المنتدى ماله

**OlaOsman** · 19-08-2008 11:52 AM

حكاية كل سنة.. دخول رمضان و محاولة إستعداد الناس إيمانيا لرمضان و تذكير بعضهم و أنفسهم بالذكر و الطاعات.. ييجي إبليس طبعا مش عاجبه.. يقوم يشعلل خناقات و خلافات و يكبر حاجات في دماغ ناس عشان يهاجموا بعض و ما يسكتوش و يتخانقوا وينشغلوا بالخناق عن الاستعداد لرمضان.

ده اللي انا وصلت له بعد حوالي 7 سنوات في المنتديات.. كل سنة ده بيحصل بالحرف.. في الأول ما كنتش باخد في بالي.. انما سنة ورا سنة و بالرجوع لتاريخ الخناقات الكبيرة اللي كانت بتحصل في المنتدى (منتدى تاني بقالي فيه 6 سنين مش نايل موتورز يعني) بالاقي ان تواريخ معظم الخلافات الشديدة يرجع لشهر شعبان.. صدقا والله مش مبالغة، لأ وكمان في محيط اللي اعرفهم بلاقي سوء التفاهم و الخلافات بين الأزواج كمان بتكتير اوي في الوقت ده.. خصوصا بالنسبة للناس اللي فارق معهم دخول شعبان و قرب حلول شهر رمضان.

بس أرجع و أقول مش بالضرورة هو ده السبب الرئيسي للخلافات.. بالتأكيد فيه أسباب تانية و كل حد على خلاف مع حد تاني ربما كانت له أسبابه الوجيهة للخلاف.. بس محتاجين نفطن لحاجة زي دي و ان ممكن يكون وسوسات الشيطان بتوجه ردود أفعالنا اتجاه تاني ممكن ما نكونش من اللي بيتجهوا له لو مش واقعين تحت وسوسة الشيطان.

انا مش باقول اننا واقعين تماما تحت سيطرة الشيطان و بنمشي مسلوبي الإرادة.. احنا بالتأكيد أقوى منه و الله سبحانه و تعالي يقول "إن كيد الشيطان كان ضعيفا".. انما برضه ماننساش اننا بنتعامل مع عدو مافيش وراه غير إثارة العداوة و البغضاء بين المؤمنين و إبعادهم عن الطاعات و واخد عهد على نفسه بكده قدام ربنا.. يعني الشغلانة اللي هو مكرس نفسه ليها دي فول تايم.. ما بيشتغلش شغلانة تانية بعد الظهر مثلا.. ده احنا شغلته و متفرغ لنا تماما

محتاجين بس ناخد بالنا و ما ننساقش ورا انفعالاتنا و نقول في الوقت الصح: أعوذ بالله من الشيطان الرجيم و نستشعر قوتها و نستشعر اوي احنا بنستعيذ بمين.. بنستعيذ بالله جل و على.. ساعتها هانحس أوي أد ايه الشيطان ده ضعيف أوي قدام استعاذتنا بالله.. و كل سنة و انتوا طيبين

**OlaOsman** · 19-08-2008 11:56 AM

المشاركة اللي قبل دي كنت كتبتيها في موضوع منفصل عن احتمال سبب من أسباب الشد اللي حاصل في المنتدى بقاله شوية.. يمكن يكون الشيطان فعلا شادد حيله معانا اليومين دول شويتين.. بس ده برضه ما يمنعش ان جانب كبير من اللي حاصل هو من أنفسنا.

و انت يا كريم ايه اللي يدخلك على المنتدى و انت في أجازتك؟ اما انت أمرك عجيب اوي

**El Prince** · 19-08-2008 12:39 PM

ان شاء الله مايكونش فيه خناقات و لابتنجانات " جمع بتنجان "
الدنيا مش مستاهله يا جماعه
كفاية حرقة الدم فى العالم الواقعى اللى بنشوفها كل يوم
مش مستاهله كمان عصبية فى العالم التخيلى :boxing_smiley:

خليكوا كول
ويجعله عامر

**MM_Mohsen** · 20-08-2008 10:50 AM

المشاركة الأصلية كتبت بواسطة OlaOsman

حكاية كل سنة.. دخول رمضان و محاولة إستعداد الناس إيمانيا لرمضان و تذكير بعضهم و أنفسهم بالذكر و الطاعات.. ييجي إبليس طبعا مش عاجبه.. يقوم يشعلل خناقات و خلافات و يكبر حاجات في دماغ ناس عشان يهاجموا بعض و ما يسكتوش و يتخانقوا وينشغلوا بالخناق عن الاستعداد لرمضان.

ده اللي انا وصلت له بعد حوالي 7 سنوات في المنتديات.. كل سنة ده بيحصل بالحرف.. في الأول ما كنتش باخد في بالي.. انما سنة ورا سنة و بالرجوع لتاريخ الخناقات الكبيرة اللي كانت بتحصل في المنتدى (منتدى تاني بقالي فيه 6 سنين مش نايل موتورز يعني) بالاقي ان تواريخ معظم الخلافات الشديدة يرجع لشهر شعبان.. صدقا والله مش مبالغة، لأ وكمان في محيط اللي اعرفهم بلاقي سوء التفاهم و الخلافات بين الأزواج كمان بتكتير اوي في الوقت ده.. خصوصا بالنسبة للناس اللي فارق معهم دخول شعبان و قرب حلول شهر رمضان.

بس أرجع و أقول مش بالضرورة هو ده السبب الرئيسي للخلافات.. بالتأكيد فيه أسباب تانية و كل حد على خلاف مع حد تاني ربما كانت له أسبابه الوجيهة للخلاف.. بس محتاجين نفطن لحاجة زي دي و ان ممكن يكون وسوسات الشيطان بتوجه ردود أفعالنا اتجاه تاني ممكن ما نكونش من اللي بيتجهوا له لو مش واقعين تحت وسوسة الشيطان.

انا مش باقول اننا واقعين تماما تحت سيطرة الشيطان و بنمشي مسلوبي الإرادة.. احنا بالتأكيد أقوى منه و الله سبحانه و تعالي يقول "إن كيد الشيطان كان ضعيفا".. انما برضه ماننساش اننا بنتعامل مع عدو مافيش وراه غير إثارة العداوة و البغضاء بين المؤمنين و إبعادهم عن الطاعات و واخد عهد على نفسه بكده قدام ربنا.. يعني الشغلانة اللي هو مكرس نفسه ليها دي فول تايم.. ما بيشتغلش شغلانة تانية بعد الظهر مثلا.. ده احنا شغلته و متفرغ لنا تماما

محتاجين بس ناخد بالنا و ما ننساقش ورا انفعالاتنا و نقول في الوقت الصح: أعوذ بالله من الشيطان الرجيم و نستشعر قوتها و نستشعر اوي احنا بنستعيذ بمين.. بنستعيذ بالله جل و على.. ساعتها هانحس أوي أد ايه الشيطان ده ضعيف أوي قدام استعاذتنا بالله.. و كل سنة و انتوا طيبين

تفسير عجيب ! الموضوع مش خاص بشهر شعبان و لا اى شهر معين بل يحدث طوال 12 شهر فى السنة و العياذ بالله !

**ehabradwan** · 20-08-2008 02:08 PM

يا جماعة الحل في كلمتين

think twice ...act wise

بس خلاص

**Karim_Monir** · 20-08-2008 08:31 PM

والله يا جماعة احنا جوانا كويس جدا بس بقيت حاسس اننا بنفرغ شحنة العصبية اللي بنشوفها في الشارع في المنتدي
يعني واحد رايح الشغل الصبح سواق ميكروباززز ولا دبابة غلس علية
يطلع وقبل ما يشرب النسكافية يروق دمه هووووب يشوط في اول مشاركة مش عاجباه
واحد تاني مديرة مطرقعلة ولا مراتة رفعتلة ابو وردة (احم احم احنا رجالة قوي) هوب يدخل يشطو في اول واحد مش عاجبة
يا ريت مايكونش المنتدي مكان لتنفيس الكبت وعقد الاضهاد
يفضل مكان للافادة والاستفادة
وانا لما بتكلم معاكم بنقلكم الواقع لاني حلقة وصل بين الاشراف والاعضاء وبتكلم بصفتي عضو
لاني حسيت ان في ناس بتفهم كلامي مشرف وانا مش مشرف انا دعم فني قولتها وما زلت اقولها
لو عايز اتكلم بصفتي مشرف هامسك قلم احمر واتكلم ومحدش هايعرف اني انا
لكني والحمد لله اكثر مباشرة من كدة
اما عن الاجازة محدش يجبلي سيرتها
قاعد على البحر ماسك الموبايل وببص على نايل موتورز
قاعد في كافية فاتح الموبايل وببص على نايل موتورز
حتى فودافون قفلت عليا ال VMC معدقتش ونزلت اقعد في سايبر حقير اشبه بالغرز عشان نايل موتورز
هو البتاع ده بقى ادمان ولا ايه
شكرا لكل ردودكم الفعالة ومستني مزيد من الايجابية بالفعل
وشكرا لكل من تجنب مشاحنة او مضايقة
وعمل حساب لصاحبة وزميلة في المنتدي
وعمل حساب لطاقة المشرفين المهدرة ورا كل مشاحنة وكل خناقة
ملحوظة صغيرة كتير مش واخدين بالنا منها
اي عضو محترم ومالوش مشاغبات ولا خناقات تلاقي ليه رصيد عندنا كويس واول المرشحين للاشراف
ودايما ليه مكان مخصوص عندنا
والعكس كل عضو غاوي خناقات ومشاحنات تلاقية ليه رصيد سيء عندنا
يا ريت كلكم يكون ليكم رصيد جيد

**Nile_Storm** · 21-08-2008 01:16 AM

المشاركة الأصلية كتبت بواسطة karim_monir

اي عضو محترم ومالوش مشاغبات ولا خناقات تلاقي ليه رصيد عندنا كويس واول المرشحين للاشراف
ودايما ليه مكان مخصوص عندنا
والعكس كل عضو غاوي خناقات ومشاحنات تلاقية ليه رصيد سيء عندنا
يا ريت كلكم يكون ليكم رصيد جيد

احم احم
ده انا كده ليه سجل حافل
و لا بتخانئ خاااااااااااااااااااااااا اااااااااالص

**OlaOsman** · 21-08-2008 01:23 AM

المشاركة الأصلية كتبت بواسطة Nile_Storm

احم احم
ده انا كده ليه سجل حافل
و لا بتخانئ خاااااااااااااااااااااااا اااااااااالص

احم احم.. طيب العضو اللي سجله حافل بالمواضيع اللي اتقفلت، ايه موقفه؟

**Ahmed Samy** · 21-08-2008 02:01 AM

المشاركة الأصلية كتبت بواسطة OlaOsman

احم احم.. طيب العضو اللي سجله حافل بالمواضيع اللي اتقفلت، ايه موقفه؟

ههههههههههههههه

انتي ممكن تاخدي جايزة

و تطلعي في الأهرام في صدق أولا تصدق

(في عام 2008 استطاعت المصرية علا عثمان أن تنشئ ستين موضوعا مغلقا في خمس ساعات فقط ):bigear: