الموضوع: ذهبت للكهربائي عشان يكشف على البطارية والدينامو

رحت النهاردة للكهربائي عشان يشوف الدينامو والبطارية لان البطارية كانت الميه اللى فيها ناقصه
فقلت له عايزك تكشف على الدينامو لاني عايز ازود ميه في البطارية وانا اللى عارفه ان الدينامو لو مشحون كويس يبقى نزود البطارية مياه مقطرة ولو مش مشحون كويس يبقى نزودها مية نار فقال هي العربية بدور الصبح كويس ولا لأ قلت له بتدور من اول تكه للمفتاح قال كويس
هات المفتاح
دور العربية وقال شوف طالما النور اللى في التابلوه بتاع البطارية طفى بعد العربية ما دارت يبقى الدينامو مشحون كويس ولو فضل النور بتاع البطارية شغال يبقى فيه مشكله في الدينامو
المهم
حل البطارية وقال انا هزودها شوية ميه واحطها على - مش فاكر قال ايه بس هو جهاز زي البطارية بس كبير شويه - حطها على الجهاز ده ساعة وحل البطارية وركب البطارية في العربية وشغلت العربية وتمام زي ما هي بتشتغل من اول تكة للمفتاح
المهم الموضوع كلف 20 جنيه ايه رأيكم ؟
وبكره ان شاء الله هقولكم اخبار البطارية ايه

الجهاز اسمه التونجر يستخدم لشحن البطارية

خير الحمدلله مش فارقه
الخمسه جنيه عادوا بيجيبوا كيس شيبسي
وربنا يبارك فيك يا أحمد باشا

المشاركة الأصلية كتبت بواسطة bassem.naguib

ويحطها على التونجر ليه ؟!! هي كانت نايمة ولا مبتدورش العربية ؟!

كنت تزود مية مقطرة وخلاص على كدة .. من غير ما تفك ولا تركب .

لأ يا باشا مكنتش نايمة ولا حاجه دي ماشاء الله العربية كانت بدور من اول تكة للمفتاح وقلت له كده
بس انا فكيت مسامير البطارية لقيت الميه ناقصه في كذا عين فقلت اوديها لكهربائي يظبطها احسن

ببساطة الموضوع كان يخلص زى ما أ/باسم قال لحضرتك .. بيزود مياه مقطرة و البطارية راكبة.
شحن الدينامو بيتقاس بجهاز (تقريبا أسمه فولتميتر) و بيوصله بالبطارية و هى راكبة فى مكانها و يكون الموتور شغال ... و بتشوف قراءة العداد فى حالة الموتور على السلانسيه, و لما تزود بنزين , و أنت مولع النور الواطى و العالى.
و على قراية العداد يقولك هل الدينامو كويس و لا فيه مشكلة.

المشاركة الأصلية كتبت بواسطة ابوجنى2112

احسنت يارامى باشا..الله ينور عليك..

المشاركة الأصلية كتبت بواسطة hany901119

اللهم صلى على النبى كده انا اموت وانا مرتااااااااااااااااح انى سيبت ورايا رجاله بحق وحقيقى


الله ينور ياباشا

عليه أفضل الصلاة و السلام
الله ينور على حضرتكم .. و ربنا يبارك لكم فى صحتكم

المشاركة الأصلية كتبت بواسطة ramy rateb

ببساطة الموضوع كان يخلص زى ما أ/باسم قال لحضرتك .. بيزود مياه مقطرة و البطارية راكبة.
شحن الدينامو بيتقاس بجهاز (تقريبا أسمه فولتميتر) و بيوصله بالبطارية و هى راكبة فى مكانها و يكون الموتور شغال ... و بتشوف قراءة العداد فى حالة الموتور على السلانسيه, و لما تزود بنزين , و أنت مولع النور الواطى و العالى.
و على قراية العداد يقولك هل الدينامو كويس و لا فيه مشكلة.

اللهم صلى على النبى كده انا اموت وانا مرتااااااااااااااااح انى سيبت ورايا رجاله بحق وحقيقى


الله ينور ياباشا