الفرق فى خامة الصاج والتقفيل ازا كان تقفيل ايطالى ولا مصرى ؟؟
رقم العضوية : 136469
تاريخ التسجيل : 13Mar2013
المشاركات : 1,101
النوع : ذكر
الاقامة : فـــى قـــلـــب الحــــدث
السيارة: نصر 128
السيارة[2]: فيات ريتمو 65
دراجة بخارية: مبعرفش اسوقها
الحالة :
بسم الله الرحمن الرحيم
السلام عليكم ورحمة الله وبراكاته
كان عندى استفسار صغير كده !!!
كنت بفكر اشترى عربية على قد الامكانيات يعنى وقدامى كذا حاجة
128 موديل سبعينات معدل
128 موديل ثمانينات
128 نوفا موديل تسعينات والفينات
والمشكلة ان كل الموديلات دى اللى بقابلها بتبقى حالتها زى الفل والمشكله ان السعر كله قريب من بعضه
بس فى ناس بتقولى ان موديل الثمانينات افضل من النوفا !! مش عارف ليه ؟؟ وفى ناس بتقول ان موديلات السبعينات افضل !!! مش فاهم ازاى يعنى مثلا عربية 128 نوفا موديل 1998 عاملة 20000 وواحدة تانية زيها بس موديل 1986 عاملة 18000 والاتنين زى الفل مش محتاجين اى مصاريف خالص !!! يبقى انهى الأحسن ؟؟ ونفس الموضوع بالنسبة لموديلات السبعينات بتبدأ من 10000 لحد 16000 حالتهم ممتازة
أرجو الرد من السادة الأعضاء زوى الخبرة وشكراً
أ / سامح
رقم العضوية : 130473
تاريخ التسجيل : 21Oct2012
المشاركات : 2,922
النوع : ذكر
الاقامة : الأسكندرية
السيارة: كانت 128 زستافا
السيارة[2]: فليشيا كومبى 1997
الحالة :
الفرق فى خامة الصاج والتقفيل ازا كان تقفيل ايطالى ولا مصرى ؟؟
رقم العضوية : 141962
تاريخ التسجيل : 28Apr2013
المشاركات : 256
النوع : ذكر
الاقامة : القاهرة
السيارة: سوزوكى
السيارة[2]: 131
دراجة بخارية: لا
الحالة :
رقم العضوية : 87652
تاريخ التسجيل : 06Feb2011
المشاركات : 1,232
النوع : ذكر
الاقامة : 7elwan
السيارة: Hyundai Elantra 2004 Manual
السيارة[2]: Hyundai Getz 2006 Manual
دراجة بخارية: لا
الحالة :
يا جماعة ايطالى ايه و مصرى ايه بس دى عربيات مفيش مسمار متغيرش فيها الكلام ده لما تكون عربية جديدة وفيه منها بلاد مختلفه تفاضل بنهم شوف الحالة و هى الفيصل
رقم العضوية : 1881
تاريخ التسجيل : 23Aug2007
المشاركات : 582
النوع : ذكر
الاقامة : CAIRO
السيارة: ميكروباص الترامكو
السيارة[2]: Fiat REGATA 85s - 1989
دراجة بخارية: لا يوجد
الحالة :
ابعد عن موديلات السبعينيات (معدل او عاده او بالكاتشاب) .. مفيش عربيه شغاله بقالها 40 سنه بحاله كويسه و صاحبها هايبيعها ..
ابعد عن موديلات بعد 2000 لان المكونات بتاعتها يوغوسلافى على مصرى و التقفيل كان زباله و مشاكلها كثير قوى و كمان هتلاقى سعرها غالى
لو عايز 128 دور على عربيه موديلات من 1988 حتى 1992 اللى هيه gls بموتور 1300 دى احسن عربيات نزلت فى الـ 128 .. او موديلات ما قبل 1988 بس يشترط الحاله الجيده .. و ركز فى كلمه الحاله الجيده لانك ممكن تجيب عربيه 128 بـ 10 الاف جنيه بس بس هاتدفع قدهم تصليح فيها ..
اللهم ارزقنا علم آدم وعمر نوح وحلم إبراهيم و طاعة إسماعيل وبشرى يعقوب وجمال يوسف
وقوة موسى وبلاغة هارون و ملك داوود وغنى سليمان وصبر أيوب و سماحة عيسى
وشفاعة حبيبك محمد (صلى الله عليه و سلم)
رقم العضوية : 136469
تاريخ التسجيل : 13Mar2013
المشاركات : 1,101
النوع : ذكر
الاقامة : فـــى قـــلـــب الحــــدث
السيارة: نصر 128
السيارة[2]: فيات ريتمو 65
دراجة بخارية: مبعرفش اسوقها
الحالة :
شكراً ياجماعة عالردود الحلوة دى بس برضو عاوز افهم حاجة يا أستاذ ( مواطن مصرى ) ؟
موديلات من 1988 حتى 1992 اللى هيه gls بموتور 1300 دى احسن عربيات نزلت فى الـ 128
يعنى ايه GLS وكمان يعنى اللى بعد موديل 1992 مش حلو يعنى موديل 1997 او 1998 مش حلو هيه فيات مش نصر بس مش عارف تقفيل مصرى ولا تقفيل بره !!!
يعنى انا شوفت عربية 128 موديل 1998 مفيهاش غلطة الموتور زى الفل جديد زى ماهوا وفى نفس الوقت المنظر العام للسيارة من بره ومن جوه فابريكة ومترشتش خالص بس مش عارف بقى اذا كان الصاج بتاعها اقوى ولا صاج موديل 1988 ؟؟
رقم العضوية : 1881
تاريخ التسجيل : 23Aug2007
المشاركات : 582
النوع : ذكر
الاقامة : CAIRO
السيارة: ميكروباص الترامكو
السيارة[2]: Fiat REGATA 85s - 1989
دراجة بخارية: لا يوجد
الحالة :
كل السيارات الـ 128 بدءاً من سنه 1980 الى يومنا هذا تقفيل مصرى و ما قبل 1980 كان استيراد من ايطاليا ثم يوغوسلافيا (اللى هيه الزاستافا اللى شنطتها صغيرة و فيه منها موديلات موتورها ورا مش قدام)
صعب جدا ان لم يكن مستحيل تلاقى سياره 128 موديل السبعينيات بحالة جيدة لان لو كانت حالتها كويسه صاحبها هايبيعها ليه دلوقتى بعد 40 سنه
و ممكن جدا تلاقى عربيه موديل السبعينات انتقلت من مشترى لاخر و فى النص تغير فيها كل حاجه ممكن تتخيلها (من اول الصاج و الابواب و الموتور و حتى الكراسى و التابلوه) و فى الحالة دى ابعد عنها فورا لانها تعتبر تجميع الاسطى بليه
نيجى لسؤال حضرتك ..
موديلات 1988 حتى 1992 كانت اول مره تنزل العربيه بموتور 1300 سى سى بدلا من 1100 و اول مره تستخدم فى تجميع العربيه مكونات ايطالى فى الموتور و الميكانيكا بجانب صاج و عفشة يوغوسلافى و تم تغيير شكل العربيه من الداخل (التابلوه و الكراسى و العدادات) و تم اضافه غيار خامس فى الفتيس و كمان تغيير شكل الابواب الاماميه بالغاء الهوايات و تغيير شكل المرايات و تم وضع كاسيت و سماعات فى العربيه (كانت بمقاييس تلك الفترة عربية وااااو بسعر مناسب)
اما كلمه GLS دى اختصار لـ Grand Lux Station و دى معناها سياره فول اوبشن بمعايير الثمانينات (لسه الكلمه مستخدمه من توكيل غبور الى الان فى سيارات الفيرنا و الالنترا لو تلاحظ)
من سنه 1993 و بعد حرب يوغوسلافيا بتاعت البوسنه و الهرسك انقطعت صلة مصر بيوغوسلافيا و تم ايقاف انتاج الـ 128 لمده 3 سنوات حتى عادت سنه 1996 (فى تلك الفترة كنا حولنا على تركيا و انتجنا الدوجان و الشاهين) بمسمى جديد اسموه NOVA تحت اشراف شركه جديدة مشتركه بين شركتى النصر للسيارات و زاستافا اليوغوسلافيه اسموها شركة يوجو مصر و انتجت كمان بجانب الـ 128 سياره اسمها فلوريدا هاتشباك بموتور 1400 سى سى على ما اتذكر لم تلاقى نجاح
النوفا 128 كانت مشهوره بضعف الصاج و العفشة و سوء حالة الفتيس و يقال ان الصاج بتاعها مصرى 100% و تقفيلها كان سيىء جدا جدا و من سنه 2000 تقريبا غيروا شكل الصالون لاخر و اضافوا سنترلوك للعربيه حتى انتهى انتاج الـ 128 فى مصر سنه 2007 او 2008 على ما اذكر ثم تم ايقاف العمل بشركة النصر للسيارات كلياً بعدها بسنه عقب انتهاء عقدها مع شركة توفاس التركية ..
المهم حضرتك سيبك من التفاصيل دى كلها و خليك فى المهم ..
ابعد عن موديلات السبعينات ..
ابعد عن النوفا 128 ما بعد سنه 2000
كده يتبقى امامك :
موديلات من 1980 و حتى 1987 (مصرى ايطالى بموتور 1100 سى سى)
موديلات من 1988 حتى 1992 (GLS بموتور 1300 سى سى )
موديلات 1996 حتى 2000 (النوفا المصرى - يوغوسلافى )
لو لقيت عربيه حالتها كويسه (ميكانيكا - شاسيه - عفشة) توكل على الله و اشترى ..
بس اعمل حسابك انها هاتحتاج فى الاول مصاريف و مفاجآت على ما تتعود عليها ..
و ربنا يوفقك ..
اللهم ارزقنا علم آدم وعمر نوح وحلم إبراهيم و طاعة إسماعيل وبشرى يعقوب وجمال يوسف
وقوة موسى وبلاغة هارون و ملك داوود وغنى سليمان وصبر أيوب و سماحة عيسى
وشفاعة حبيبك محمد (صلى الله عليه و سلم)
رقم العضوية : 136469
تاريخ التسجيل : 13Mar2013
المشاركات : 1,101
النوع : ذكر
الاقامة : فـــى قـــلـــب الحــــدث
السيارة: نصر 128
السيارة[2]: فيات ريتمو 65
دراجة بخارية: مبعرفش اسوقها
الحالة :
شكراً جدا ياباشا بجد مش عارف اقولك ايه انت جبتلى كل المعلومات المفيدة اللى بجد خلتنى فهمت الفروق بين الموديلات واقتنعت جدا بكلام حضرتك ومتشكر بجد لتانى مرة عالمعلومات الجميله دى
رقم العضوية : 136469
تاريخ التسجيل : 13Mar2013
المشاركات : 1,101
النوع : ذكر
الاقامة : فـــى قـــلـــب الحــــدث
السيارة: نصر 128
السيارة[2]: فيات ريتمو 65
دراجة بخارية: مبعرفش اسوقها
الحالة :
أولاً قولولى مبرووك مقدماً عالعربية
اتفقت مع صاحبها خلاص وهنزل يوم الجمعة اللى جاية ان شاء الله استلمها منه - فيات 128 موديل 1988 عاملة 15000 جنيه ( السعر ده كويس ولا لا ) ودى صورها
[shfaf2]http://www13.0zz0.com/2013/05/15/15/654751396.jpg[/shfaf2]
[shfaf2]http://www13.0zz0.com/2013/05/15/15/975472089.jpg[/shfaf2]
[shfaf2]http://www13.0zz0.com/2013/05/15/15/390734762.jpg[/shfaf2]
[shfaf2]http://www13.0zz0.com/2013/05/15/15/559160017.jpg[/shfaf2]
[shfaf2]http://www13.0zz0.com/2013/05/15/15/580321468.jpg[/shfaf2]
[shfaf2]http://www13.0zz0.com/2013/05/15/15/460213639.jpg[/shfaf2]
[shfaf2]http://www13.0zz0.com/2013/05/15/15/563778606.jpg[/shfaf2]
رقم العضوية : 130473
تاريخ التسجيل : 21Oct2012
المشاركات : 2,922
النوع : ذكر
الاقامة : الأسكندرية
السيارة: كانت 128 زستافا
السيارة[2]: فليشيا كومبى 1997
الحالة :
صراحة انا مابحبش اشترى عربية متدلعه ومتوضبه احب اشترى عربية فابريكة مارشتش علشان ال 128 عربية الدوكو بيدارى حاجات كتير ودى مرشوشه لونين ومعدل فى الفوانيس خلفى بمعنى معمول شغل سمكرة فيها انصحك تشوف عربية على الفبريكة حتى لو مبهدلة شوية بس تبقى عارف اساسها اية ؟؟؟؟
العربية دى مترخصة لونين ؟؟
المفضلات