في امجراند 7 ودي عربيه مش متجربه وهتجرب في نفسك وانت وحظك (ريسك يعني ويا تصيب يا تخيب وده مش صح بالذات لو كنت تعبان في الفلوس ومش كل يومين هتغير عربيه)
لو ضامن حاله الانوس توكل على الله وارحم نفسك من الاقساط
لو قلقان من مشاكل المستعمل دور على حاجه جديده بس تكون متجربه والناس عارفه انها كويسه
ومبروك عليك مقدماً ان شاء الله

**remongamil** · 08-05-2013 03:32 PM

بشكر كل الاخوة الافاضل من شرفوني في الموضوع وشاركوني في اتخاذ القرار .... شكرا جزيلا

انا شايف لحد دلوقت من المشاركات هيكون التاييد لصالح شراء اللانوس علي قد الفلوس مع توفير موضوع القسط

هل من اراء اخري ؟؟؟؟