فهمت وجهة نظر حضرتك و زى ما قلت قبل كده حضرتك اكيد ادرى منى فى الموضوع دهاقتباس:
كل الشكر ليك ا. مهاب على ذوقك :)
مع ملاحظه ان خساره الفولفو اكبر كثيرا من البى-ام بحكم ضعف الطلب الشديد ..
و كمثال لك و ذلك عن تجاربى السابقه فى 2006 اشتريت 523 كسر 9 الاف كم موديل نفس السنه ب 410 (و كانت برايس ليست ب 488 و تباع زيرو كاش 465 ) و صديقى اشترى مرسيدس e200 زيرو ب 488 ( لان مرسيدس مابينزلوش جم واحد ! ) ... فى 2009 هو باع ب 370 و انا ب 310 ... و كانوا نفس الحاله فابريقه حوالى 27 الف كم فقط ...
اما بخصوص الفولفو قريب لى .. معجب و متحمس للفولفو زيك كده :) اشترى s60 2010 زيرو ب 235 و طبعا كان طاير من الفرح بيها لانها فعلا عربيه جميله جدا ... و لكن عند قراراه للبيع .. باعها بطلوع الروح بعد سنتين ب 145 الف و لتاجر كمان .... ايضا نفس الموضوع لاودى a4 ...
... هو ده الفارق فى اعاده البيع بين مرسيدس و بى-ام و فولفو/اودى للاسترشاد ...
انا بتكلم على السوق فى مصر و حاله الوكيل و الصيانه و اقتصاديا عند اعاده البيع ... لان مبلغ 300/250 الف جم مش شويه انه يترمى فى عربيه مهما كانت امكانيتها ... و معاناه فى الصيانه و مبالغه فى قطع الغيار و الصدمه الكبرى عند اعاده البيع ... لانه غير طبيعى وضع هذا المبلغ فى اى عربيه مهما كانت و نسيانها 10 سنوات مثلا حت يصبح 70 و لا 80 الف و يكون الزيرو وقتها لنفس العربيه 450 الف مثلا ...
و للعلم كل مداخلاتى و نصائحى بناء على عده تجارب ... و ياما عاندت نفسى و لم اهتم بأراء الاخرين و وضع السوق بيعا/شراء و اشتريت الغريب/النادر بالغالى ( نفس وجهه نظرك الحاليه ) و طبعا ورمت خسائر و حرمت اعمل كده تانى :)
و انا حاليا الى حد ما فى المضمون ... مرسيدس ...
لكن فى اى بلد اخر لو وكيل الفولفو محترم و سعر اعاده بيعها معقول نسبيا مقارنه للبى-ام و المرسيدس ... انا بصفتى عاشق للسيارات اول واحد حشترى ال s80 او الاودى a6 :)
تقبل تحياتى ...
الف شكر على الاهتمام