الموضوع: مقارنة بين موديلات الفيات 128

المشاركة الأصلية كتبت بواسطة aw2100

صراحة انا مابحبش اشترى عربية متدلعه ومتوضبه احب اشترى عربية فابريكة مارشتش علشان ال 128 عربية الدوكو بيدارى حاجات كتير ودى مرشوشه لونين ومعدل فى الفوانيس خلفى بمعنى معمول شغل سمكرة فيها انصحك تشوف عربية على الفبريكة حتى لو مبهدلة شوية بس تبقى عارف اساسها اية ؟؟؟؟
العربية دى مترخصة لونين ؟؟

بص ياباشا هيا ازواق يعنى انا والدى برضو مبيحبش التزويق والدلع فى العربيات
بس انا حتى لو اشتريت واحدة فابريكة مفيهاش اي لعب هظبط انا من الاول واغير واصرف على كل اللى انت شايفه فى العربية ده فا الراجل كدة وفر عليا نص المشوار واكمله انا بقى - بالنسبة للرخصة فا هيه منتهية وهو قالى ملكش انت دعوة بالرخصة دى بتاعتى انا هجددهالك وادفع الضرائب والمخالفات ويسلمهالى اما نقل الملكية ده على حسابى بقى متهيألى .
بالنسبة لأساس العربية فا الراجل صاحبها ده جارى وساكن فى منطقتى وانا عارف اساس العربية دى تمام وبصيت عليها ومفيهاش غلطة ولا بارومة حتى بس هوا رشها جديد برة وجوة نظافة عشان يخلي العربية كلها لون واحد ميبقاش العربية من برة لون ومن جوة لون تانى رغم ان رش الدواخل ده غلط بيقلل من ثمن العربية بس بالنسبالى انى عارف اساسها تمام عشان كدة معلقتش .
وشكرا ياباشا على مرورك

لازم حضرتك تكشف على العربيه بمعرفه سمكرى امين و ميكانيكى امين يقولولك حالتها ايه اولا و بعدين تقرر تشترى لان شكل العربيه من بره او شكل الصالون مش كل حاجه فى العربيه (دى قاعده عامه فى شراء العربيات المستعمله)

لو فيها مشكله فى السمكره ( لحامات زياده فى الشاسيه او الحوض او الشاسيه معووج او فيها بارومة او عامله حادثه مثلا و مغيره نص او سقف او اى حاجه من دى) ابعد عنها .. لو العفشة و الصاج و هيكل السياره سليم ندخل على الميكانيكا .. لو فيها مشكله فى الميكانيكا يمكن حلها بسهوله بتكلفه قليلة اشترى لكن لو فيها مشكله عايزه عمرة او الفتيس بايظ او الفرامل فيها مشكله ابعد عنها ..

لو العربيه سليمه و حالتها كويسه توكل على الله و اشترى و مبروك مقدماً

مبروك مقدما بس السعر كده غالى اوى يعنى يعنى علشان مركب كساحات وحاطت شاشه ب 150 وعدادات ب 150 يعلى كده تانى حاجه لمه تيجى تفحص مش هيوافقو علشان موضوع الكسحات دى

المشاركة الأصلية كتبت بواسطة مواطن مصرى

لازم حضرتك تكشف على العربيه بمعرفه سمكرى امين و ميكانيكى امين يقولولك حالتها ايه اولا و بعدين تقرر تشترى لان شكل العربيه من بره او شكل الصالون مش كل حاجه فى العربيه (دى قاعده عامه فى شراء العربيات المستعمله)

لو فيها مشكله فى السمكره ( لحامات زياده فى الشاسيه او الحوض او الشاسيه معووج او فيها بارومة او عامله حادثه مثلا و مغيره نص او سقف او اى حاجه من دى) ابعد عنها .. لو العفشة و الصاج و هيكل السياره سليم ندخل على الميكانيكا .. لو فيها مشكله فى الميكانيكا يمكن حلها بسهوله بتكلفه قليلة اشترى لكن لو فيها مشكله عايزه عمرة او الفتيس بايظ او الفرامل فيها مشكله ابعد عنها ..

لو العربيه سليمه و حالتها كويسه توكل على الله و اشترى و مبروك مقدماً

شكراً ياباشا عالمعلومات دى انا فعلا هكشف عليها فى بنزينه بالكمبيوتر اينعم الكشف عليا ممكن يوصل من 50 ل 70 جنيه بس اهو نعرف الحالة بتاعتها برضو وحالة الموتور

المشاركة الأصلية كتبت بواسطة ahmed air

مبروك مقدما بس السعر كده غالى اوى يعنى يعنى علشان مركب كساحات وحاطت شاشه ب 150 وعدادات ب 150 يعلى كده تانى حاجه لمه تيجى تفحص مش هيوافقو علشان موضوع الكسحات دى

شكرا ياباشا عالرد بس هوا حضرتك متأكد من موضوع الفحص ده انهم مش هيوافقوا ؟؟؟ طب والحل ايه الكساحة دى متهيألى ملحومة فى البودى بتاع العربية

وكمان صحيح هوا موضوع الفحص ده لو انا مركب كساحات وتابلوه كورسا و جنوط سبور وسبويلر بمعنى انى مغير حاجات فى العربية كتير فى الفحص هيبقى فى مشاكل فى المواضيع دى ؟؟؟؟؟ وهل ليها حل

كمان خد بالك اى حد غاوى التعديل ويشوف العربيه دى هيقول الله جميله اوى تقولو تشتريها يقولك لا انا اجيبها على ابوها واظبطها انا بأيدى لان دى الله اعلم وملعوب فيها