الموضوع: يا ناس

المشاركة الأصلية كتبت بواسطة bassem.naguib

متفق معاك يا باشا .. ويا ريت حضرتك تبتدي .. أيه المشاكل أو التجارب اللي مريت بيها .. وهل عرفت تحلها ولا فيه عقبات .. يا ريت الكلام يكون عملي مش في المطلق .


معظم السلبيات والايجابيات تم مناقشاتها أكثر من مرة في أكثر من موضوع .. يا ريت لو فيه جديد تضيفه يبقى تمام قوي .. خالص تحياتي .

انا نفسى أعرف انت متفق معاه فى ايه بالضبط ؟؟؟

المفروض انه لو عنده إستفسار عن حاجه يخش يسأل فيها و احنا نجاوبه

لكن هو بيقولك ايه الناس اللى بتتكلم عن تلميع و نظافة التابلوه ده

يعنى لو عملت بحث فى كل الأقسام حتلاقى فيه موضوع عن نظافة التابلوه و الفرش و كده

هى جت عليا أنا و هى جت على القسم ده اللى لو اتكلمنا فى حاجه زى كده تبقى عجبه و تفاهه و مواضيع مش مهمه

يعنى هو حد قلكم ان مالك البى واى دى ده مابيحبش النظافه و لا يهتم بيها و قالب عربيته كارو

العضو ده من ساعت ما دخل و هو بيتريق على مشاركتنا و يسخر منها

مره اتريق على كلام بشمهندس حمدى لما قال عجينة التروس و أى حد أكيد حيفهم من الكلمه ديه انه يقصد بها السبيكه المعدنيه و لكن بلغة الصنايعيه و الميكانيكيه

و مره يخش يعمل موضوع بسؤال ساخر : حد عرف يحل مشكلة الونه , و لما لقانا جاوبناه بجديه و بعمليه حس انه لم يحقق هدفه من السخريه فلم يشارك فل موضوع و لو حتى من باب الشكر أو المعارضه

و مره رد على عرض شركة الأمل بالشتيمه و السباب و لم يكلف نفسه ان يسأل عن تفاصيل عروض الصيف و اتبع منهج الظن السىء من قبل ما يعرف الحقيقه و المنتدى اوقفه , و لو كانت مشاركته موضوعيه لكنت عملتله اعجاب و لكن للأسف

و دلوقتى جى يحددلنا نكتب فى ايه و منكتبش فى ايه و يدينا صفر من عنده كأننا تلاميذ فى فصل و هو المدرس ,, ايه الاسلوب ده

لو فيه موضوع عجبك أوى فى قسم لانوس ,, أسال عن اللى شبهه هنا فى قسم البى واى دى و احنا ننقل لك تجاربنا

فى ناس فل قسم ده عملت 100 الف كم بالعربيه و يسعدها انها تنقل تجاربها بكل حب

طيب ماتورينا مواضيعك و لو بشكل مختصر

مش عجباك العربيه بيعها أحسن ما تقعد تكدر فى نفسك و تخش تكدر الناس معاك

بس أنا أتحداك أمام الكل أهو أتحداك انك مش حتلاقى عربيه فى نفس رينج سعر البى واى دى اف 3 و حتديك اللى حتديهولك الاف 3

ليه بقى

لأن كل واحد مابيشفش مشاكل غير مشاكل عربيته فقط و لكن لو ركبت عربيات تانيه فى نفس السعر حتكتشف انها فيها مشاكل برده و ساعتها حتقول و لا يوم من ايامك يا بى واى دى

حتى الوكيل ,, جرب التعامل مع غبور و لا منصور و أبو الفتوح لا و لا و قولى كده من أحسنهم

و دلوقتى بعد اذنكم حروح اشرب كوباية كركديه عشان ضغطى على