شوية اكسسوارات لل508

**Ahmed.Fahmy** · 11-05-2013 09:08 AM

صباح الخير على الرجالة،

بقالى كتير ما كتبتش حاجة فى المنتدى فقولت اصبح على الناس الجميلة دى واضحك عليكم بعنوان جذاب عشان تدخلوا

وعشان مابقاش بضحك عليكم قوى شوفتلكم شوية حاجات على الebay لل508 جامدة حلوة جدا قولت افرجكم وبردو اللى عنده خبرة فى التسوق من على الانترنت يفيدنا ممكن تدخل البضاعة ازاى من غير الحكومة ما تقبض عليها ونتحبس

ملحوظة: البداعة دى نمرة واحد اكسرا ولو جبناها فى الاول قبل ما تنزل مصر (دا لو نزلت) هنبقى خدنا النديف قبل ما تتهرش على درجة تالتة..

نبتدى بالحاجات اللى انا سخسيا عاوز اجيبها:

عتب داخلى ستانلس عشان كعب المدام اللى مبهدل الباب

New Stainless Door Sill Scuff Plate Guards Sills for Peugeot 308 408 508 3008 | eBay

وراها على طول الmud flaps عشان الطينه اللى بتطرطش على الجنب

Black Brand New Mud Flaps Splash Guards Fit for Peugeot 508 2010 2012 | eBay

ودى دواسات جامده جدا

Genuine Aluminum Fuel Brake Foot Rest at Automatic Pedals Pad Peugeot 508 2012 | eBay

Fit Peugeot 307 308 407 408 508 at Aluminum Foot Rest Fuel Pads Brake Pedal New | eBay

واخيرا اللى انا كنت بدور عليها:

LED Daytime Running Light DRL for 2010 2012 Peugeot 508 with Turn Signals 1 1 | eBay

الحاجات اللى انا مش هشتريها بقى:

اقلام دهان عشان الخرابيش بلون العربية (اللون بتاعى مش موجود)

Peugeot 206 207 307 407 408 508 607 Touch Up Paint Pure Black EXY | eBay

شوية حركات

Chrome Pillar Post Peugeot 508 10 11 12 13 | eBay

عينة كدا من الDVD ومحدش يقوللى بتشتغل على الMultifunction وللا لا عشان ما انتحرش

In Dash GPS Navigation for Peugeot 508 with Bluetooth DVD iPod and GPS Map | eBay

HD Car DVD GPS Navi Radio RDS 8VCDC Headunit Autoradio for Peugeot 508 2009 2013 | eBay

ياللا خبراء التسوق من النت يقولولنا الحاجات دى ايه نظامها جمارك وكدا.....

**Ahmed Amin** · 11-05-2013 12:54 PM

أحمد باشا أخبارك أيه,
أنا مشترتش من علي Ebay قبل كدا, أشتريت من علي أمازون قبل كدا مرتين بس, وكانت حاجات خفيفة وبلاستيك كفر لايفون وايباد.
لأن Ebay في الغالب معظم التجار عليه بيطلبو طريقة الدفع تكون من علي Paypal ومكنش موجود في مصر ولسه داخل من شهر بس ومعرفش الخدمة لسه أيه نظامها هبقي أشوف الموضوع دا, أما أمازون بيقبل فيزا أنترنت عادي.

في واحد هنا كان بيقول أنو بيشتري من علي Ebay علي طول, وإن في حاجات بيكون ليها شحن مجاني, انا كنت راسلته مرة وضح لي شوية حاجات, فممكن حضرتك تراسلة تستفر منه أكتر عن الحاجة اللي أنت عايز تجيبها.
دا لنك بروفايلة.. >> نايل موتورز - NileMotors.net

النواكل اللي في أول مشاركة مكتوب أنهم Free Shipping زي الحاجات اللي كان بيقول عليها العضو اللي بكلمك عنه, وكمان طريقة الدفع اللي الراجل طلبها Paypal بس.

بالنسبة للتسجيل والشراء,
هتدخل علي موقع Paypal وتعمل Register لأكاونت جديد عادي زي أكاونت ال Ebay
وتختار مصر اللي لسه مضافة جديد,, بتربطة في أخر خطوة بحسابك علي ال Ebay.

بعدين الخطوة اللي وقفت عندها ومكنتش فاضي أعملها ومش صعبة, أنك بتكلم البنك عشان يعملك Verify للحساب عشان تقدر تعمل عمليات شراء. وبيتخصم مبلغ كدا زي تأمين مش فاكر كمان.

المفروض أن النواكل والحاجات البلاستيك مش عليها جمارك ولا هتقف بأي شكل من الأشكال ف الطريق لا جمارك ولا حكومة,
بس شاشة ال Navigation هيا اللي ممكن يدفع عليها جمرك بما أنها جهاز الكتروني أو كهربائي..
ولو كانت أصلية لما حضرتك تجيبها أعتقد أنها مش هتكون Plug & Play, هيبقي لازم تروح بيها التوكيل يدخل كودها علي ECU أو العكس, وأنا بخمن ومش بجزم..
عشان وحدة الكاسيت في البيجو عمتاً بتتحكم في كذا وظيفة تانية غير الكاسيت بس,
وكل وحدة بيكون ليها كود غير أي وحدة كاسيت تانية علي حد علمي.

متشحنش مع فيدكس, حرامية حرامية حرامية.
هديك لنك مشاركتي في تجربتي مع الشراء مرتين من موقع أمازون, مرة كان مع البريد المصري وكان زي الفل, ومرة مع فيدكس كانت أسوء من السوء..
http://www.nilemotors.net/Nile/32505...post3874958605

أنا ناوي أعمل Verify للحساب بتاعي قريب وأشتري من Ebay
فالو أشتريت أنت الأول أبقي فيدني بتجربتك,, ولو أشتريت أنا الأول هبقي أقولك عملت أيه

**Ahmed Amin** · 11-05-2013 12:58 PM

وبالنسبة لل LED's
كان في واحدة حلوة شوفتها علي قسم BMW من يومين
http://www.nilemotors.net/Nile/35553...ng-lights.html
مكتوب أنهم بحاولي 1000 جنيه,
هيكونو أرخص لك النص من أنك تشتريهم بالسعر بتاعها اللي علي Ebay
220+70 = 290$

وكمان لو جيه فيهم مشكلة او واحدة مش شغالة, يا هتبقي لبستها, يا هتشحن لهم تاني بتكلفة تانية لو كان التاجر كويس,
فأأمن لك الحاجة الغالية كدا والمتوفرة هنا, تجيبها من مصر.
خصوصا لو دي تنفع تركب عندك خصوصاً إن تركيب الليدات سهلة.

**Ahmed.Fahmy** · 12-05-2013 12:57 AM

المشاركة الأصلية كتبت بواسطة LeitoSR

وبالنسبة لل LED's
كان في واحدة حلوة شوفتها علي قسم BMW من يومين
http://www.nilemotors.net/Nile/35553...ng-lights.html
مكتوب أنهم بحاولي 1000 جنيه,
هيكونو أرخص لك النص من أنك تشتريهم بالسعر بتاعها اللي علي Ebay
220+70 = 290$

وكمان لو جيه فيهم مشكلة او واحدة مش شغالة, يا هتبقي لبستها, يا هتشحن لهم تاني بتكلفة تانية لو كان التاجر كويس,
فأأمن لك الحاجة الغالية كدا والمتوفرة هنا, تجيبها من مصر.
خصوصا لو دي تنفع تركب عندك خصوصاً إن تركيب الليدات سهلة.

باشا اخبارك ايه

انا عاوز بس اقوللك على حاجة فى موضوع الLED دا، هى مش موجوده فى مصر واللى على الEbay هى فوج كامل فيه الLED من جواه يعنى مشوار للتوكيل وهما يفكوا ويركبوا الجديد ودا الجيد فى الموضوع انها مش مجرد صف LED بالعرض كدا وخلاص زى الUniversal وكمان فيها الاشارات كمان والفوج بييجى بلمباته الاوسرام المانى الصنع زى ما مكتوب... بس قلقتنى :))

عموما انا ماليش طولة بال على الكلام دا انى اشحن واستنى وبنك والقصص دى فغالبا لما ارجع مصر ان شاء الله هروح عند حد زى "جو" مثلا واخللى "محمد عثمان" يجيبهالى وهو هناك وخلاص اهو على الاقل يجربها ويطمن.... شكرا على النصيحة

**Ahmed.Fahmy** · 12-05-2013 05:05 PM

المشاركة الأصلية كتبت بواسطة Mohab.Nabil

بالنسبة للـ gps

دا بيبقى بتاع العربية plug & play و هيشتغل عادى على المالتى فنكشن و كل خصائص العربية

و سعره بصراحة حلو و هيفرق معاك جامد فى العربية

شكرا يا مهاب، مش كنت تيجى المقابلة بتاعة ستروين اللى من سنه دى

كنا نتعرف حتى

**Ahmed Amin** · 12-05-2013 06:08 PM

المشاركة الأصلية كتبت بواسطة Ahmed.Fahmy

باشا اخبارك ايه

انا عاوز بس اقوللك على حاجة فى موضوع الLED دا، هى مش موجوده فى مصر واللى على الEbay هى فوج كامل فيه الLED من جواه يعنى مشوار للتوكيل وهما يفكوا ويركبوا الجديد ودا الجيد فى الموضوع انها مش مجرد صف LED بالعرض كدا وخلاص زى الUniversal وكمان فيها الاشارات كمان والفوج بييجى بلمباته الاوسرام المانى الصنع زى ما مكتوب... بس قلقتنى :))

عموما انا ماليش طولة بال على الكلام دا انى اشحن واستنى وبنك والقصص دى فغالبا لما ارجع مصر ان شاء الله هروح عند حد زى "جو" مثلا واخللى "محمد عثمان" يجيبهالى وهو هناك وخلاص اهو على الاقل يجربها ويطمن.... شكرا على النصيحة

الحمدلله تمام.
طبعاً لو اللي عال Ebay فوج كامل بإشارات ومش ليدات بس و بالسعر دا تبقي معقولة.
وممكن تكلم ادفعلي تستفسر منهم بتليفون صغير وتعرف منهم تتكلف كام الحاجة دي شراء وشحن وان شاء الله متكونش تقيلة ولا كتير خصوصا ان النواكل خفيفة.
وقلقتك ليه لس.؟؟
بالنسبة لمحل جو لتاع محمد عثمان منصحكش بالتعامل معاه عشان فيه كلام كتير وحش حواليه.
واتعمل اكتر من تحذير من التعامل معه هنا في المنتدي من ناس مجرباه وانا اعرف ناس شخصياً اتضحك عليهم عندهم في زيوت واكسسوارات كتير.
ممكن تعمل سيرش صغير هنا ف المنتدي او علي جوجل عنه وانت هتشوف الكلام بنفسك.
وبالتوفيق ياباشا في شرا الاكسسوارات دي.

-

-

-

-

الموضوع: شوية اكسسوارات لل508

LinkBack

أدوات الموضوع

عرض

المواضيع المتشابهه

شوية اكسسوارات للصنى الجديدة تجنن

بصـــــــور شوية اكسسوارات تحفه لالنترا 2012

شوية اسعار اكسسوارات من التوكيل

محتاج شوية اكسسوارات للبيتلز

شوية اكسسوارات للياريس ... و محتاج مساعدة من الوحوش

الكلمات الدلالية لهذا الموضوع

المفضلات

المفضلات

ضوابط المشاركة