الأخوة أعضاء النوادي، نادي دريم لاند ولا وادي دجلة

**aliabutaleb** · 14-05-2013 04:30 PM

المشاركة الأصلية كتبت بواسطة mohab.nabil

النادى كويس جدا بس عيبه انه هادى بزيادة يعنى مثلا لو روحت يوم فى نص الاسبوع ممكن تلاقى نفسك بتتمشى فى النادى لوحدك و فين و فين لما تلاقى حد ، طبعا ده ليه مميزات و ليه عيوب يعنى ميزته ان الجو بتاعه هادى اوى وممكن تروح تقعد و تهدى اعصابك و تقريبا مش هيبقى فيه غيرك فى النادى او عدد قليل جدا من الاعضاء فى نفس الوقت فيه مدارس لكل الرياضات تقريبا و فيه اتفاقية مع نادى ac milan فى مدرسة كرة القدم ، عيب النادى هو ميزته انه هادى اوى يعنى متحسش انك فى نادى ، هى الزحمة مش حلوة اه بس برضه الهدوء الزيادة عن اللزوم اوقات مش بيبقى لطيف اوى و حسب برضه دماغ كل واحد و زى ما تفضل حد من الاخوة ان نادى دريم لاند مستوى الاعضاء الاجتماعى بشكل عام اعلى من وادى دجلة و للعلم بس هو بقى اسمه pegasos دلوقتى مش dream land

اتمنى اكون افدت حضرتك

افدتني بشدة. جزاك الله خيراً
طب انا كنت سمعت عن نزاعات بين الاعضاء والادارة بخصوص رفع سعر تجديد الاشتراكات وكان فيه بلاغات في الشرطة ووقفات احتجاجية، وكمان عدم اهتمام الادارة بصيانة مرافق النادي وخلافه. شفت الكلام ده على جروبس على فيسبوك هل الكلام ده مظبوط ولا فيه تهويل؟