عايز مساعدتكم .. ناوي علي 146 ان شاء الله

**M_a_h_M** · 11-05-2013 06:48 PM

السلام عليكم

ناوي ان شاء الله اشتري 146 .. كنت سوقتها مرة و بصراحة عجبتني فقررت اشتري واحدة زيها

بس مش عارف عنها اي حاجة و لما اشتري ابص علي اية .. و اية حكاية الماتور البوكسر عبارة عن اية ؟؟ مش فاهم

و لو مفيهاش ماتور بوكسر اعمل اية ؟؟

و اية تاني

و شكرا

**i_Am_Legend** · 11-05-2013 07:06 PM

عربية ممتاااازة وجميلة جدا وسريعة الله اكبر عليها..وثابتة وقطع غيارها في الذيذ

**M_a_h_M** · 11-05-2013 07:18 PM

شكرا علي الرد .. بس كنت عايز اعرف اية حكاية الماتور البوكسر دة ؟؟ مش فاهم و شكلة يفرق اية عن غيرة لما اجي ابص علية ؟؟ كاربراتير و لا انجكشن .. يعني اية حكايتة بالظبط

**i_Am_Legend** · 12-05-2013 11:12 AM

دة موتور قوى جدا وقليل الاعطال..زية زى اي عربية..والموتور دة زى السوبارو..والبورش موتور عرضي وهو انجيكشن طبعا

**i_Am_Legend** · 12-05-2013 11:56 AM

الموتور صوتة بيخوف جداااا ومرعب صوت رياضي موووووت :)
وقوة الموتور 113 حصان واستهلاك البنزين 7 لتر تقريبا لل100كيلز..وفي السريع اقل كمان..وميزة الموتور انة بيدي ثبات اكتر للعربية في الجري

**m_gewelly** · 12-05-2013 09:46 PM

المشاركة الأصلية كتبت بواسطة M_a_h_M

السلام عليكم

ناوي ان شاء الله اشتري 146 .. كنت سوقتها مرة و بصراحة عجبتني فقررت اشتري واحدة زيها

بس مش عارف عنها اي حاجة و لما اشتري ابص علي اية .. و اية حكاية الماتور البوكسر عبارة عن اية ؟؟ مش فاهم

و لو مفيهاش ماتور بوكسر اعمل اية ؟؟

و اية تاني

و شكرا

بوكسر يعنى الملاكم علشان فكرة الماتور فى كل ناحيه 2 بستم 2 شمال و2 يميم ودى ميزه يعنى بستم فى الشمال طالع وبستم فى اليمين نازل زى الملاكم بالظبط تقدر تتخيل الحركه دى ودا ماتور اداوؤه جيد جدا طبعا 113 حصان واستهلاك البنزين مناسب ماتور رياضى يعنى شد ادام التخين بيه ميهمكش بس عن تجربه اوعى مواعيد تغيير الزيت وسخونة الماتور زى احتياطيات اى عربيه طبعا وال146 بتنزل بالماتور البوكسر كلها لحد موديل 98 تقريبا وبعد كدا ماتور توين اسبارك ودى قليل اوى منها فى مصر وميزة الماتور البوكسر ان رخيص يعنى 3000ج ماتور استيراد بهكس التوين اسبارك ب6000ج مع ان البوكسر اعلى اداء بس اقدم تكنولوجيا عموما كل ال146 اللى فى مسر بوكسر ودى صورة الماتور البوكسر

**M_a_h_M** · 13-05-2013 01:17 PM

و الله انا مش عارف اشكركم ازاي .. طب بالنسبة لسخونة الماتور اعمل اية بالظبط ؟؟ و هل لو شغلت التكيف هيزيد من سخونتة ؟؟ و لو كدة هل في حل معين ؟؟ معلش اسألتي كتيرة بس عشان تجربة جديدة عليا

و لو حد يعرف ميكانيكية متخصصين في الالفا روميو اكون شاكر

**m_gewelly** · 13-05-2013 11:20 PM

العربيه عموما مش بتسخن الا فى الزحمه عادى زيها زى اى عربيه انما فى الطوالى الحرارة بتكون معقوله ونصيحة خد بالك من الزيت والسخونه دا لاى عربيه فى الدنيا مش الالفا بس وعموما لما بتشغل التكييف المراوح بتشغل على السرعه العاليه يعنى ميهمكش لما تشغل التكييف الحراره بتكون اقل وتجربه شخصيه كان عندى فيشه مراوح التبريد فيها مشكله كانت مروحه واحده بتشغل من المروحتين ومكنتش واخد بالى تقريبا اكتر من شهرين تلاته ومكنتش واخد بالى ان درجه حرارة الماتور كانت بتعدى 100 لحد العربيه ما كانت بتقف منى فى الطريق واستنى لحد ما تبرد وامشى لحد ما بصيت على المراوح وهيا شغاله لقيت مروحه واحده بس وللاسف كان الموضوع دا اتكرر كذا مره واتدبست فى ماتور استيراد بسبب المشكله دى بس دا جهل منى علشان كدا قلت النصيحه دى ودى كانت غلطه منى رغم انى كنت مركب زرار مباشر بيشغل المراوح كنت بشغله فى الزحمه بس مخدتش بالى ان مروحه واحده من المروحتين هيا بس اللى كانت شغاله ولما رحت لكهربائى غير الفيشه لقى فيها سلك مقطوع بس بعد ايه عموما اتكل على الله واشتريها دى عربيه جامده شيك ومنظر وقيمتها فيها

**M_a_h_M** · 17-05-2013 04:24 AM

متشكر جدا جدا مش عارف اشكرك ازاي بصراحة

**nitron** · 13-06-2013 06:04 PM

انا اسف على التأخير بصو يا رجاله اولا المتور البوكسر هوة على شكل حرف hتمام ومعظم المواتير الى فمصر1600ودا بيطلع 103حصان بس والتور ده كامتين من نوع سوك اوك و8 صباب نزل ماتور تانى 1700اربع كامات و 16 صباب بيطلع 130 حصان وطبعا الات الجر فى الفا متيزه فتلائيه بيسحب عن المواتير الى زيه والعربيه دى ممكن تتعدل بسهوله وتزود الهورس بتاعها زى انا ما معدل عربيتى واى معلومه فنيه انا تحت امركم