الموضوع: الانسر الشارك فيها مواصفات مزعلانى بالمقارنه بالبومه!!!!

اولا انا مقتنع ان الانسر الشارك مصلحين فيها عيوب كانت فى البومه زى ان فراملها افضل و الباور كهربا و الثبات بيقولوا انه افضل بس بصراحه مجربتهاش وده غير عازل الصوت اللى فى الموديلات Gls فقط و مش عارف ليه معمموش العزل فى كل الموديلات و خلوه مواصفه استاندرد عشان يصلحوا الانطباع السيئ للعزل بتاع الانسر عند الناس مع العلم ان العربيه مش رخيصه (انا معايا بومه 1600).....

اولا: ليه متنزلش 1600 Mivec عشان نحس فعلا انه بقه اقوى؟؟؟؟!!!!!

ثانيا: ليه الاتوماتك مش Cvt زى البومه ال1600؟؟؟؟!!!!!!

ُثالثا: ليه ما فيهاش عمود اتزان فى العفشه الخلفيه زى البومه ال1600؟؟؟؟!!!!

رابعا: ليه الكاسيت بتاعها ما دام بيشغل اسطوانات Mp3 ميسمحليش احط فلاشه Usb عليها فايلات الmp3 ؟؟؟؟!!!!!!

خامسا: ليه مافيهاش مثبت سرعه رغم وجود كمبيوتر الرحلات و جميع الامكانيات المتطوره اللى فيها؟؟؟؟!!!!!

سادسا: ليه متسوبيشى عموما نادرا ما بتلجأ لان الفرامل الخلفيه تكون ديسكات و دايما بتنزل طنابير حله؟؟؟!!!!! انا عن نفسى بحب الدسكات ورا عشان مش بتحتاج تترجلش و بتبقه مضبوطه اكتر؟؟؟!!!!!!

لو الحاجات ده موجوده فيها كنت هحس فعلا انها تستاهل فرق السعر ده كله بينها و بين البومه وعلى فكره يا جماعه كل ده موجود بس فى الشارك 2000 سىسى .....يعنى من الاخر كده الشارك اللى هما جايبنها ده عباره عن التحديث بتاع البومه ال1300 سىسى و ليست ال1600 سىسى و كلنا عارفين ان البومه ال1600 سىسى اعلى من ال1300 مش بس فى فرق الموتور بس ف حاجات تانيه كمان زى الفتيس الcvt و العفشه و الجنوط و الاستبليزر بار الخلفى ........!!!!!!!