محتاج حد بيفهم في كهرباء المنازل

**khaled_sabry** · 08-05-2013 02:49 PM

اقولك على موضوع ممكن مايبقاش حاصل معاك
بس اهه اقولهولك و السلام
انا قريت على الفيس بوك بوست لواحد برضه كان بيدفع مبالغ عاليه (فى حدود 300 او 400) كل شهر
المهم مره حب يدفع الكهرباء من خلال خدمة فورى - طلع عليه 70 جنيه بس - ازاى ياعم ده انا كل شهر بدفع من 300 الى 400
المهم عرف بعد كده ان المحصل نفسه بيطبعله فواتير وهميه بمبالغ عاليه و يحاسبو عليها و الوصل الاصلى يبقى حاطه فى جيبه
و يحاسب شركة الكهرباء على الفاتوره الاصليه و يضرب الفرق فى جيبه

فجرب مره تدفع من خدمة فورى دى و شوف هل فيه فرق كبير عن اللى انتا متعود تدفعه
جرب فى شهر كده مش حتخسر حاجه لأنى مش مقتنع بصراحه انه فيه شقه تستهلك كهرباء بما يعادل 700 جنيه حتى لو كانت 3 فايز ( شقة والدى كانت 3 فايز و كان اقصى فاتوره بيدفعها 200 او 300 بالكتير وده لما كان بيشغل تكيفين كل يوم )

**أشرف العدوي** · 08-05-2013 03:36 PM

هو للأسف لما بنينا العمارة في ناس مش مصريين اشتروا شقق و كل واحد بسم الله ما شاء الله مركب 6 تكييفات
فعملنا العمارة كلها 3 فاز ماعدا السلم

الي جه كشف على العداد هو الي قالي على موضوع فرق السعر
لكن لما روحت الكهرباء انهاردة قالولي سعر الكيلو ثابت
انا في حيرة بصراحة

المهم اخر ما توصلت اليه
في فني في شركة كهرباء القاهرة ( انا مش تابع ليها ) كنت بتكلم معاه
فقالي العداد ممكن يكون التروس الي فيه نعمت و بيلف بسرعة و هو عندهم واحد في الشركة بيصلحهم و بياخد 100 جنيه و بيرجع العداد كأنه لسه متصنع
و الموضوع ده قانوني و مافيهوش ضرر و ميعتبرش سرقة خالص
لانه كان عرض عليان اني اخرج التكييف بره العداد بس طبعاً حرام لانها سرقة ( انا بتسرق فعلاً بس مسرقش )
فقالي على الراجل ده

أيه رايكو
و قالي كمان ابعد عن العداد الديجيتال لانه لو بايظ مش هتعرف انه بايظ غير العداد التاني زي الي عندي الي هو بتروس

ايه رايكوا اتكل على الله و اجيب الراجل ده يصلح التروس و لا اغيره بواحد فاز ديجيتال

و هل فعلاً في شركة الكهرباء ان سعر الكيلو ثابت في الواحد فاز و الـ 3 فاز
مع ان ده عكس الي قالهولي الفني الي جه يكشف

**Ahmed_Adham** · 08-05-2013 04:34 PM

المشاركة الأصلية كتبت بواسطة أشرف العدوي

هو للأسف لما بنينا العمارة في ناس مش مصريين اشتروا شقق و كل واحد بسم الله ما شاء الله مركب 6 تكييفات
فعملنا العمارة كلها 3 فاز ماعدا السلم

الي جه كشف على العداد هو الي قالي على موضوع فرق السعر
لكن لما روحت الكهرباء انهاردة قالولي سعر الكيلو ثابت
انا في حيرة بصراحة

المهم اخر ما توصلت اليه
في فني في شركة كهرباء القاهرة ( انا مش تابع ليها ) كنت بتكلم معاه
فقالي العداد ممكن يكون التروس الي فيه نعمت و بيلف بسرعة و هو عندهم واحد في الشركة بيصلحهم و بياخد 100 جنيه و بيرجع العداد كأنه لسه متصنع
و الموضوع ده قانوني و مافيهوش ضرر و ميعتبرش سرقة خالص
لانه كان عرض عليان اني اخرج التكييف بره العداد بس طبعاً حرام لانها سرقة ( انا بتسرق فعلاً بس مسرقش )
فقالي على الراجل ده

أيه رايكو
و قالي كمان ابعد عن العداد الديجيتال لانه لو بايظ مش هتعرف انه بايظ غير العداد التاني زي الي عندي الي هو بتروس

ايه رايكوا اتكل على الله و اجيب الراجل ده يصلح التروس و لا اغيره بواحد فاز ديجيتال

و هل فعلاً في شركة الكهرباء ان سعر الكيلو ثابت في الواحد فاز و الـ 3 فاز
مع ان ده عكس الي قالهولي الفني الي جه يكشف

يا أستاذ أشرف انت ممكن يكون عندك 5 مكيفات على عداد واحد فاز عادي مادام مش كلهم بيشتغلو مع بعض. أنا بشغل 2 تكييف مع بعض ومعاهم تلاجتين كبار والغساله الاوتو كمان وده كله على عداد واحد فاز الاليكتروني. بس خد بالك مش كل العدادات الواحد فاز زي بعض عشان الامبير. العدادات اللي موجوده دلوقتي 80 أمبير فاز واحد ودي حملها قوي وبتشيل كل أجهزه البيت بما فيها المكيفات.

اتكل على الله وجيب العداد الديجيتال ال 80 امبير بس قبل ما تعمل كده قارن بين القراءه الحاليه في أخر ايصال مع القراءه الحاليه في العداد وشوف الرقمين الفرق بينهم أد ايه. الفرق ده في الطبيعي بيكون بحد أقصى استهلاك شهر لكن لو القرايه في الايصال أكبر من الواقع يبقى انت كده بتتسرق.

**أشرف العدوي** · 08-05-2013 05:18 PM

طيب انا لما أروح هقولكم على استهلاك أخر شهر كام كيلو بالظبط علشان الوصولات مش معايا دلوقتي

**ghostmido** · 09-05-2013 03:13 PM

انا ماعنديش خبرة كبيرة فى موضوع كهرباء الحكومة بس اعرف انها فيها حوارات كتير....
من محصل الى عداد بايظ الى حاجات كتير....
بس انا هاقولك على كام حاجة...
1-انا بشطب شقتى الجديدة فى اكتوبر وكنت عايز اعمل البيت كله 3 فاز لكن الكهربائى حسبلى الاحمال فى كل شقة وقالى انه على الاحمال بتاعتى مش محتاجة 3 فاز قولتقه اعمله واخليه للزمن يمكن احتاجه فى يوم من الايام قالى ان 3 فاز بيتحاسب عليه تجارى....(ومتهبالى كلامه ممكن يكون اقرب للواقع)
2-حاول تحسب متوسط استهلاكك كل شهر من الفاتورة وقارنها باستهلاك حد من جيرانك بس مايكونش 3 فاز..
3-حاول تروح تدفع انت الفاتورة اللى جاية فى المصلحة او فورى...
ربنا معاك

**mohamed_selim** · 09-05-2013 03:21 PM

ال 3 فاز سعره زى سعر الفازه الواحده ... اى كلام غير كده فتى

**Abo Yasso** · 09-05-2013 04:30 PM

غير العداد بس خليه زى ما هو 3 فاز
خلى بالك ان التكيف 3 حصان وده فى سحب الكهرباء مش زى ال 1.5 حتى لو اتنين
ربنا يكرم وتوصل للصح

**أشرف العدوي** · 09-05-2013 09:48 PM

يبقى كدة انا خلاص خدت قرار هجيب الراجل ده يصلحه و اجربه شهرين لقيت العملية لسة منيلة هغيره
و ان شاء الله هقولكم حصل ايه بعد التصليح

و شكراً ليكم جميعًاً و الله فعلاً الواحد هنا بيبقى حاسس انه وسط اخواته

الموضوع: محتاج حد بيفهم في كهرباء المنازل

LinkBack

أدوات الموضوع

عرض

-

-

-

-

-

-

-

المواضيع المتشابهه

اللى يعرف فى كهرباء المنازل يدخل

محتاج سمكرى شاطر بيفهم فى شغل اللوجان

محتاج أستشارة من حد بيفهم في البناء و المعمار

محتاج اجابه من حد بيفهم

محتاج كهربائي بيفهم يا رجالة

الكلمات الدلالية لهذا الموضوع

المفضلات

المفضلات

ضوابط المشاركة